tgoop.com/ahmed_alziwar2/67109
Last Update:
#قصائد__ فاطمه الزهراء_♥ _
#مـۄسسـﮫ_مــﻥــبـريۄن_للالـﺢــان
الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ
أه ييمه ،، وانتهينه بلحظه وحده
آه ييمه ،، حظنچ الدافي شيرده
------------------------------------------
شگلچ يلمشيتي ورحتي من ايدي
بعد ماتت وراچ ال ( يمه) و (وليدي)
المحنه البيچ ما تعتگ
يهيل يفوح من يندگ
المضيف الهيبتچ يعرگ
تركتي اضلوعي بردانه
يچلمة تگضي واسم الله
ينبرة عابد وصلى
خسرتچ وانتهت والله
بعد مو الاولي آنه
آه ييمه ،، صدگ هاي الشده شده
آه ييمه ،، حظنچ الدافي شيرده
------------------------------------------
بعد ما چان جفني بحظنچ امغمضه
فوگ اچتافي اشيلچ وانحني بلحظه
اشيلچ وانكسر كلي
مماتچ كلشي ميخلي
بعد ما امشي وي حلي
الشباب وياچ وديته
على مناغه الزغر انحب
عطش وبيا چفوف اشرب
يوجه الغاليه امترب
اسف بالگبر تاليته
آه ييمه ،، ماخذه وياچ الموده
آه ييمه ،، حظنچ الدافي شيرده
---------------------------------
سولف يا تراب شلونهه احچيلي
هاي امي اتركتني شمالك ابچيلي
آنه الخسران كل عمره
بشر بس بالشكل صحره
آنه الامه اكسرت ظهره
بوداع العافيه الماتت
التلم العايله بچلمه
الزعلهه بيا هلا تضمه
على المات بدمع تعمى
واذا جار الرحل ناحت
آه ييمه ،، گبل دمع اهله اتبده
آه ييمه ،، حظنچ الدافي شيرده
-----------------------------------
چان البيت جنه وانتي موجوده
تعالي اتفرهدينه النخوه مريوده
لمي الباقي من عدنه
تعالي الشوگ موتنه
الضياع نشوف والدنه
ينوح اگبال خطارچ
اذا خيمتنه والتچوه
بعد موتچ فلا هوه
السوالف والله مو حلوه
اذا ما يگعد اگبالچ
آه ييمه ،، انتي كل الدنيا عنده
آه ييمه ،، حظنچ الدافي شيرده
-----------------------------------------
يتيم البيت مو بس احنه من دونچ
حنينه وبس هلا مرسومه بعيونچ
عليچ الجار ثوبه اسود
اليذكرچ دمعه فوگ الخد
تعالي وشوفي شتفرهد ؟
سلف من شلتي يا يمه
صباح الخير مدفونه
الفجر ليش انخطف لونه
ضواچ شواي ينطونه
بعد ليل وصبح ظلمه
آه ييمه ،، بله فگدچ ياهو گده ؟
آه ييمه ،، حظنچ الدافي شيرده
كلمات الخادم / رعد الفريجي
28 / ربيع الاول / 1447
ثوابها الى روح والدتي
▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
BY 2.مؤسسة منبريون لنشر القصائد🧿
Share with your friend now:
tgoop.com/ahmed_alziwar2/67109