#قصائد_شهادة_الإمام_الصادق _ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــ

غمضت عيني وجرحي ماطاب
واثار دمعي فوك الثياب
يوميه گلبي بسهم ينصاب
.......................

انه الصادق انه المسلوبه عافيته
انه الفاكد بساعه كل اهل بيته
عشت بس عيشت الراحوا هله ياناس
يحس مخنوكه روحه ولاهوه بريته

هذا آنه حالي معذب هواي
وينخبط دمعي بشربة الماي
ماينحمل يفراك الاحباب
.....................

انه اليبدي نهاري بدمعة عيوني
ويمرني الليل محد يعرف شلوني
حنين البيه تسمع ونته امن بعيد
وضيم الدنيا غيّر خاطري ولوني

مشلوع گلبي هواي مشلوع
وماعندي غير الحزن موضوع
كل الاحبهم عني غياب
...................

مو بيتي احترك كدامي جن خيمه
وسرح بالي اعله عمتي الركضت بهيمه
وصارت كربله اكبالي واشوف النار
وگلب زينب امفرفح من كثر ضيمه

وزينب گلبهه هوايه حساس
وصعبه عليهه ابلايه عباس
ياوسفه عمتي بوليت اجناب
.....................

جمعت اطفالي بس مخنوك بالعبره
الابو طبعه بناته يأمنن بكتره
وذكرت سكينه ساعة حرگة الخيمات
تبجي وعينهه العباس تنتظره

وتنشد عليهم وين ماوين
ولاخبر من عباس وحسين
وضل الدمع عالاهل سجاب
......................

تتلذذ الدنيه بهمي وجروحي
انه الملجوم گلبي وتسمع بنوحي
شفت من عدهه ضيم الأبد ماينشاف
جبيره جروحهه وعاشن وسط روحي

من كربله الحد حركة الدار
بكل لحضه گلبي يلتهب نار
بدار ال هاشم عاش المصاب
.....................

اوصيكم يخدامي اوصيكم
على حسين ابجو والآخر نفس بيكم
مضلوم وغريب ومنذبح عطشان
وتحضر امه بالمجلس تعزيكم

تعتني الزهره بگلب موجوع
ومخليه اديهه فوك الضلوع
توكف تنوح بعتبة الباب


محمد هادي العقابي


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_الإمام_الصادق _ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــ
للصادق ... حد طلعت القائم
للصادق ... يبقى العزاء دائم
...........[[[[[[[[[[[[[[[[[[[[]]]]]]]]]]]]]]]]........
؛ ١

غصبن اعله المارضه نحيها
هالمجالس فاطمه اتحيها
وشي أكيد المهدي حاضر بيها
ايسجل الحاضرهه ومسويها

للصادق ... خل يسمع اللايم
للصادق .... يبقى العزاء دائم
......................//
؛؛٢

خله يسمع كلمن اتحدانا
باللطم نحيي ذكر مولانا
ومو فقط لجله نثوب ابجانا
لجل صادقنا نضحي ادمانا

للصادق ... كل جف صبح لاطم
للصادق ... يبقى العزاء دائم
...........///
؛؛؛٣

صادق اهل البيت غالي اعلينه
مثل ما غالي اعله فقهه ودينه
اشما نقدمله فلا وفينه
لجله نرخص هالعمر واسنينه

للصادق ... اخدم وما نادم
للصادق .... يبقى العزاء دائم
..............////
؛؛؛؛٤

ومثل ليلة عاشر امن امحرم
ليلة استشهاده نحيهه ابدم
واله ننصب مأتم ابصف مأتم
ولخدمته حزام ها نتحزم

للصادق .... متحزم الخادم
للصادق ... يبقى العزاء دائم

........../////
؛؛؛؛؛٥

باجر انقيم العزاء للصادق
بالبقيع وتقطع ايد السارق
ابجيت المهدي الامام الناطق
ثاره ياخذ من شكو متمارق

للصادق .... مرقد ذهب راسم
للصادق .... يبقى العزاء دائم

........[[[[[[[[[[[[[[[[[[[[]]]]]]]]]]..........

✍️🏻 كلمات موسى الخادم



ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_الإمام_الصادق _ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــ

باجر الصادق نشيد مرقده
والعهد برض البقيع انجدده
ونزور ارض البقيع
وتنور ارض البقيع
****
اليوم كل شيعي بدمه المنحر كتب
لازم انشيد كببهم من ذهب
ما يفرقنه الذي هبه ودب
الموت لو عاندنه اله انعانده
***
احنه شيعه وصوتنه ضل يعتلي
يالثارات البقيع اتزلزلي
رافضيه وما نبايع بس علي
غصبن اعله اهل السقيفه الحاقده
****
باجر انشاهد مناره الفاطمه
يشع منها النور ويضوي السمه
وبكبرها حسين ننصب مأتمه
وبصحنها مستهلنه انردده
*
صحنه صيحه وبيها رددنه بيقين
باجر انشيد ضريح ام البنين
ونعتنيها افواج ونطوف بحنين
انصيح هاي ام البنين الفاكده
**

يمته يم الباقر انداوي الجروح
لازم انحقق اهناك اكبر طموح
يجي يوم وكلنه مشايه نروح
والمواكب تزحف من ابعد مده
**
والله عالحاجب ابد ما تعله عين
احنه شيعه وبالعهد متمسكين
يجي يوم نزور زين العابدين
ونكض شباجه ودمعنه ايناشده
**
باجر ايثور الامام المنتظر
ويستلمها الرايه من عمه الكمر
ولآل اميه ما يخلي كل اثر
جنه راعي الثار كرب موعده
***
يمته يتحقق حلمنه الكل يكول
وينفتح باب الفرج والهم يزول
كلها مشتاكه تشم قبر الرسول
هيج ويدور الزمان ونكصده
**
تمت
تحسين الخفاجي


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_الإمام_الصادق _ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــ
موشح نجفي بحق الامام الصادق ع


صادق اهل العلم واهل المعرفه
تسمم وجبده انمرد يهل الوفه
.........................
وين صوت الجعفريه الرافضه
صيحو ياشيعة علي جعفر مضه
عمره بالحسرات والآه انكَضه
اشفافه من السم يويلي ناشفه
.........................
سممو جعفر حثالات الزمن
ياحسافه ايامه بالسم انتهن
اعلومه من بعده بقن واتيتمن
منهو غيره ايعيد جوهر مصحفه
.........................
حاربو علمه ولارادو شخص
يكتب احجاياته وابفكره ينص
والامام لهالأمر عنده حرص
ايريد قلمه للعقيده ايوضفه
.........................
ابداره سجنوو مايصل يمه أحد
بس رسالاته بعيدات الامَد
المشرق ويه المغرب ابعلمه شهد
ابكل مكان احروفه توصل عاصفه
.........................
شافو الصادق رساله ناطقه
اعيونهم ضلت حسوده وحادقه
اتمنو ايحطوه ابحبل المشنقه
بس يخافون الشعوب التعرفه
.........................
دسو السم للامام ابكل غدر
فارك اهله وانتهه بلوعه العمر
(والعصر) من بعده ضلو (في خُسِر)
سورة العصر الجليله اتوصفه
.........................
صيحو ياجعفر حسافه تنجتل
وانت للأسلام دستور العدل
ابصوتكم خل تهتز اعروش النذل
والدموع اعيونكم خل تذرفه
.........................
وين طلاب الإمام ابكل درس
لوعة الايتام بيهم خل نِحس
هوه جان استاذهم من الامس
بالسم اجفوف الاعادي تخطفه
.........................
ياحسافه ايروح والحوزه ابتدت
وبوجوده اينعت بي واثمرت
احبال صوته الجان بيهه اتكَطعت
استهدفوه والضاع صوته واختفه
.........................
جعفر الصادق وريث الانبياء
اعلومه ضلت للأمم باب العطاء
بالبقيع اتراب قبره ابلا بناء
وهوه صرح اعلومه زاد المعرفه

الشاعر ياسر العارضي



ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_هدم_قبور_ائمة_البقيع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


مطالبنـــــا البقيــــع نعلـــي بنيــانه
وبأســم المــرتضى يتــردد آذانـــه

ـــــــــــــــــــــــــــــــــــــــــــــــــــــــ



گبر مخفي وگبر مهدوم
يمهدينه البقيع اليوم

حزن  وام البنين بهم نخيناهه
ويمهدي الفاتحه بمدمع قريناهه

لظهورك

•••

يبو عُمر الحزن والفاجعه انفاسك
يظل طاري البقيع الجارح احساسك
يا ثار السبط والسبط ثار الله
بعطش وانخانه غير انصير عباسك

الوگع نبنيه عشگ وادموع
حزن نضوي ونصير اشموع

الحياة بغير حبكم شنهي معناهه
ويمهدي الفاتحه بمدمع قريناهه

لظهورك


•••

قوم ابناء قوم وكربله الفاصل
الضماير حَكـَم للمقتول والقاتل
هاي اگبور طاحت بالبقيع اليوم
لو رمح ال اميه اعليه نحر شايل

لمن هدموا يمهدي اگبور
نزف جرح المراقد نور

شكوى وغيبتك لله رفعناهه
ويمهدي الفاتحه بمدمع قريناهه

لظهورك

•••

صفت حضرت النور بهالمصاب اتراب
وگلبك مثل ضلع امك يمهدي انصاب
نخيناك العَجَل يالمهدي وينك شوف
قبر باب الحوائج باقي ابلا باب

لصحن الحضره اثر ما ظال
بس بعده الحَمام اشكال

و نسمه البلگبور اتمُر عشگناهه
ويمهدي الفاتحه بمدمع قريناهه

لظهورك

•••

الباقر وابنه والمجتبى والسجاد
اوتاد الارض حضرتهم بلا اوتاد
و ألگبل ام البنين الاربعه الابطال
صفت أُم لاربع اگبور وجرحهه انعاد

بوجه ارض البقيع اثار
ملامح طف ابو الاحرار

الخيول الداست اعله الجسد شفناهه
ويمهدي الفاتحه بمدمع قريناهه

لظهورك


•••

ونتَك مثل گبر الزهره مخفيه
يبنهه اليسهر بدمعتهه ليليه
بنفاسك تشيل الضلع والبسمار
صفت بيت الاحزان بجسمك الريّه

اعله ثاراتك غيابك طال
ويناديك الدمع لو سال

طلعتك للجروح البينه ردناهه
ويمهدي الفاتحه بمدمع قريناهه

لظهورك


•••

سعد هادي الشمري



••••

السلام على البقيع وساكنيها



▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://www.youtube.com/@user-dg5tn9bg3i

#قصائد_شهادة_الإمام_الصادق _ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــ


اشتياق مولاي الصادق عليه السلام لمولاي صاحب الزمان عج

لاخر آية الضلت بينة
لاخر شي ضل بجذور الحَق
قدموله شما بيكم هِمه
يستاهل تسليم المُطلَق
__

اذا يطلع ملك عصرة
واخر ورقه بالشجرة
شايل سبحة الزهرة
كلوله اكبر اهلَك جان الشوفّك تنعصر روحة

كلوله الگلب يضّمة
وجدك جان بالخدمة
تمناك انت لو يمة
يشوفك يا حبيب الروح لان انت اكبر جروحة

يكمل دين الله وقرآنه
لعقول الناس المقصورة
ومن يفسر قرآن الله
تطلع سوره تفسر سورة
__

الفساد المِنتشِر بالبَر
وحرام العالبشَر سيطّر
امامي وابني من يظهر
يجلي هموم كِل الناس وماكو حّل بعد غَيرة

أما الزبّدُ معدوم
والينفع الناس يدوم
يفّهم الجان ما مفهوم
وماكو العلى الاحوط جان وماكو هنا بعد حيرة

اوكت الغربيل هنا ماكو
ويبقى هنا بس ربعه الخُلَص
ال يا رب رجعوني هنا تگضي
( والياريت ابقى وياه ) تِخلّص
___

أضّل وياه جِنت ودي
واكله احسبني لو جندي
امشي وياك يالمهدي
واكله معزتّك والله آخر نَضره لموادِع

بكثر ما روحي حنّتلة
دُعاء العهد كاتبلة
ونُدبة بكلبي شايلة
اليدرگه يكله بالصادق جان الشوفّك ينازِع

اخر مَنفذ من هالدنيا
تعوفون الدنيا وصُحبتها
و ما تتغير ناس وتصفى
الا يصَفون گلوبتها
____

والشوف الفرج يسعي
اذا مو من كلب يدعي
حُبه يصير مو شرعي
مثل الكال كلبي وياك بس بالسيف تعذرنة

الراد حسين يلحكلة
واجاه جايب سِتر اهلة
اجاه وحتار شيگِلة ؟
ومن جاب الضعن وياه كالو ما نريده احنة

جانو بالروح متانينة
ويدعوله يفّرج كُربتهم
ولمن حَط اجدامه ورحلة
تلگو لكن بسيوفَتهُم
_

اذا يشرِق آنه امنيتي
آخر شي بهَل بيتي
اگله امن احترَك بيتي
واگله شلون بيه هنا أطَفي النار بجدامي

بقت بس تحجي حسراتي
وتِطفيِ النار دمعاتي
وتذَكرت عماتي
من حركولي بيتي الگوم شفت جَن حرگو خيامي

متانين الياخذ ثار اهلة
ويطَفي خيام اهله الوَجن
زلمه آنه ومن اركض صعبه
شلون بعماته الي رِكضَن


اللهم عجل لوليك الفَرج
علي الحسن

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_هدم_قبور_ائمة_البقيع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


مطالبنـــــا البقيــــع نعلـــي بنيــانه
وبأســم المــرتضى يتــردد آذانـــه

ـــــــــــــــــــــــــــــــــــــــــــــــــــــــ
.     .      بـانـت عـلامـات أشـكـثـر
             وبـدمـوع الـعـيـون انتظر

  ويـنـك يـمـوعـود          ويـنـك يـمـوعـود

                                         *---------------*---------------*

وينك     مـتـحـمـل شلون الجـرح
وينك     يـالـتـنـحـب بليل وصبح
وينك     بـعـمـرك أشـخـلـه الـذبـح
وينك     إيـنـاشـدك دمـعي اليسح

    يـالّابـس إثـيـاب الـحـزن
    والـعـمّـتـك زيـنـب تـــوّن

                                         *---------------*---------------*

أدري     أمـجـرح عـيـونـك دمــــع
أدري     يـومـيـه بـالـطـف تنـفجـع
أدري     أسـنـيـنـك بـغـربــه شـمـع
أدري     أبـالـك أخـيــــــام وضـلـع

    مـتـحـمـل أهـمـوم وألـــم
    وبـضـامـرك نـــار الـخـيـم

                                         *---------------*---------------*

عجل     يـاصـاحـب الـثـار الأبــي
عجل     يـالـتـعـبـك حـيـل السبي
عجل     يـالـحـرگـتـك نار الـعـبـي
عجل     أرفـع دعـائـي ومـطـلـبـي

     أدري بــدلـيـلـك مـحـتـرگ
     مـاتـنـسـه ألـمـتـون الـزرگ

                                         *---------------*---------------*

غايب     ولـوحّـدك عـايـش غـرب
غايب     أيـأذي الـغـيـاب وصـعب
غايب     والـمـدمـع بـخـدك يصب
غايب     أجـروحـك بـنـص الگلب

     أتـنـطّـر وطـال الــــوعـد
     والـجـيـتـك أشـباقي بعد

                                         *---------------*---------------*

وحدك     تـذّكـر الـنـوگ الـعِـجـف
وحدك     أعـرف حـيـاتـك تختلف
وحدك     سـيـل النـواظـر مايجف
وحدك     مـعـاشـر أجـروح ونـزف

     أسـنـيـنـك أحزان وبچي
     مـيوصف لحالك حـچـي

                                         *---------------*---------------*

يمته     يـالـغـالـي يـجـمـعنه الزمن
يمته     أتـنـطّـرك يـبـن الــــحـسـن
يمته     أمـسـح دمّـوعـي ويـنـسـن
يمته     بـــثـارك تـطـالـب بـالـعـلـن 

   أتـحـاسـب الـذابـح طـفل
   وأتـنـشـف الـدمـعـه التهل

                                         *---------------*---------------*

✍بقلم خادم الحسين (ع)
الشاعر رعد الجريخي



▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://www.youtube.com/@user-dg5tn9bg3i