tgoop.com/ahmed_alziwar2/67021
Last Update:
#قصائد__ فاطمه الزهراء_♥ _
#مـۄسسـﮫ_مــﻥــبـريۄن_للالـﺢــان
الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ
الجرح اعظم هويه
للـ لي گلبة حاركه باب الرزيه
دمع صبح ومسيه
الدمع نصره بالليالي الفاطمية
على مثل الزجية ،
ابچي وانحب ويه حماي الحميه
سوادي الفاطمة والحزن ،،
وادعي الله ابقى الها منفجع
واطلب امن المهدي دمعتي
وگلب ما يبرد اعلى الظلع
شلون احب حسيني وانه لو
الأمه عيني ماتصب دمع
مثل دموعي للعاشر ،،، كون اجريها
الفاطمة الزهرة
ومولاتي أواسيها ،،، زينب الكبرى
واسجب العبره
عالطاحت على العتبة ،،، ومنذبح الها
طفل بالعصره
مولاتي يافاطمة الشهيدة
،،،،،،
جرح يعلن مصيري
شما نزف اكثر يوضحلي النهايه
وألم يحيي ضميري
وبعذابي رحمتي الباب الرزايا
لَون انه غديري
أنكسر بـ ايام بت سيد البرايا
ما تمر جلمة ( وأن) عَلي
الا وانه بغيره انتحب
وعاليرد احكوك اضل اون
حكه من جفوفه منسلب
على بابه الأمة حَملت
بالحطب وجهرً لَمن يشب
سيد كل بني هاشم ،، يحترك بيته
وبالعلن جانت
ومحد حامه عن كدره،، وفاطمة الحيدر
بالظلع حامت
حرمه والعدو اشكثره ،، وفاطمة بدمها
ع أرض طاحت
مولاتي يافاطمة الشهيدة
،،،،،،،،،،،،،
رسول الله وكلامه
جهلته الناس ولكت فرصه بوصيته
أنكر حق الأمامه
والتجاسر بالعلن صار اعلى بيته
علي موصه بحسامه
مايسله وتنزف بعينه حميته
صح علي ماسل فقاره بس
ما ترك حميته ابلا حمه
غيرة الله حيدر وفزع
دافع ابأيده عن فاطمة
لجن شاء الله ينطك ضلع
ومحسن ايغسله فيض الدمه
مظلوم اعلى مظلومه ،، يدافع بروحه
يدافع بدمعة
وأم الحسن مرمية ،،، والرجس ناده
وفاطمة تسمعة
أخذو علي بحباله ،،، وكامت بدمها
رادت اترجعة
،،،،،،،
دمع غربة ومصيبة
ينزل من عيون مولاتي وبعلها
صفوا عترة غريبة
دنيا زهدت بيهم وكشفت وجها
وخذت حگ الحبيبة
بعد ما فجعوها مولاتي بحملها
من أرثها نحرمت شكثر
وحاربوها لمن طالبت
بيا شريعه وغيره تنمنع
ابدارها امن البچي يابخت
وكطعوا الجواها تنتحب
(شجرة الاراك☝️)...
وتنظلم اكثر اشما بچت
أم الرحمه والغيره ،، لالكت غيره
لا لكت رحمه
سلاهه الضلع كسره ،، الهوا بجم دمعه
يالله تشتمه
ماتت فاطمة بهمهه ،، بعينها الحمره
وبالگلب هظمه
،،،،،،،،،،
▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
BY 2.مؤسسة منبريون لنشر القصائد🧿
Share with your friend now:
tgoop.com/ahmed_alziwar2/67021