tgoop.com/ahmed_alziwar2/67383
Last Update:
#قصائد__ ام البنين_♥ _
#مـۄسسـﮫ_مــﻥــبـريۄن_للالـﺢــان
الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•السَّلامُ عَلَيكِ يَا أُمَّ البُدُورِ السَّوَاطِع
ــــــــــــــــــــــــــــــــــــــــــــــــــــــــ
من هالمجالس….. سلام الله عليچ
عفنه الحوائج .......كلها ابين اديچ
انتي الكريمه…. انتي الكريمه
★★★★★★★★★
ابابچ وگفنه بالدمع وانتي الكريمه هايه
قران رَبـــــچ نزلــــچ ايــــه وترتــل أيــــه
انطاچ فرسان اربعه بعين الحسين اهوايه
وانطاچ عباس الگمر رايه ويشيل الرايه
وگالو لختهم .....بالطف نفتديچ
عفنه الحوائج .....كلها ابين اديچ
انتي الكريمه…. انتي الكريمه
★★★★★★★★★
وگفاتچ انتي ويالخلگ يـــــم الگمر مشهوده
وصيتي ابنچ للأخو باالطف يظحي ازنوده
امعزبه وكريمه ابكل وكت ياالسفرتچ ممدوده
ورايــــة حوائجنه وعلي وي شيلتچ معگوده
اليله ابدمعنه ......نلفي وننتخيچ
عفنه الحوائج ......كلها ابين اديچ
انتي الكريمه…. انتي الكريمه
★★★★★★★★★
انتي الهوه يــــــم الگمر وبجالــچ اتنفسنه
ونهديلچ احنه الفاتحه يالحرة من مجلسنه
نعقد مجالستهم ابحزن بس نشعر اتونسنه
چي صرنا لحسينچ خَدم والوادم اتقدسنه
خدامچ احنه… .وخدام البنيچ
عفنه الحوائج .....كلها ابين اديچ
انتي الكريمه…. انتي الكريمه
★★★★★★★★★
بابچ وسيع ومايـــرد كلمن وصَـــل يــم بابــچ
احجاب السماوت السَبع ماخوذه من احجابچ
حته الجرح شو يختلف يشفه اعله ذاري اترابچ
من مجلس احسـين وألــچ ممدوه ايد احبابچ
بجروح الحسين…. فاطم نرتجيچ
عفنه الحوائج .....كلها ابين اديچ
انتي الكريمه…. انتي الكريمه
★★★★★★★★★
الطالبله ذريـــه واجـــه ابمجلسنه هايه الليله
وشال ايده لحسين ولطم مو بس طفل تنطيله
كلمن مريض وماشفه يندبـــچ يــرد كــل حيله
والغــــــارگ ابهم دنيــــته چف ايـــدچ اتمديله
ماخابــــه والله… كلمن يعتنيچ
عفنه الحوائج… .كلها ابين اديچ
انتي الكريمه…. انتي الكريمه
★★★★★★★★★
ماخاب كلمن معتني ودگ بابچ ابدمعاته
اتگليله مگضيه لون مثل الجبل حاجاته
زفيتي لحسين السبط فرسانچ الخيماته
وعباسچ امعزب طلع دَكَ عالنهر راياته
اليتعنه عباس… معناها يجيچ
عفنه الحوائج….كلها ابين اديچ
انتي الكريمه…. انتي الكريمه
★★★★★★★★★
يم البنــــين امروتــــچ كل مجلس اتوفقينه
وخـــــدام لحسين وألچ طول العمر خليـــنه
لو ماخدمتچ فاطمه ابهالقيمه مــــا حسينه
هنيالنا اشما نبچي الچ بدموعچ اتسجلينه
كل عطر العزاز… نشتمها احنه بيچ
عفنه الحوائج ..... كلها ابين اديچ
انتي الكريمه…. انتي الكريمه
★★★★★★★★★
ـــــــــــــــــــــــــــــــــــــــــــــــــــ
ماجد حبيب الخيكَاني
ونسألكم الدعاء
▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
BY 2.مؤسسة منبريون لنشر القصائد🧿
Share with your friend now:
tgoop.com/ahmed_alziwar2/67383