tgoop.com/ahmed_alziwar2/67072
Last Update:
#قصائد__ فاطمه الزهراء_♥ _
#مـۄسسـﮫ_مــﻥــبـريۄن_للالـﺢــان
الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ
فاطمه اتنظره اليلطـم ويقره
ومنها ياخذ نعمته اليخلص الهه خدمته
فاطمه اتنظره
***
هذا معتقـــد والله وســـند موبس روايه
كل التعملـه والتفعلـــــــه موضع درايه
الله من ذكر بعض السور بكتــابه آيــــه
ان الله يــره كل ماجـــره بفعل البــرايه
وذاكر العتره ومنهم الزهره
الله خصـــها ابآيته اليخلص الهه خدمته
فاطمه اتنظره
***
فعلاَ فاطـــــــمه اتظل عالــمه بكل العوالم
تنظر للســـــعى وهل مدمــعه بهاي المآتم
تدعي للخــــــدم والي لطـــــم وبنيته خادم
واتشوف المحب صافي الكلب وبحبها هايم
اتسبح انفاسه بروحه واحساسه
الصفه والله نيته اليخلص الهه خدمته
فاطمه اتنظره
***
ميهمها الجسم حتى الاسم شكل الهويه
لاكنه الاهـــم ثابـــت قدم يم الزجــــيه
حامل فكرته وجل غايته هاي القضيه
ناصر فاطمه والخـــاتمه الحــد المنيه
بكل عزه حاضر خادم وناصر
بيضه تصبح صفحته اليخلص الهه خدمته
فاطمه اتنظره
***
اعظم ثروته وكل نعمــــته ترضى الجليله
الخادم يفتخر يوم الحشــــر عنــــده الكفيله
ميمسه الالم يوم النــــــدم فاطـــــم تجيله
ينظر هيبته بكـــد خدمته اعظــم فضيله
شـــكراً للفاطم ناده كل خادم
الحبها نايل رفعته اليخلص الهه خدمته
فاطمه اتنظره
***
نطلــب هالمحل عدنه الأمل تنظر علينه
الشارك والحجه بكلبه بجه لمــن قــرينه
نثبت بالســـجل من ننـــقبل نطلب دعينه
بايام المحـــــن لأم الحسـن نرجو وسعينه
الخادم الرابح بدنيته ناجح
الزهره ترفع سمعته اليخلص الهه خدمته
فاطمه اتنظره
***
ابو علي الركابي
▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
BY 2.مؤسسة منبريون لنشر القصائد🧿
Share with your friend now:
tgoop.com/ahmed_alziwar2/67072