#قصائد_هدم_قبور_ائمة_البقيع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


مطالبنـــــا البقيــــع نعلـــي بنيــانه
وبأســم المــرتضى يتــردد آذانـــه

ـــــــــــــــــــــــــــــــــــــــــــــــــــــــ




 
 مابين أربع گـبور     برض المگبره أتدّور
  محتاره وتون   بدموع الحزن   والضّلع مكسور
                    ***
  بمگـــبرة وادي البقيع اللــــــيله فاطم
  حايره اتدّور علــه گـــــــبور الهواشم
  أربع گـــــــبور اختفت منها المعــــالم
  نصـــبت إبّين الأگـــــــــبور الهم مآتم 
  ظلّت تهمل العين     وين گـبورهم وين
  ماغمضت جفن   بدموع الحزن   والضّلع مكسور
                    ***
  من لحد گـــبري اعتنيت المگـــــبرتكُم
  صــــار اليّه هــواي يُمّه مفــــــارگتكُم
  يُمّـــــه چنت أتمنه عدلــه ويه النّعَتكُم
للمـــــــناحه أگعد ونوحن فاجعـــــتكُم
يمكم ريت يعــــزاز     سار بنعــشي جنّاز
  وخلّاني أندفن   بدموع الحـزن   والضّلع مكسور
                   ***           
  ظلّت بهذا الوضــــــع مكسوره خاطر
  تجــري دمعــتها بحــزن بين المگابر
  لا قُبب ظلّــــــــت ولا ظلّـــــــت مناير
  بيها چانت تســـــمع أصوات الشّعائر
ساوت وجه الاتراب   لامــــــــرقد ولا باب
اتزّوره وتحتظن  بدموع الحزن  والضّلع مكسور
  لاضريح اتشّـــــــوف عيني ولا مناره
  عـــــدها أوگف وقره يايُمّــــه الزّياره
  الكل غريب أنظـر وعاين وحشه داره
يالعلـــــيكم مانشف دمعــــــي بغزاره
الكل منكم يالأطياب    جرح بگلبي ماطاب     
بياجرح أمتحن   بدموع الحزن   والضّلع مكسور
                   ***  
   ظلّت اعلــه گبورهم تنعـــــه الزّجيّه
   يابقيع الفاجعــــــه بهاي العشــــــيّه
   وياها أم الأربعــــــه تنوح الوفـــــيّه
   عله گـــــبور السّاوت تراب الوطـيّه
ونصبلهن عزائين     لأم عباس وحسين
ياگلب اليعن   بدموع الحزن   والضّلع مكسور
                    ***
مرّه للمســــموم والمهـــــدوم گـــــــــبره
للمناحه گعــدن الحســــره اعله حســــره
ومرّه للگطــــوا وريده ودامـــي نحــــره
الفوگ صدره الخيل داست عشره عشره
   للمرضوض الأضلوع   گعـدن يجرن دموع     
كل منهن تحن   بدموع الحزن   والضّلع مكسور
                    ***
                                             الشّاعر
                                     أبو سجّاد الجعفري
                                     6 شــوّال 1437هـ   
 
         
        


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://www.youtube.com/@user-dg5tn9bg3i

#قصائد__الامام. الصادق

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴أمامـي وجعفــري كلهـم يسموني😭
ــــــــــــــــــــــــــــــــــــــــــــــــــــــــ


باچـر من انطر ســوگ
ياخويه وعرجه النوگ
من يحمينه ......... يا واليـنه
ــ⊱☆☆☆☆❀☆☆☆☆⊰ــ

صعـبه باچر من نســـافر
ابرفجت الذبحو زلمنه
وآني وحدي ونسوه عندي
ولا كفـــيل ولا علمنه

بنص الســـوگ لو طبينه
خويه اعداك تشمت بينه
هاي اشــــــلون يا والينه
مهضومــــــــين ونسبينه

اتمنيت الموت اوياك
ولا تفتـر بيـه اعـداك
وتأذينه ………… يا والينه
ــ⊱☆☆☆☆❀☆☆☆☆⊰ــ

لو دخـــــــلنه ابدون اهلنه
ابديرة اجـــــناب وســــــبايه
والله هضمه شلون اكضمه
دمعــي ينـزل عالعــــــــــبايه

محتــفلين خويه اعدانه
وبينه الناس هل شمتانه
ريتــك كون هسه اويانه
وبيـنه اتعود يا رجــوانه

اخ اشگد شلنه اجروح
وممنـوعين امن النوح
شگد عانينه ……… يا والينه
ــ⊱☆☆☆☆❀☆☆☆☆⊰ــ

ياكفيلي ماتجيلي
ابعازتك والله اليتامه
عذبوهم روعوهم
فارگو طعم السلامه

يتمـــنون جيـتك ليهم
يالرواي گـــوم ارويهم
رحمه اعداك لا مابيهم
حيل ازغار ومچتفيهم

عازتهــم بس ملگاك
تحظر سيف ابيمناك
وتنجينه ……… ياولينه
ــ⊱☆☆☆☆❀☆☆☆☆⊰ــ

ياعمدنه ياسندنه
الحگ ايحشمن خواتك
چتفوهن سلبوهن
انهض ابداعت غـلاتك

يالدگيـت صــــــدرك ليهن
شوف اشـصار بعدك بيهن
يـا عبـــاس ما تلفيــــــهن
السان اعداك طال اعليهن

ويجروهن بحــبال
ماضل الهــن كفال
اشسوو بينه .…… يا وليــنه
ــ⊱☆☆☆☆❀☆☆☆☆⊰ــ

الناگه بالبر خوفي تعثر
خويه وتطيــــــح رقـــيه
والله حيره وآنه اسيره
حرمه ميصـــح شي بديه

ريتـــك كون حاظر يمي
ومني تزيل كربي وهمي
يا عبــــاس يا بعد امــي
ترضه اعداك تلفض اسمي

اوصوتي اخلافك سمعوه
وطــول الخـــــدر شافوه
افزع لينه …… يا والينه
ــ⊱☆☆☆☆❀☆☆☆☆⊰ــ

الخادم
✍كامل السعيدي

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ الامام الجواد 😭

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀🥀🥀
ــــــــــــــــــــــــــــــــــــــــــــــــــــــــ

لاستشهاد الامام محمد الجواد عليه السلام (ملمع)

( السلام عليك ياامامي الجواد. )
( السلام عليك يا أمامي الجواد )
٠**
تاسع الاطهار يانعم الولي
بزمرة الاشرار گلبك مبتلي
يا محمد سيدي يابن علي
صوت للحق على الباطل معتلي

(طالبا للسلام داعيا للسداد )
(السلام عليك ياامامي الجواد )

★★★★★
زيارتك من الگلب تمحي التعب
ياوجيه الگلب بيه لله اقترب
والظلام بنورك أَعليه احتجب
شوگي واجب بالعشك مومستحب

(جئت شوقا اليك يبن خير العباد )
( السلام عليك ياامامي الجواد )

★★★★★
عارف بحقك اجيت وملتزم
بشوگ مايعرف حدود ولاحجم
منهجك شلال من نور وعلم
وارث من حسين ثورات وعزم

(واقفا في خشوع قرب باب المراد )
( السلام عليك ياامامي الجواد )

★★★★★
علسطح ايام مرمي عافتك
ام الفضل بالغدرلمن سمتك
مثل ابوها ماتدور راحتك
زادت الغربه عليك بغربتك

(في فؤاد كئيب قد اقمت الحداد )
(السلام عليك ياامامي الجواد )

★★★★★
بعيد عن احبابك ودمعك يهل
بلاذنب مجبور عنهم. ترتحل
شكثر صعبه الدنيا علگلبه سهل
شگد مسامح سيدي وي اليزل

(لك نجري الدموع ولبسنا السواد)
(السلام عليك ياامامي الجواد )

★★★★★
ياوجيه ابزمرة الشر امتحن
الخلوا الدنيا جحيم من الفتن
شموع عمرك حيف بالغربه طفن
خمسه وعشرين باللوعه كظن

(لك حزن عميق في صميم الفؤاد )
(السلام عليك ياامامي الجواد )


الشاعر حسن لعيبي الحريشاوي


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ الامام الجواد 😭

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀🥀🥀
ــــــــــــــــــــــــــــــــــــــــــــــــــــــــ


للجواد المهدي شايل رايه
ومعتني ويه الخدم مشايه
.....
يمن كاصد ضريحه ... الك هاي البشاره
ابوصالح حبيبك... رفيقك بالزياره
ابد لا تنسى روحك ... تمعن بالعباره
اذا شافك تمازح .... تزيد ابكلبه ناره

لا تزيد احزانه حزنه اكفايه
.......
يزاير خلي حزنك ... يسولف كلشي عندك
اليعطلك عالمصيبه .... تكله ارخصني ردك
ابو صالح يريدك .... دمعتك تملي خدك
يماشيك ابطريقك .... ابد مو انت وحدك

حاضر يسمعك ابكل احجايه
......
بديك الرايه خلهه .... ترفرف لبو فاضل
الك كل خطوه بيهه .... اجر عابد مقاتل
المشه للكاظمية ... يضل تاريخه حافل
طريق الكاظميه .... طريق اهل المراجل

خلي روحك بالمشي وفايه
......
الف هنياله كلمن .... تشوف المهدي عينه
تشملهه الرحمه كلهه ... لحد اخر سنينه
يماشي المهدي جدمه ... ابو الروح الحزينه
ابد ميماشي عاصي ... يدور الوينه وينه

يريد واحد ما يخالف رايه
.......
كلمات
موسى الخادم

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ الامام الجواد 😭

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀🥀🥀
ــــــــــــــــــــــــــــــــــــــــــــــــــــــــ

الإمام محمد بن علي الجواد عليه السلام


بينك وبين الحسين بكربلاء
يالجواد بكل جرح دمعه ولقاء
جيتك باحزاني
ما نسيتك آني

ما نسيتك ما نسيتك
...............

آنه امك فاطمه الليله اعتنيتك
يالجواد وعالسطح ميّت لگيتك
تشبه حسين ابمحنتك وبقضيتك
ضامي مسموم الچبد ساعة منيتك

هم بقيت بلا دفن وحدك غريب
لا عشيرة الحضرتك لا من قريب
ياحُسين الثاني
ما نسيتك آني

ما نسيتك ما نسيتك
.................

يا مُحمّد يُمّه چبدك من تسمّم
مثل چبد حسين بالطف من تخذّم
لكن حسين السبط أكثر تألّم
سهم المثلّث مرد چبده ونزف دم

حرمله ماصاب چبدك بالسهام
يالجواد وماشفت حرگ الخيام
مصرعك اذّاني
ما نسيتك آني

ما نسيتك ما نسيتك
...............

تلث ليالي عله السطح مطروح جسمك
بدار غربه ولا اهل لا ناس يمّك
لكن اهون من مصاب حسين سمّك
ما گطع راسك شمر ما سال دمك

ما تكسّر صدرك بحافر خيول
ولا براس الرمح راسك ضل يجول
چم جرح بچّاني
ما نسيتك آني

ما نسيتك ما نسيتك
...............

بالشمس مطروح يبني وذاب چبدك
يالجواد ومن متت مسموم وحدك
ريتك تشوف الغريب حسين جدك
كل جرح لمن تشوفه يهون عندك

لچم گلبي مصابك وكسر الضلوع
يبني والله عليك ما تكفي الدموع
ابچي دم خلّاني
ما نسيتك آني

ما نسيتك ما نسيتك
...............

ما شفت نار بخيام ولا دمايه
ولا بنينك وخوتك طاحو ضحايه
ولا خواتك عالهزل راحن سبايه
ما شفت يوليدي كل هاي الرزايه

من بقيت عله السطح ضامي وّحيد
يالجواد اتذكّــرت جرح الشهيد
راسك باحضاني
ما نسيتك آني

ما نسيتك ما نسيتك
...............

سمّتك ام الفضل سمّ المنيه
مثل جَعَده السمّت ابني الناصبيه
عالحسن دمعاتي ما تنشف جريّه
يالجواد وجيتك بهاي المسيه

جيت اشيعك يبني يالبعدك شباب
ارد اواسيك واحضرك بالمصاب
بمرقدك تلگاني
ما نسيتك آني

ما نسيتك ما نسيتك

سيد زيد الفحام


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA