tgoop.com/ahmed_alziwar2/67073
Last Update:
#قصائد__ فاطمه الزهراء_♥ _
#مـۄسسـﮫ_مــﻥــبـريۄن_للالـﺢــان
الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ
زينب بعد دفن الزهراء (ليش اتروحين)
ليش اتروحين صار بيتج خالي
يا ام حســـين ضيم مرمر حالي
ماتغفــه العين بيج سارح بالي
يمه الزهراء يمه الزهراء
***
وحشـه يادار الاهل خالـي واظلم ظليت
شالت احباب الكلب من راحت ام البيت
زينب بالروح حسره انعه بآهات واقره
وادموع العين جمره هدم حيلي الهجر
مهدوم الحيل بان كسري وميله
سهرانه الليل مات كلبي الليله
ياعطر الهيل شال عطر العيله
يمه الزهراء يمه الزهراء
***
موكت هسه اللحــد يالعمرج عمر اورود
ابنيتج ابعازت دفو يالحضنج ماموجــود
ابنيتج ترجاج يمه دنياتي اليوم ظلمه
اشلون ابلياج حرمه تعيش ابــــــــلا أمل
ياضــي عيـــناي نار فايـــــــــر نوحي
واهمومي اهواي سيل تجري اجروحي
ردتـــــــج وياي يوم تنــــــــده روحي
يمه الزهراء يمه الزهراء
***
باجر اهواي الألم واعتازج يم حســـــين
زينب ابلايا خـيم ويخنكَني اهواي البين
اهلي ايظلون صرعه كلهم يرحون وانعه
متظل بالبيــت شمعه يعــــــين الله الكلب
لوطاح حســــين كون يمـــــي باجر
وانتي اتشــوفين اجروح يوم العاشر
من اتحضــرين اعليـه سحك الحافر
يمه الزهراء يمه الزهراء
***
وحدي بذاك الجرح اركض مابين الخيل
لاكفـــــيل ولاأهــل متعوبه وراح الحيل
اركض عالنار وامشي شاب امن النوح رمشي
يايمه ايمــــوت كلشي صعب ســــبي بغرب
ايروح العبــاس المــوت مايستاهل
راعي النوماس ايغيب نور الكافل
تولاني ارجاس يســـــبيني العايل
يمه الزهراء يمه الزهراء
***
وانسبي فوك الهزل كون اتشوفين الحال
ما امل امن البجـي مايرحمنـــي الجمال
جدامــــــــــي آلام تكثر وهمـــــي ابلياج يكبر
واعيوني اتشوف منظر اميــــــــره واتنسبي
متمنيه اوياج يحضني اترابج
ولاظل انعاج ذابحنـي اغيابج
وحشه ابلياج ماذيني امصابج
يمه الزهراء يمه الزهراء
***
ابو علي الركابي
▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
BY 2.مؤسسة منبريون لنشر القصائد🧿
Share with your friend now:
tgoop.com/ahmed_alziwar2/67073