tgoop.com/ahmed_alziwar2/67126
Last Update:
#قصائد__ فاطمه الزهراء_♥ _
#مـۄسسـﮫ_مــﻥــبـريۄن_للالـﺢــان
الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ
منهاج قصائد الليالي الفاطمية الحزينة
قصيدة { الراية الفاطمية }
نجدد عهدنا وفاطمة الغاية
نلبــس ســواد ونرفع الراية
بدت بسم الزچية
الليالي الفاطمية
نلبــس ســواد ونرفع الراية
................................................................
بسم رب العــرش نبــدي شعائرنه
لمصاب الطاهرة ناحت ضمائرنه
حمدنه الله خدم لٱم الحسن صرنه
جمعنه دموعنه وهمنه ومشاعرنه
أول رواية بدمع نحچيهه
نرفع الراية اليوم نبديهه
شرف وأعظم قضيه
الليالي الفاطمية
نلبــس ســواد ونرفع الراية
................................................................
ميطيب الجرح والصار ما ننساه
لحظه بلحظه بدموع الحزن عشناه
على دار الشرف هجمت أعداء الله
مصاب أم الحسن بگلوبنه شفناه
كل المهج هالحزن ماردهه
يذكر كسر ضلعين من عدهه
أحاه يالرزيه
الليالي الفاطمية
نلبــس ســواد ونرفع الراية
................................................................
للطاغي اللعين الحرگ باب الدار
حقد ضد الرسول وعترته الأطهار
يگلوله الزچيه ويظل يشعل نار
گاللهم ( وإنْ ) والصار فجعه الصار
محد نساهه فجعة الزهره
طيحت طفلهه وشدّة السطره
تظل ونه خفيه
الليالي الفاطمية
نلبــس ســواد ونرفع الراية
................................................................
تظل راية حزنّه بكل وكت شاهد
على امصاب الجليلة والألم زايد
وعلى خسّة ضمير وجور كل حاقد
ويظل المشتكى للخالق الواحد
أول بداية الزهرة طيحتهه
باب الحزن عاشور فجعتهه
طريق الغاضرية
الليالي الفاطمية
نلبــس ســواد ونرفع الراية
................................................................
وعلي لوما الوصية الملتزم بيهه
چا حيدر گلب سافلهه عاليهه
منو اليوصل الدار ويهجم اعليهه
إذا يدري علي حامي الحمه بيهه
ولو فاطمه تشتكي الباريهه
برفعت إديهه الأرض تمحيهه
بس بيهه وصيه
الليالي الفاطمية
نلبــس ســواد ونرفع الراية
................................................................
ترفرف بالحزن والدمع والحسره
رايتنا لمصاب الطاهرة الزهره
صعب هذا الكسر يا مدمع يجبره
إلى موعد الثأر أرواح منتظره
يا ربنا عجّل فرج مهدينه
ياخذ الثار وسيفه بيمينه
إلى الطلعة البهية
الليالي الفاطمية
نلبــس ســواد ونرفع الراية
................................................................
خادم الإمام الحسين عليه السلام
عمار هليل الواسطي
▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
BY 2.مؤسسة منبريون لنشر القصائد🧿
Share with your friend now:
tgoop.com/ahmed_alziwar2/67126