tgoop.com/ahmed_alziwar2/67077
Last Update:
#قصائد__ فاطمه الزهراء_♥ _
#مـۄسسـﮫ_مــﻥــبـريۄن_للالـﺢــان
الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ
للمگابر مشت شمعة بيتنه
وياها نمنه بفد گبر ياريتنه بويه بويه
***
من بعد ما غَسّلتها وكَفّنتها
ياحسن يحسين يازينب گلتها
گوموا لوداع الحبيبه من اسمعتها
بونّتك يابويه أحس روحي خذتها
وبين اديك بدمعتك ضمّيتنه بويه بويه
***
گبل لا شدّيت بچفوفك چفنها
وگبل متخلّي بنعش فاطم بدنها
صيحتك لعظامي أحسّن بيدنها
وهاي هيّه ويه العزيزه راح چنها
ريتك وياها بنعش خلّيتنه بويه بويه
***
فوگ صدر أُمّه الحسن وحسين أخيّه
بچّوا أمـــــــلاك السّمه ذيچ العشيّه
حنّت اعله بچاهُم الزّهره الزّچيّه
والصّدرها أخذتهُم برغم المنيّه
يالعله حُبها العذب ربّيتنه بويه بويه
***
وره الباب من اوچبت يهظم وضعها
ريت ظالمها شفت ســاعة سمعها
اعليها شب النّار وبحيله دفعها
وچتل بحشاها طفلها وطگ ضلعها
اعليها طحنه بياوضع مدريتنه بويه بويه
***
تخفي كل أوجاعها چانت علينه
خايفه تكسر خواطرنه الحنينه
لحظه ماتتحمّل تعاين بچينه
شلون بينه وراحت الزّهره من ادينه
آه ياكسر الضّلع سلّيتنه بويه بويه
***
الشّاعر
أبو سجّاد الجعفري 1 ربيع الثّاني 1447هـ
▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
BY 2.مؤسسة منبريون لنشر القصائد🧿

Share with your friend now:
tgoop.com/ahmed_alziwar2/67077