tgoop.com/ahmed_alziwar2/67022
Last Update:
#قصائد__ فاطمه الزهراء_♥ _
#مـۄسسـﮫ_مــﻥــبـريۄن_للالـﺢــان
الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ
#الليالي_الفاطمية
مولاي أمير المؤمنين عليه السلام
أتفطر دليل الروح
وجرح النضر مفضوح
من يفگد اليهواه
بيش أذتك يالباب
أمصاب الزچيه أمصاب
حيدر علي ينعاه
ماحسبلهه .. تموت اليودهه
وشوغت ضلعهه أتهد الحيل
زهرة حياته .. شايل نعشهه
ورد وحده مايل تالي الليل
هدتله حيله .. يريد اليشيله
خاوي بمشيته ودمعه يسيل
راح الحيل يزهرة حيدر راح
مو كواك علي ويگض صفاح
راعي الحيل أخبرچ گام وطاح
-------
مو زين أبد مو زين
ونطي الوجه لاوين
الميت علي ياريت
ماتت هظم وآهات
وميت علي شوغات
وجلد وعظم ضليت
ألتمو ولدهه .. يشمون أديهه
وكسورلي گلبي من سمعوني
يايمه تهظم .. چلمت يتامه
لمينه گومي ويمهه خذوني
حاچيهه بويه .. خل تگعدلنه
يجرون أديه وحيل أهضموني
دمع العين (صبر) مالمه وسال
حرت أشلون أگول الماينگال
ماماتت أگول وساكت ضال
-------
عاصرهه باب الدار
وشگفت بديهه النار
حد ماضناهه طاح
عليهه الجذع دفعوه
ومحسن رفس ذبحوه
ماگلي بويه وراح
تمنيته يبقه .. ويلم كبرتي
وبويه يگلي ونسمعه صوته
ماسمعاني .. الـ(ها بوية) ماتت
أوي الزچية فاجعنه موته
زينب تريده .. وصبرت تشوفه
يكبر أخوهه ويماشي ٱخوته
عصر الباب كسر للزهره ضلوع
ومو أي باب ثگيل الباب أجذوع
لاذت بيه وعليهه لن مدفوع
-------
مضيع أعز أنسان
وچنت اقلع البيبان
وهسه أعثر ببمشاي
چلمة (وأن) بالروح
تاكل بقت وجروح
بيه تعطش الماي
الچانو صحابة .. لا بل عصابة
چهبو ثنيتي وطفو شمعتي
لو ماوصية .. بچفوف أدية
مامني راحت هسه زهرتي
شيعدله ضهري .. وأم بزري ماتت
وشيطيبه جرحي وتنشف دمعتي
آه يمصاب جرح گلبي الماطاب
شلون يطيب وماخذ كلشي الباب
شلون يطيب وفاطم جوه تراب
رسول رياض
اللحان الملا مجتبى الكعبي
▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
BY 2.مؤسسة منبريون لنشر القصائد🧿
Share with your friend now:
tgoop.com/ahmed_alziwar2/67022