#قصائد__ الامام الجواد 😭

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀🥀🥀
ــــــــــــــــــــــــــــــــــــــــــــــــــــــــ



حزناً على الجَواد ـــــــ فَلْ نَعْلن الحِــداد
فَلْ نَعْلن الحِــداد ـــــــ حزناً على الجَواد
           ـــــــــــ ❁ ❁ ❁ ــــــــــــ

     يبن الرضا نقســـم وحق اعمامتك
     ما ننسه يومك سيــدي ومصيبتك
     الله يِلْعـَــنهه العصـــــابه الظلمتك
     ايْشِيْب الطفل لمن اسولف قصتك

لِمُعطــي المُــــراد ـــــــ فل نَلْبس السـواد
فل نَلْبس السـواد ـــــــ حزناً على الجواد
       ـــــــــــــ ❁ ❁ ❁ ــــــــــــــ

     يا عالِم العتره أسَف بالسم متت
     وشـچم گلب ليلة رحيــلك فتت
     وياك بحروف المواجــع سولفت
     بمصيبتك حتى المَــلآك اتهدلت

بلارض والســماء ــــــ ها قد علا البكاء
ها قد علا البكاء ــــــ حزناً على الجواد
      ـــــــــــــ ❁ ❁ ❁ ــــــــــــــ

بالكاظمـــيه انرفعت اســتار الحــزن
ودموعــنه لفگــدك تصب شِبه المُزن
يوسف الزهره امهـدّل ويبچي ويون
يا آيـه الله اشـلون طـــــولك يندفن

لن يهدؤ العويل ــــــ دموعَـــنا تســيل
دموعَـــنا تســيل ــــــ حزناً على الجواد
        ـــــــــــــ ❁ ❁ ❁ ــــــــــــــ

مثل الحسن جدك تراهه امصيبتك
مسموم والسّم ويلي گطع چبــدتك
بس الفرق اختـــك تون ما شافتك
مالطمت الخد حــين سآءت حالتك

تبت يــدُ الّعــــين ـــــ قد ادمى كلُّ عين
قد ادمى كلُّ عين ـــــ حزناً على الجواد
      ـــــــــــــ ❁ ❁ ❁ ــــــــــــــ

اليله ضل فوگ السطح مرمي بغرب
صــايم وبالســـم آخ مردوله الگلــب
وبكل ارض لجــله المئــــآتم تنصـب
ولجله النواظر من دمه گامت تصب

ونذرفوا الدمـوع ــــ ونشعلوا الشموع
ونشعلوا الشموع ــــ حزناً على الجواد
     ـــــــــــــ ❁ ❁ ❁ ــــــــــــــ

       الخادم
  كامل السعيدي
ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_الامام_محمد_الجواد_ع_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


🏴 سلاماً ياجواد الأئمة🏴
ــــــــــــــــــــــــــــــــــــــــــــــــــــــــ

قصيدة.. استشهاد الامام محمد الجواد.ع.. ( نتشابه سويه)




نتشابه سويه  "" بيوم الغاضريه

لكن جدي ياناس "" شاف اصعب رزيه

بيوم الغاضريه "" بيوم الغاضريه

""""""""""""""""""""""""""""""""""""""""""""


انه ياناس الجواد وقصتي هايه

راح اروي بالدموع امن البدايه

عشت بهموم وحزن واصعب رزايه

تالي عمري يخلص  بسم المنايه



وحشه بعيني الايام * حكمو بينه ضلام

قصه تشيب الراس   * شاف اصعب رزيه

بيوم الغاضريه "" بيوم الغاضريه

"""""""""""""""""""""""""""""""""""""""""""
ضل  ثلث تيام انه جسمي مطروح

لكن انه مو مثل الحسين مذبوح

اه وا ويلي اعله صدره وذيج الجروح

ماكو شي سالم بجسمه ومابقت روح



ضل ابلايه تغسيل * جسمه طحنته الخيل

وسفه جسمه ينداس * شاف اصعب رزيه

بيوم الغاضريه ""بيوم الغاضريه
""""""""""""""""""""""""""""""""""""""""""

اني سمتني مره ومعروفه هيه

وجدي ذبحوه العصابه ال اميه

امنه احنه الطاهره الزهره الزجيه

حقها لو صبت مدامعكم جريه



خلها تسيل العيون * مااعوف اليخدمون

حقنه نلطم الراس * شاف اصعب رزيه

بيوم الغاضريه ""بيوم الغاضريه
"""""""""""""""""""""""""""""""""""""""""""

آه  وا ويلي على الراحت سبيه

عمتي زينب بالغرب شافت اذيه 

اتمنه لو حاضر انه ذيج المسيه

اتمنه وياهم رحت مجتوفه اديه



زينب ياغريبه * مصيبتها مصيبه

غربه ماكو عباس * شاف اصعب رزيه

بيوم الغاضريه"" بيوم الغاضريه
"""""""""""""""""""""""""""""""""""""""""""

اني مااعوف المحب وكت المنيه

والي يخدمنه ويقدس هل قضيه

والعزاء الليله بأرض الكاظميه

تجي تحيّي بالخدم امي الزجيه



واكف اني بالباب  * انتم اغله الاحباب

والله جفوفه تنباس *شاف اصعب رزيه

بيوم الغاضريه  "" بيوم الغاضريه
""""""""""""""""""""""""""""""""""""""""""

الخادم _أبو فدك الشامي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_الامام_محمد_الجواد_ع_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


🏴 سلاماً ياجواد الأئمة🏴
ــــــــــــــــــــــــــــــــــــــــــــــــــــــــ
باب المراد اتعناه ميخيب كلمن جايه
================≈=============
أبـن الرضا الما رجـّع الگاصـدله
عـزّه وكـرم عده ومحاسن كـله
خله اليبغضه بطيشه يبقه خله

تاسع أئمة اهل البيت سر الخليقه برايه
================≈=============
نـور الإلـٰه بـوجـه راعي الشيمه
غيـمة محـبـة ويـاحـلاة الغيـمه
باب الحوائج جوده الله ايديمه

سجلها كل الخدام والگصدته مشايه
================≈=============
ألـظـالـم بسم الـولـي يـتـبـاهـه
روحـه تـلـوع وبالحزن خلاهـه
من لعنة الله اعله الذي سماهه

كلمن يعادي آل الله بجهنم الهم بايه
================≈=============
وارث عطـشـهـم والثلاث ايـامـه
بس الفرق مو بالسحك واسهامه
واجب عليهم ندمي كلـنه الهامه

وفقوني أخدمكم دوم نوب بلطم وقرايه
================≈=============
بعدك شباب وياوسف حـرموها
نفسك الطيبه من وكت سموها
بـالـرافـضــيـة أمــتـك نـادوهـا

نرفض نعم هالظلام ضدهم رفعنا الرايه
================≈=============
يـاسـيـدي بـاچر يـجـي قـائمـنا
ويمحي الذي من الكسر ظالمنا
ويطالب بثار الـظـلـع وبـعــزنـا

وينادي بالثار الثار وين التجي ويايه
================≈=============
11/6/2023 الاحد
#الشاعر_الميرزا_محمد_الساعدي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_الامام_محمد_الجواد_ع_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


🏴 سلاماً ياجواد الأئمة🏴
ــــــــــــــــــــــــــــــــــــــــــــــــــــــــ
القمر التاسع الامام الجواد (ع)



جرع سم المنيه
الجواد بهل مسيه
تشب النار بحـشاه
وفوض امره لله
الجواد بهل مسيه


على اجروح الوفه الايام شبن بالدليل النار
عادن بالحقد هاليوم وفجعـن عترة المختار
اريد احچي بعلات الصوت ماظل بالكلام اسرار
ليش بيا ذنب سموه الليله تاسع الانوار
على جروحه الخفـيه
يـون ابن الـــزچــيــه
صبر عاللوعه والاخ
و فوض امره لله
الجواد بهل مسيه


يظل جرح الكرامه يصيح وينزف تاسع اليمه
رغم عمره الشريف الچان بهيبه وقائد الأمه
رسم الهم طريق الخير ابفكره وحكمته بهمه
ولاحت بالافق احقـاد الخليفه وقرر ايسمه
على احزانه الشجيه
حـمـل هــم واذيــه
وجرحه بگلبه خلاه
و فوض امره لله
الجواد بهل مسيه


مشه بصبر الجروح وراح يتخطه بألم عبره
على چفوف المنيه وسار ماهاب ونذر عمره
حمل ثقل الرساله بجاه الدنيه وحارت بأمره
رغم كل الجروح البيه تلهب تستعر جمره
وصل هـام الـثريــه
الجواد ولاح ضـيــه
وأبد مافكـر بجاه
و فوض امره لله
الجواد بهل مسيه


ظل علمه وصفات البيه وعاش بكل فخر نبراس
كتب مجده بشرف للدين وظل صرخه بضمير الناس
الجواد بكل شجاعه و زود ظل لهل العلم مقياس
لاچن بالحقد والسم جازوه كل بني العباس
رحل واصبح قـضـيـه
لجـل ديـنـه ونـبــيــه
واخذ كل صبره وياه
و فوض امره لله
الجواد بهل مسيه


على هموم الجواد الصوت يصرخ وبكلب مالوم
رحل عنه الجواد اليوم خل ينـزل دمعنه ادموم
بغيابه ومن رحل عنه تجرعنا غصص وهموم
كتبناها بضمير الكون شـذنبه من رحل مسموم
اليسأل عالضحيه
الگبر بالكاظـمـيـه
نزوره وماتركناه
و فوض امره لله
الجواد بهل مسيه


ثلث تيام وسط الدار بقه ومحد تعناله
ظل وحده الجواد وشوف ما واحد أجه وشالـه
مثل جده الشهيد حسين الضحه بروحه وعياله
ظل ينزف على التـربان وعليه تسحگ الخياله
بـقـت جـثـته رمـيــه
بطفوف الـغـاضـريـه
ولا واحـد تـعـنــاه
و فوض امره لله
الجواد بهل مسيه





لاتنسون والدي وأبني عباس من الرحمه والغفران
خادمكم رياض الرسل الجابري


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_الامام_محمد_الجواد_ع_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


🏴 سلاماً ياجواد الأئمة🏴
ــــــــــــــــــــــــــــــــــــــــــــــــــــــــ

الى جواد الائمة
#وارث_امصابين

يالوارث امصابين..من الحسن وحسين
كون تواسيك الشبان
هم مسموم وهم عطشان
يالوارث امصابين
_____
سيد بعمر الشباب..وطاح ذابل مبسمه
بين غربة سم امام..وبين معصوم بضمه
الخمسه والعشرين عام..جروح صابن فاطمة

ما عنده خوات ينوحن اعليه
وحيد اهله بغربته
ومرته ما بجت بمصابه مولاي
السمت جبده مرته
يشبان الجواد يريد عوان
يذب ماي اعلشفته

بعز الشباب ومات..يستاهل الدمعات
متجوي وما عنده اخوان
هم مسموم وهم عطشان
__
اه من مشهد لموتك..و اه ابد ما تنحبس
انطونه شاب البينه خله..بكاع خده وبالشمس
منو كبلك يالجواد..بخد الاكبر ضل يحس

شبَ اعللجرح وادموع الامصاب
الوكت من صغره خانه
يتيم امن الصبه ويتنفس اهموم
ينزف من حنانه
المثلك خده مو بالكاع واشموس
لا سيد زمانه

براگ العطش والسم..ضل كلبه متحزم
والضامن وياه ذبلان
هم مسموم وهم عطشان
__
سطح دارك ما بردلك ..حار جن سن الرمح
خضرة السنين العليك..وصوفرن فوك السطح
اشجم ظهر صب حره نار..وجم شماله وجم صبح

يوحيد الرضا يالما ضكت الماي
امك وين عنك
لو ريحانه امك هسه وياك
تغطيك وتحضنك
ثلاّثه اعللسطح وانوب يرموك
وولا واحد يجفنك

سم وعطش واكسور..من السطح مغدور
اكسور البيك بكل امجان
هم مسموم وهم عطشان
__
على دفنك يبو الهادي..املوك كامت تنجبر
ندّه منك مسك فايح..عطره طاف بكل كتر
هذا عطرك غث قصرهم..وخلو لطولك گبر

من قم النعي يا عمه ويلاه
يا اكبر خساره
يتورم جمالك ليش بالكاع
وانته ابن الطهاره
من نيران معصومه يمولاي
عليك ابجي بحراره

مسلم بجه وينعاك..من قصره طاح وياك
صح طايح بس عالي الشان
هم مسموم وهم عطشان
_____
اتنعمت انه بشبابي..يا مُحمد والثمن
جبدك وخدك وشفتك..بالمصايب يلتقن
بجرحك اتلكة محرم..والهواشم والضعن

حريص وبيه تجرح خايف هواي
الاكي حسين بارد
بمصابك خذتني لريح الاحزان
تهفي لجمري رايد
يا باب المراد اتصب بالگلوب
نيران المواگد

يالغربتّك ضعفين..جرحك جواز حسين
للعاشر جرحك نيشان
هم مسموم وهم عطشان


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ الامام الجواد 😭

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀🥀🥀
ــــــــــــــــــــــــــــــــــــــــــــــــــــــــ


. الليله بـدمـوع الحـزن نعلن حـداد
الليله منصوب العَـزه لباب الـمـراد
      
     وا إمامـاه           وا إمـامـاه

                                    *---------------*---------------*

رادوا يـمـوت الـضـوه أهـل الـخـيـانـه
مـارعـوا قـول الـنـبـي وهـاي الأمـانـه
ظـنـهـم أيـضـل الـظـلـم دوم وزمـانـه
لـلـجـواد بـكـل زمــن نـنـصـب عـزانـه

رافـضـيـه بـهـالـرفـض نـفـدي الـوريـد
رافـضــيـه بـكـل زمــن هـذا الـنـشـيـد

                                    *---------------*---------------*

دايمـه الـدمعـه عهـد عـدنـه وعـقـيـده
الشيعي ثابـت موقفـه وهـذا نـشـيـده
فلسفة عوفوا الـبـچـي جتنه جـديـده
عـوفـه إلـكـم هـالـتـحـضّـر مـانــريـده

أحـنـه تـربـات العَـزه وسـيـل الـدمـوع
احـنـه عـاهـدنـه يـضـل دگ الـضـلـوع

                                    *---------------*---------------*

لـتـاسـع انـوار الهُدى يـرخص دمعـنـه
بمجلسه ودگ الـصـدر كـلـنـه أنجمعنه
خـل يـگـول إشما يـگـول اللي سمعنه
جـدد اعلـينـه الـحـزن فـگـده وفجعنه

خلهه تحچي المارضت خلهه أشتگول
خلهـه دمعاتك سـوه أتـواسـي البتـول

                                    *---------------*---------------*

فـاطـمـة تـلـطـم صـدرهـه بـهـالـرزيــه
أتسجـل أسمـاء الـخـدم الـزهـره هـيـه
هــذا يـــوم مـصـابـهـه ويـوم الـعـزيـه
الـلـيـلـه ويـاهـه نـخـلـي الـون سـويـه

هــــايـه دگــات الـصـدر بـاچـر شـهـود
هـــايـه بـيـهـه الـمـغـفـره يـوم الـورود

                                    *---------------*---------------*

الـزچـيـه بـكـل عَـزه أيـقـيـم لـوِلـدهـه
تـلـطـم أعله اضلوعهة التنزف بعـدهـه
الـمـجـالـس هـاي بس هـيـه ضـمـدهـه
هـذا قـولـي وهـالـعـقـيـده المعتقدهــه

تـبـقـه مـنـذوره وعـلـي هـاي الصـدور
تبقه صـرخـتـنـه وعهد دمـنـه الـيـفـور

                                    *---------------*---------------*

بـالـدمـع نـرفـع على الـعـتـره الظلامـه
المـارضـه خلـه يضل عـوفـه بـكـلامـه
الـخـادم بـدگ الصـدر شـايـل وسـامـه
يـنـعـرف سـر الـخَـدم يــوم الـقـيـامـه

والله لـلـمــوت بـدمـع آخــــــــر كــلام
والله مـنـعـوف الـلـطـم هـذا الـخـتـام
                                                        
                                    *---------------*---------------*

✍خادم الأمام الجواد(ع)
الشاعر رعـد الجـريخـي

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_الامام_محمد_الجواد_ع_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


🏴 سلاماً ياجواد الأئمة🏴
ــــــــــــــــــــــــــــــــــــــــــــــــــــــــ
قصيدة.. استشهاد الامام محمد الجواد.ع.. جديد.. ( على حب الجواد)



ملتقى  الخدام بهاي المسيه

يالجواد الليله نقرالك   عزيه

على حب الجواد "  على حب الجواد

"""""""""""""""""""""""""""""""""""""""""

واجواداه         _   وا  مصاباه

الليله  كل اجروحنه تصرخ يمسموم


باب المراد       _   ذكرى تنعاد

حزنت  احبابك عليك بدمع مالوم



يالكضيت  عمرك  جمره  لهابه

انتهت وياك  ايا حسين ومصابه



بالدموع انواسي ارض الكاظميه

يالجواد  الليله   نقرالك  عزيه

على  حب الجواد "  على حب الجواد

""""""""""""""""""""""""""""""""""""""""""

ابتدي منين       _   بدمعة العين

عندك انت  اويه  العطش قصه طويله


كربله  هاي       _    هظمه  مولاي

شسوه  بيكم   آه  يمصاب العقيله



لو  مر بيك  يوم العاشر بعاشور

تذكر  يامصيبه ونارك انت تفور



ساعد  الله  جروحك بهاي الرزيه

يالجواد  الليله  نقرالك  عزيه

على حب الجواد "  على حب الجواد

"""""""""""""""""""""""""""""""""""""""""

جم  مصيبه      _      عالغريبه

كلهن اهواي وبداية حرك الاخيام


اصعب اجروح    _   للسبي تروح

كلكم  تصيحون  آه الشام يالشام



هو الفاكد  اهله ماينام الليل

يكضيها  حياته بكلمة اليا ويل



امصابك اهون والاشد الغاضريه

يالجواد  الليله نقرالك عزيه

على حب الجواد " على حب الجواد

"""""""""""""""""""""""""""""""""""""""""

بخيمة حسين  _   احنه باقين

جاينه  شهر الدمع  نحسبله ايام


لوعة احزان   _   على العطشان

سيدي  حزمنه نبقى  كون خدام



كل عام  اليمر والموكب ايلمنه

نبقى نصيح يحسين بضمايرنه



هالعهد  منعوفه وليوم المنيه

يالجواد الليله نقرالك عزيه

على حب الجواد " على حب الجواد

"""""""""""""""""""""""""""""""""""""""""""
احله  نسمه     _   هوى  الخدمه


تحت راية ابوفاضل اخر انفاس


ما نعوفه         _    و  بجفوفه

اليمشي وياكم عدل  أيلزمه عباس



نعيش نموت وياكم على الفطره

وهنياله الخدم باخلاص للزهره



انظر علينه بكسر ظلع الزجيه

يالجواد  الليله نقرالك عزيه

على حب الجواد " على حب الجواد

""""""""""""""""""""""""""""""""""""""""""
     الخادم_ ابو فدك الشامي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA