tgoop.com/ahmed_alziwar2/67093
Last Update:
#قصائد__ فاطمه الزهراء_♥ _
#مـۄسسـﮫ_مــﻥــبـريۄن_للالـﺢــان
الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ
نعمه خدمتها نعمه
وفاطم هاي احله كلمه
التمينه ونادينه والرايه اعتلت
لطمتنه وصرختنه بالمجلس حلت
****
يا ناس حب فاطمه مو كلمن ايحصله
وجبريل لو ما خدم ما وصل هالمنزله
هذا العشك فاطمه بس هيه تستاهله
صوت الحناجر تهتف بهاي المأتم هله
صحت بس ربع المجالس ذوله انه ربعي
همت يا ناس بجنوني وبالموكب اسعي
الهي ارزقني رضاها بكل مجلس ادعي
اشلون للكسرو ضلعها ما كسره ضلعي
حلوه لمتنه حلوه
والها دمعتنه تسوه
كل خادم مو نادم عينه لو بجت
لطمتنه وصرختنه بالمجلس حلت
*
يايوم نطلع مشي ونتعنه لم الحسن
ونبني كبر فاطمه ونطوف وسط الصحن
ويطول كون العمر ونشوف ذاك الزمن
كل شيعي هزه العشك ولم الحسن كلبه حن
اشوكت نتعنه الكبرها ونأدي الزياره
وهله بزوار الزجيه نخط العباره
وابو صالح بيده باجر يسوي المناره
ربح خدمتها شفتها وابد مو خساره
نمشي للحضره نمشي
وكلشي ايسبحلها كلشي
الشوفتها وكبتها شيعتها ضمت
لطمتنه وصرختنه بالمجلس حلت
***
كالولي بطل السهر ورادوني اعوف العشك
وينام ليله جذب هوه اليحب من صدك
كلبي بسمها وعلي كل ساع اسمعه يدك
ومن ما تجيني بحلم من الله هيج اختنك
احبها وكل كلمه حلوه بوصفها كلتها
اميرها والها هديه روحي جبتها
سرح تفكيري بهواها وابد ما عفتها
ويعالم لجل الزجيه حياتي انذرتها
اكبر بالزهره اكبر
يزغر العافها يزغر
كلماتي ونضراتي بالحب سولفت
ولطمتنه وصرختنه بالمجلس حلت
**
عدنه الحرب شي سهل واحنه ولد فاطمه
علمنه حيدر علي كل ظالم انقاومه
طلعت حشود النصر للموت متحزمه
وتصيح دم النحر للمذهب انقدمه
اجو وحسين بضهرهم ولدنه اشحلاهم
زلم وبذيج السواتر يرفرف لواهم
صدك عشاك الشهاده ومحد لواهم
جنود المذهب هذوله وثابت ولاهم
رجت والسبعه رجت
هجمت بالرايه هجمت
ما نخضع ما نركع والشيعي ثبت
لطمتنه وصرختنه بالمجلس حلت
**
ماريد منك مدح عندي سكوتك نصر
تنفي جهادي لان ضحيت لجلك عمر
عفت العدو بركبتي وتكضي الحرب تنتضر
تسقطني وانته جنت بكلهن تدور عذر
قيادي انه زعيمي واحب القيادي
بعت شبساع القضيه ونكرته جهادي
هله بولد المرجعيه بعلو صوتي انادي
يجيني الما عنده ثوره ويشوه اعتقادي
فزعه للثوره فزعه
وشمعه قائدنه شمعه
ثوراته وخطباته منهاج اصبحت
لطتنه وصرختنه بالمجلس حلت
***
تمت
تحسين الخفاجي
▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
BY 2.مؤسسة منبريون لنشر القصائد🧿
Share with your friend now:
tgoop.com/ahmed_alziwar2/67093