tgoop.com/ahmed_alziwar2/67095
Last Update:
#قصائد__ فاطمه الزهراء_♥ _
#مـۄسسـﮫ_مــﻥــبـريۄن_للالـﺢــان
الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ
دمع افراكج يحرك خدي
اهواي جروحج وامنين ابدي
ثاري الهوه جذاب كل ما يحرك الباب
****
اجاني الليل وسكاني الويل هدم حيلي وخذه اسنيني
وطار النوم من عيني وزماني ايريد ياذيني
شيخلص بواجي الليل رايح يعمن عيوني
والعاشو عمر وياي ليش الوحدي خلوني
كمت احسب بصابيعي وخابت عكبج ضنوني
موش انتي اليدفنونج كون انه اليدفنوني
اتكسر ضلعج من العصره
وعينج حمره من السطره
جرحج ابد ما طاب كل ما يحرك الباب
***
تره المجروح يحن وينوح عله اعصابي الالم عشته
عرفت الموت يهد بيوت فلا يسوه العمر شفته
بحزني اتعنه يم الباب وبجي الضلعج وكسره
وشوفة محسن المظلوم ضلت بالكلب حسره
حركو دارج وهضموج والمهضوم شيصبره
خلف الباب من عصروج عصرو كلبي يالزهره
فوك الحايط انضر دمج
احتارت فضه اشلون اتلزمج
زمرة غدر ورهاب كل ما يحرك الباب
***
عله البسمار لكيت اثار قصص واحلام مذبوحه
صده الاهات ترك حسرات انه البيده دفن روحه
طبع الدنيه هذا ودوم ما تخلص مصايبها
ما تسوه ييمه اعتاب حته اكعد وعاتبها
الرساله الما تجيب احباب المن اكعد اكتبها
بسك يا دهر ناديت ليش الراحه تسلبها
يمه عيونج مشتاك الها
الدنيه بوجهي انسدت كلها
هليله بدرب غاب كل ما يحرك الباب
****
الضلع اذاج الالم خلاج تجري النفس كوه
تعبتي اهواي وفكدتي الراي وخسرتي اسنينج الحلوه
لمن صرتي خلف الباب ثكل الباب اجه بصدرج
والبسمار من صاباج بالبسمار ضل عطرج
واحد طيحو ابنها ايصيح اواحد عالخد ايسطرج
ما يرهملج التابوت وانتي اثمنطعش عمرج
حرمة بيتج ماراعوها
اتصب عيونج دم خلوها
بكلبي حزن وعتاب كل ما يحرك الباب
***
عذابي يطول منو المسؤل ومنو اليسال على اخباري
دمع مطلوب اويكل اغروب انوح وما طفت ناري
يايمه الحسن انه وروحي امعاشره الونه
عكبج يا حلم دنياي عمري ما اريدنه
نعشج للكبر بيدي حرت اشلون اشيلنه
زينب تلطم اعله الراس ويبجي حسين اشوفنه
غمضت عينج وتيتمنه
وزينب صاحت راحت امنه
وحيدره دليله انصاب كل ما يحرك الباب
*
تمت
تحسين الخفاجي
▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
BY 2.مؤسسة منبريون لنشر القصائد🧿
Share with your friend now:
tgoop.com/ahmed_alziwar2/67095