tgoop.com/ahmed_alziwar2/67026
Last Update:
#قصائد__ فاطمه الزهراء_♥ _
#مـۄسسـﮫ_مــﻥــبـريۄن_للالـﺢــان
الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ
كون عباس .. حاضر الزهره الزجيه
كون عباس .. شايل ابسيفه المنيه
يوگف وگفته وكلهه يخلسهه
والزهــره محد يگدر ايمسهه
ــ⊱☆☆☆☆❀☆☆☆☆⊰ــ
موقصــور ابوالده ... لچن طـه القـــيده
وگله اصـبر يا علي ولتسل فقـارك
گلـه لاتعلن حــرب .. لون فاطـم تنضرب
وخلي عنوان السلم يصبح شعارك
يا بوفاضل يا شهم .. منك اتخـاف الزلم
كون حاضـر سيــفك ايثبت قرارك
وچان مايسلم نذل .. والزلم تخلص قتل
ونته تتبختر عليـــهم بنتصـــــارك
يابو الزود خزرت اعيونك مخيفه
يابو الزود منــك ايخـاف الخليفه
رايتــــهم ابزودك تنكســـهه
والزهره محد يكدر ايمسهه
ــ⊱☆☆☆☆❀☆☆☆☆⊰ــ
كون موجود الگمر ... چا يخلي الدم بحر
وچا طعـم للســـيف خله الروس كلهه
ياهو يدنه الفاطمه .. ويمهه راعي الموزمه
چان دگ لم الحسن صـــدره وكفلهه
كله غيره ومرجله ... وزعل حيـــدر شايله
مـن تحشــــمه يگلب الدنـــيه لجلهه
منه من تطلب مـدد ... يظل يزئر چـن اسد
غيـــر كلمة صــــار فاطــم ما يگلهه
لو موجود چـان ما كســرو ظلعهه
لو موجود ايصير خيمتهه ودرعهه
محميـه تبقه وهوه يحرسهه
والزهره محد يگـدر ايمسهه
ــ⊱☆☆☆☆❀☆☆☆☆⊰ــ
صارمه ايشكل خطر ... بيــهم ايتيه المفـر
مثل ضربت والده حيــدر ضربته
اسمه سبع الگنطره ... الغيــره نار اموجـره
اليـدنه يم البـاب ما تســـلم رگبته
سيف باشـط خزرته ... ياهو اليصد حملته
ريح صرصر بالحرب تصبح فزعته
لو تخوصر وستعد .. ايضيع مشراده الشرد
ياهو يگدر يوصله وسيفه ابيمنته
راعي الجود كلــهم ايهابون زوده
راعي الجود الفاطمه يقدم زنوده
فگر العســاكر لوطلع حسهه
والزهره محد يگدر ايمسهه
ــ⊱☆☆☆☆❀☆☆☆☆⊰ــ
يفزع ابوكت الشدد .. چن علي بوقعة احد
اثنينهن نفس العزم صوته اويه سيفه
لو هتف چن عاصفه .. يعجز الي ايوصفه
وارث امن المرتضى افعــاله المخيفه
نار يصــبح لوزعل .. ابوگفته ايمثل الفحل
حدر جدمه ايدوس اصحاب السقيفه
الحاول ايمس فاطمه .. ماسلم من صارمه
عالنواصب يشـــن ضــرباته العنيــفه
يوگف سور والعمــر ألـهه يبيـــعه
يوگف سور من اجل امه الوديعه
الحرب عيده وهوه فارسهه
والزهره محد يگدر ايمسهه
ــ⊱☆☆☆☆❀☆☆☆☆⊰ــ
چان ارض الله ارتوت .. من دمهاهم ونطوت
وچا خسفهه ابچشــهم راعي الشهامه
اوصـيه ماعنده ابـد ... اجيوشهم تصـبح بدد
الدنـيه تتراجف تضل لو كض حسامه
فاطمه وبيه انتخت .... والشــوارب رفرفـت
لجـل نخــوة فاطمه اتقــوم القيــامه
يضل يتراعد غضب .. ويرد حگهه الي انغصب
وبسـجل تاريخــهم يتــرك عـــــلامه
يمطر نار من يشن عباس غـاره
يمطر نار ونعـم شــبل الغيــاره
افنون الحرايب كلهه دارسهه
والزهـره محد يگــدر ايمسهه
ــ⊱☆☆☆☆❀☆☆☆☆⊰ــ
الخادم
كامل السعيدي
▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
BY 2.مؤسسة منبريون لنشر القصائد🧿
Share with your friend now:
tgoop.com/ahmed_alziwar2/67026