tgoop.com/ahmed_alziwar2/67152
Last Update:
#قصائد__ فاطمه الزهراء_♥ _
#مـۄسسـﮫ_مــﻥــبـريۄن_للالـﺢــان
الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ
العندي أغلى من روحي
صـــــــارت سبب نوحي
يامـــــــــــرهم اجروحي تعاي تعاي
ــــــــــــــــــــــــــــــــــــــــــــــــــــــــــــــــــــــ
رفــــــت شجاها العين
وكلبي من امس مو زين
وكا بلـــني ابني حسين بوجها مصيبه
عيـــــــنه على بابي ادير
وحـــس كلبي بلي يصير
وضعي انه موش بخير بعد الحبيبه
ضليت انـــوح وبحركه اصيح
بسيف الهـــــــــجر كلبي ذبيح
حكي كمت بكل خطوه اطيح
ومــــــــــــــايبرد اونيني
دافن نـــــــــــــضر عيني
الفـــــــــــــــركه تبجيني تعاي تعاي
ــــــــــــــــــــــــــــــــــــــــــــــــــــــــــــــــــــــ
خـــــــــــــل اليلوم يلوم
وخل عيني تبجي ادموم
دافن زهـــــــــرتي اليوم ياروحي موتي
الجــــــــــــانت ليه افياي
وعـــــشـــــرت عمر وياي
ضلـــــــتي شنهي بدنياي ياروحي موتي
مابي طـــــــــعم صار العمر
وام الحسن ضــــمها الكبر
بضلوعي احس صار الكسر
شـــــــــــــــما طبن البيتي
يضــــــــــيك الهوه بريني
مدفــــــــــــــونه عافيتي تعاي تعاي
ــــــــــــــــــــــــــــــــــــــــــــــــــــــــــــــــــــــ
انه الـــــــــــــــدحيت الباب
ابجي بــــــــــــــدمع سجاب
جيف ادفـــــــــــــنت بتراب طول الزجيه
محـــــــــــني الضهر ضليت
ومـــــــــــاودي اطب البيت
الام الحسن حنــــــــــــيت هاي المسيه
من ادفنت زهــــــــــرت هلي
صار الـــــــــدمع سلوت علي
ماضــــــــــــل بعد كلشي لي
حـــــــــــك دمعتي تلالي
وحالي بـــــــــجه الحالي
غالي ودفــــــــــــن غالي تعاي تعاي
ــــــــــــــــــــــــــــــــــــــــــــــــــــــــــــــــــــــ
بيه الـــــــــــــــوجع جتال
مـــــــــــــــو جلمه وتنكال
بيش انــــه اوصف الحال بعد الجريمه
انـــــــــــــــه علي الكرار
بيه الوكــــــــــت شو دار
وبيني اشتــــــــعل بالنار هاي الهضيمه
داري الوحي بيها سكن
تسوه الـــــــــف جنة عدن
بيها اكعدتت ام الحسن
الحيل انه احبنها
كسرو ضلع منها
يشيب الطفل ونها تعاي تعاي
ــــــــــــــــــــــــــــــــــــــــــــــــــــــــــــــــــــــ
سيف الهـــــــــــــجر ذباح
وي دمعي كلــــــــبي طاح
من يــــــــــــــاوجع ترتاح روحي الحنينه
فاكد اعـــــــــــــــز الناس
وشيب انترس هل راس
ماضـــــــــــل ألم ماجاس روحي الحنينه
عشرتنه لا مـــــــــــــــاضن ترد
بحـــــــــــــضن الكبر نام الورد
ماينعــــــــــــــشك طاري البعد
خنكـــــــــــتني العـــــــبره
مــــــــــــــن راحت الزهرة
عيني اصبـــــــــحت حمره تعاي تعاي
ــــــــــــــــــــــــــــــــــــــــــــــــــــــــــــــــــــــ
اليفــــــــــــكد عزيز عليه
بشلـــــــــــــــونك اتبجيه
ميت قـــــــــــــــهر تلكيه الفاكدله غالي
بكل ذكره روحه تموت
ويبجي بعلات الصوت
بكــــلبه الوجع منحوت ودمعه يلالي
جـــــــــــــــرح البعد ماله دوه
يلجمك يضــــــــــل حته الهوه
بنار الـــــــــــــدمع خده انجوه
اليفــــــــكد ضوه عيونه
بيـــــــــــــــمن يصبرونه
ميت يحـــــــــــــــسبونه تعاي تعاي
ــــــــــــــــــــــــــــــــــــــــــــــــــــــــــــــــــــــ
حسين عبد الزهرة الدراجي
▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
BY 2.مؤسسة منبريون لنشر القصائد🧿
Share with your friend now:
tgoop.com/ahmed_alziwar2/67152