tgoop.com/ahmed_alziwar2/66417
Last Update:
#قصائد_قصائد_الامام_الجواد_ع
#مـۄسسـﮫ_مــﻥــبـريۄن_للالـﺢــان
الناشر.احمد.الـــزوار.cc
ونبجي ونصيح الظليمه
مات مسموم الجواد😭
.
ــــــــــــــــــــــــــــــــ
جمرته بروحــي العذبو روحـــــــه
يهونن اجروحي امن اذكر اجروحه
ذبيح ذبيح ذبيح حسين
ــــــــــــــــــــ ــــــــــــــــــــ
المافرح ساعه بحيـــــــاته انا ياناس الجــــــواد
امسي واصبح عالمصايب شاب لاجن حيلي باد
الماي نار بصدري ينزل وماهنـــــالي بعمري زاد
لاذبح لا سبي شايف شحاله جا زين العبــــــــاد
دم يبجينــــي من يجن ليلي
طف يراويني وينهدم حيلي
واصيح واصيح واصيح حسين
ــــــــــــــــــــ ــــــــــــــــــــ
خيمتي من زغري طــاحت والـــدي مسموم راح
بيدي شيّعته ودفنته واظلم بعينـــــي الصبـــــاح
طحت بمجانه وذكرته بكربله جم مره طـــــــــاح
حسين وشماصحت بويه اذكر اشجم خويه صاح
حاله اشوفنه وصيحته بسمعي
دمعه اذكرنه من يظل دمعــي
يسيح يسيح يسيح حسين
ــــــــــــــــــــ ــــــــــــــــــــ
شاب بالعشرين عمري وراسي من الهظم شاب
غربه خلصته شبـــــابي وماكو يوم ابلا عذاب
لجن مو هذا الفجعني ولوعتــي الزين الشباب
الاكبر الهد حيل ابيه وذر شــافه اعله التراب
خله دمعي احمر وحافر بخدي
بطيحة الاكبـــــر لو وگف جدي
يطيح يطيح يطيح حسين
ــــــــــــــــــــ ــــــــــــــــــــ
صايم انا وفاطر بسم وجبدي بالســـــــم گطعوه
وجدي هم صايم وضامي ومني اكثــــــر لوعوه
انا من اهلي امنعوني وجـــــدي من اهله امنعوه
لاجن انا بجسمي راسي وراس الحسين اگطعوه
مو مثل دمي ساح كل دمه
ومثل جسمي سلبو جسمه
طريح طريح طريح حسين
ــــــــــــــــــــ ــــــــــــــــــــ
ظل ثلث تيام جسمي عالسطح طايــــــح نحيل
بلا غسل وابلا جفن ظل واصفر اللـــــون وعليل
ومن درت شيعتي بموتي ركضت النعشي تشيل
وعاري جسم حسين بالطف بالشمس وتدوسه خيل
امثلث بگلبه وجثته مرميه
واكثر معذبه اخته مسبيه
جريح جريح جريح حسين
ــــــــــــــــــــ ــــــــــــــــــــ
اللهم عجل لوليك الفرج
ونسألكم الدعاء
علي محسن الزيادي
ــــــــــــــــــــــــــــــــــــــــــــــــــــــــ
▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
BY 2.مؤسسة منبريون لنشر القصائد🧿
Share with your friend now:
tgoop.com/ahmed_alziwar2/66417