tgoop.com/ahmed_alziwar2/67128
Last Update:
#قصائد__ فاطمه الزهراء_♥ _
#مـۄسسـﮫ_مــﻥــبـريۄن_للالـﺢــان
الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ
ياهوا المثلي ودافن عمره
وراجع لهله ولازم ظهره
من ايمر طاريها اتهل عيني
ويفاطم مو هينه العشره
★★★★★★★★★★★★
ظهري انكسر وانه الگبل بچفوفي مكسوره اضهور
يم بابي واگف منحني يشبهني سيفي المقهور
دم فاطمه ترس الارض ضلع السمه چن مكسور
وحسين وي زينب بچه واتخيلت حل عاشور
صحت ودمعة عيني اتلالي
من شفت ام حسين اگبالي
خطيت ابدمعي اجمل ذكره
ويفاطم مو هينه العشره
★★★★★★★★★★★★
اركض اجيت ابلا وعي والدار منهوبه الدار
ابچي مثل بچي الطفل والبي يسكتون ازغار
محترگه عتبة فاطمة وبگلبي شيطفي النار
لمن وصلت المنزلي اهنانه صحت ياستار
من شفت ابني حسين وشايط
ودم الزهره ترس الحايط
زينب نادت بــــــــــس ابعبره .. ويفاطم مو هينه العشره
★★★★★★★★★★★★
حافي اجيت اركض ركض والگاع مزروعه ارماح
بالمسجد اوجاني الخبر جبريل ناداني وصاح
شمتاني گاعد ياعلي والمحسن ابابك طاح
مرتاحه فاطم لا تضن والعدوا ابيته اومرتاح
هذا الموقف هدم حيلي... من شفت حسين ايتچيلي
گلبي من يون حگ و انعذره... ويفاطم مو هينه العشره
★★★★★★★★★★★★
غاب البدر من السمه ومن بيتي المحسن غاب
وتفرهد احجاب العرش من فاطمة طاح احجاب
هذا التراب ابني صبح وانه اليسموا ابو اتراب
وتفاجــئــت لمن شفت دم فاطمة ترس الباب
حوريه وتهمل عيناها.... والله لا ينطي البچاها
ثاري الحب من اول نضره... ويفاطم مو هينه العشره
★★★★★★★★★★★★
لا گتني فضه امفرفحه وگلاتلي ياوسفه وحيف
طبوا البيتك ياعلي وجبريل چان ايطب ظيف
ماتن اطرافي وسلهمت چن عايش ابعالم طيف
گالتلي عصروا فاطمه وگتلهم انطوني السيف
من يزعل سيفي ويگرابه.. خيرهم ينزع بثيابه
انه الأخذت روحه الزهره... ويفاطم مو هينه العشره
★★★★★★★★★★★
لمن وصلت ام الحسن يمها انحنيت ابلا راي
وگتلها يافاطم وسف مات الورد يــــــم الماي
وي كسرة اضلوعچ تره ايبين الكسر من مگفاي
اسعد بشر فوگ الارض عشت العمر وانتي اوياي
يالشلتيني ابنص اعيونچ... بس طمنيني وکولي اشلونچ
يالتسأل عن ضهري وكسره.. ويفاطم مو هينه العشره
★★★★★★★★★★★★
ــــــــــــــــــــــــــــــــــــــــــــــــــــــ
ماجد حبيب الخيگاني
ونسألكم الدعاء
▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
BY 2.مؤسسة منبريون لنشر القصائد🧿
Share with your friend now:
tgoop.com/ahmed_alziwar2/67128