tgoop.com/ahmed_alziwar2/67019
Last Update:
#قصائد__ فاطمه الزهراء_♥ _
#مـۄسسـﮫ_مــﻥــبـريۄن_للالـﺢــان
الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•بأيّ ذنبٍ فاطِمة خـدها لُـطم 💔
ــــــــــــــــــــــــــــــــــــــــــــــــــــــــ
لسان الحال بين سلمان وفاطمة الزهراء ع
ياسلمان الدنيا غريبه
دارت رحاها وحلت مصيبه
وهاي الغرابه من الصحابه
ياسلمان يضربوني بغياب ابويه يأذوني
* *
ياسلمان تهدي بروعي وماتدري على الزهره شصار
هتكو حرمة داري ودخلو حرگو بالغل باب الدار
يجمع نمرود بنيرانه ومن الهد اوثانه الثار
يدري وصية الخل ميثاقه ويدري بكلمه حامي الجار
ومادام الكرار بصبره وبمأمن من ذو الفقار
نكثو بيعة خم وعقدو لانفسهم بيعة إضرار
وبيت التتنزل بيه آيه
عقدوله الحرب بيا رايه
وين اسلامه الشد حزامه
ياسلمان وجهلوني بغياب ابويه يأذوني
* *
الدار الجان عليها يسلم طه بكل مصباح وليل
وتتزاحم املاك عليها وتتنزل باعظم ترتيل
صار عليها الكل تتزاحم وتحاوطها ازلام وخيل
وانكر صوت ينادي علينه وان بالدار بصوت الويل
لذت بسد الباب وجاني يعصر حرمة بذاك الحيل
وبقيت انه بكبت احزاني وفوگ الخد الدم يسيل
والمحسن ودعته بنوحي
وضليت ابجي بهاي اجروحي
ومن العصره ضلعي وكسره
وبكعب الرمح يطعنوني بغياب ابوي يأذوني
* *
ياسلمان واسمع ضلعي من تهشم بالبسمار
بين الباب وبين الحايط ضليت بدمعي المدرار
بين آلامي وبين الحسره وبين الخوف وبين النار
انده يافضه تسنديني وخلي امشي باثر الكرار
لو ترحين ليم اطفالي مامتعودين على الصار
ما تتحمل هول المشهد اطفال وعالخوف ازغار
البيت ال الله معليه شانه
والمتعود على استئذانه
بعد اغيابه كسرو بابه
والخلف الباب يعصروني بغياب ابويه يأذوني
* *
ياسلمان واسمع شهگه عافت روح الزهره الروح
المحسن مات وكل آمالي صارت وي انفاسه تروح
من هالعصره ومن هالمشهدكل مسموم وكل مذبوح
وكل الهام بغربه وحيره وكل مسحوگ وكل مطروح
هذا الأس الحرب العتره وهنا علة كل النوح
وبافاق اعيون الدجاله مقتل لاهل البيت يلوح
ولمن ايقن گلبي بموته
حس العده انعدت لاخوته
العدّ لضلمي تحمل دمي
باجر بولدي يفجعوني بغياب ابويه ياذوني
* *
ياسلمان القيد حيدر معروفه وصية المختار
خلاه بين الدنيا ودينه واختار الدين بايثار
ولمن سمعو عهده لطه دار على الكرار الدار
ياسلمان ان مارد حيدر يغضب بس ادعي الجبار
يگلب عاليها بواطيها جبرائيل بجنح النار
واسرافيل يصيح بصوره وعزرائيل يريد إخِبار
واللي مأمن من حد سيفه
يشبع حقده وياخذ حيفه
والخلوني تدمي عيوني
لا بالكرار يكسروني بغياب ابويه ياذوني
* *
ياسلمان البيت بحزنه المتكئب مامتخطيه
مأتم منصوب على الغايب وي اذانه النوح عليه
وي كل دگة باب وگلبي تندگ ذكرى الما ناسيه
واترجه بشارة محبوبي اول ناسه الحاقاً بيه
ياسلمان وحتى لنوحي ناس الماذيها وتشكيه
ضليت ابجي ببيت احزاني وارجع ويردني وابچيه
بيتي بذكراه من يواسيني
اسمع ونينه يضاهي ونيني
ومن هالمآسي تميل الرواسي
وانه على دمعات عيوني بغياب ابويه يأذوني
***
خادم الحسين ع
علي العزامي
▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
BY 2.مؤسسة منبريون لنشر القصائد🧿
Share with your friend now:
tgoop.com/ahmed_alziwar2/67019