tgoop.com/ahmed_alziwar2/67035
Last Update:
#قصائد__ فاطمه الزهراء_♥ _
#مـۄسسـﮫ_مــﻥــبـريۄن_للالـﺢــان
الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ
وديعة الهادي وتسيل ادموعها
وكسرة الباب الثجيله اضلوعها
ترى هاي امنه الزچيه ترى هاي امنه
ترى هاي امنه الزچيه ترى هاي امنه
@@@
من ربينه وامنه فاطم هيچ ربونه الاهل
وهيه اعَز من والدتنه وافضل واعظم واجل
واللي مايقبل على امه جرح بيها لو نزل
شلون يقبل عالزچيه السوط متنيها هدل
يابشر بالباب فاطم تدروا شالبيها حصل
لاذت ولنه عدوها كفه لي خدها وصل
…
الغيرته اعله الزهره غيره صعبه
يستمع سطروها تذبح گلبه
الموت يتمنه ابسهوله الموت يتمنه
ترى هاي امنه الزچيه ترى هاي امنه
@@@
لون امك هالحنينه جات مجروحه ابضرر
وهالجرح ياذي ابجسمها تنوح لو گلبك حجر
تگول فدوه ياللي گلبي اعليچ يايمه كبر
والخطر ياريت بيه ولا يمر خالچ خطر
اتخيل الزهره اجاتك والجفن دامي انسطر
مايله تمشي بألمها من ضلع بيها انكسر
…
هاللي يرخص ليها تسفح دمك
شالتسوي وهيه اغله امن امك
ابجرح تدّنه العزيزه ابجرح تدنه
ترى هاي امنه الزچيه ترى هاي امنه
@@@
فاطمه شافت مصايب يوم هجموا بالحطب
وصيحه خلوا بيت فاطم يحترگ جمر ولهب
ردت الباب ابسترها وذاك عاميه الغضب
لنه حسها بيها وعصرها بلا جنيه ولا سبب
هالسمع ونها وتكبر وازيد الزهره ضرب
هم سمع طگ ابضلعها لين طاحت عالعتب
…
لنه محسن عالوطيه اتعفر
وهو من شافه عصرها اكثر
شلّت اليمنه ابفعلته شلت اليمنه
ترى هاي امنه الزچيه ترى هاي امنه
@@@
تقبل امك يابوغيره لجنبي اعليه كشف
وهي من غير الحجاب مصوبه ودمها نزف
تقبل الطگ ابمتنها يفتح الجرح النشف
وضربه فوگ الضربه تالي بالسياط وبالسعف
الزهره لمن هاجموها والعدو ابسبها هتف
بالرمح كعبه اضربوها واكشفوا ام الشرف
…
للستر لاذت تريد احجابها
لاچن العدوان دفروا بابها
وتستتر عنه بإديها تستتر عنه
ترى هاي امنه الزچيه ترى هاي امنه
@@@
لا تگلي گُوم هادن ناس آذت فاطمه
والله لا يرضا عليهم عدد نجمات السمه
اتكالبوا كلهم عليها حتى سبحت بالدمه
ومارعوا حگها بأبوها ولا علي حامي الحمه
هذا يضرب ذاك يرفس هذا خدها يلطمه
واللي يشتمها ابصلافه وحتى بوها يشتمه
…
امي فاطم وهشموا ضلعيها
اشلون اترضا على ماذيها
ماتت ابوّنه جريحه ماتت ابونه
ترى هاي امنه الزچيه ترى هاي امنه
@@@
الله لا يرضا على اللى ماذي فاطم يرتضه
وكلمن ومحبوبه يحشر امر من الله انقضا
الطاهر اللي في رضاها الله بارينه رضا
ابليل دفنوها خفيه والضلوع امرضرضه
ردت لطه الوديعه والجنب منها ألتضا
والقهر اكثر عليها واشد من جمر الغضا
…
عن گبرها لا تسل چاوينه
مخفي وصت تندفن لحنينه
ابليل للجنه سفرها ابليل للجنه
ترى هاي امنه الزچيه ترى هاي امنه
@@@
علي أحمد الحمود
٢٠-٩-٢٠٢٥
شهادة الزهراء ع
▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
BY 2.مؤسسة منبريون لنشر القصائد🧿
Share with your friend now:
tgoop.com/ahmed_alziwar2/67035