#قصائد_شهادة_الإمام_الصادق _ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــ



الامام الصادق وعاشوراء (والجرح الشام)


عايش بآلام حركَه اعله اخيام واجروح الشام
يالصادق همـــــك يكبر عالضامي ابيوم اتوذر
واجروح الشام
***
نسأل يا ابو الكاظــــــم لون ترضه
ولـــو ندري ابدليــــلك ناره تتلضى
على العاشر الطاح برملته وارضه
وثلث تيام مــــده ابلا دفــــن كضه
ضامي وعطشان ميت عريان فوك التربان
ناصب مجلس تتحسر عالضامي بيوم اتوذر
واجروح الشام
***
منهو الكدرك واللي شـــغل بالك
وياجرح الاشد تتصــوره اكبالك
والاصعب عليك وغــير احوالك
ومن اتذكره يوكف نبضه دلالك
طيحت جسام ظل دامي الهام عالرمله اينام
نارك بالهم تتوجر عالضامي بيوم اتوذر
واجروح الشام
***
ياموقف اشد واللي كســـر ظهرك
وبريتك يعيش اوي الهوه بصدرك
شيب روحك وايامـــــــك وعمرك
وتنعه اهواي حيل ومانفـع صبرك
امصاب العباس راعي النوماس تبجيله احساس
ملتم عمرك واتطشر عالضامي بيوم اتوذر
واجروح الشام
***
تحب دوم المجالس والنعي اهوايه
واتكول المصيــــــــبه اتريد نعايه
انته الفاكــــــد العــــــباس والرايه
وللشام الفواطم راحــــــــن اسبايه
عبد الله الراح والاكبر طاح مطعون ارماح
تنعه وكلبك يتفطر عالضامي بيوم اتوذر
واجروح الشام
***
تبجـــي ودمعتك متروســـــه حنيه
على الراحت يبو معصومه مسبيه
عمتك زينب اوي ســـكينه وارقيه
مجتوفات علويه اعلـــــــــه علويه
مسبيه اشلون عالناكه ام عون وياهه اضعون
تبجي و دمعك يتفجر عالضامي بيوم اتوذر
واجروح الشام
***

ابو علي الركابي
ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_الإمام_الصادق _ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــ


صحت اه… وويلاه… من رحت يالصادق

★★★★★★★★★

رايح والسمه اتنوح…. وبينه تنزف اجروح…
يالماكوا ابغلاتك

يالصادق يمظلوم….. روحك ظلت اتحوم
ابسجادت صلاتك

ابرمشك يسهر اليل…... وتشبه والدك حيل
يالماكوا ابحلاتك

صادق كل العلوم…. . خلي العاذل ايلوم
مايعرف صفاتك

يغارون… يخافون…. وانت بيهم ناطق
★★★★★★★★★

شوگك بين الانفاس…… وفگدك شيب الراس
يالبعدك ذبحن

ابچي وادري مَيفيد…… دمعي وانته ابعيد
والمدمع فظحني

يالساكن بالعيون ….. ياالبيك انـــــه مجنون
وفراگك جرحني

جرحي ينزف احساس….. لجلك مو على الناس
يالچفك ملَحني

بالعيون والجفون… اتضل صوره العاشق

★★★★★★★★★

الشامت گلي احاچيك … عاشگ ميت اشبيك
أي گتله انــه مجنون

كلالي العشگ عيب….. گتله انــــه ابقه للشيب
لو بيه يگودون

گلي زحمه والناس….. گتله عــــمــــه عــــباس

وظميته بالعيون
گلي ملتقي اويـــــاه….. لا مــــــا شفته والله
وبيه من زغري مفتون

اليعشگون… يگولون…. واليحبك واثق

★★★★★★★★★

ياهو المثلي يشتاگ….. ومنه گلبه ينباگ
ويروح الخليله

يسولف قصْته بدموع… ويشعل يمـــــه الشموع
ومايبطل مسيله

الظيع بالسلف شاب…. يترس لحيته اتراب
لا والله قليله

حگي من ابچي اليوم. رايـــح منـــــي معصوم
وتبچيله العقيله

والحسين… بلا عين… يبچي الك ويناشق
★★★★★★★★★

عندك سيدي ادخيل…. صارت دنيا خربيل
خليني ابخدمكم

رايد ابقه وياك….. وهم بالمحشر انعاك
وعالشايل علمكم

انصب مجلس الحين…واقرة بس عالحسين
وتبچي فاطمه امكم

فورٱ يلفي جبريل…… شال ابجنحه زنجيل
يلطم وي لطمكم

يعزون…. يلطمون…. المهدي يحضر واثق

★★★★★★★★★

باچر نمشي ونزور…. اونبنــــــي كل الگبور
ونعلي المنارات
نبني اگبور الاطياب… وكلمن للصحن باب 🚪
وطوفه الحمامات
حظرت فاطمه اتصير…. كعبه والحسن خــير
والباقر مُناجات
الصادق وي علي اصروح… وام الأربعـــــه اتنوح
الغالي ابكربله مات

بالانفاس…. يعباس…. ظل لخوك امعانق

ـــــــــــــــــــــــــــــــــــــــــــــ

ماجد حبيب الخيگاني
ونسألكم الدعاء

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_الإمام_الصادق _ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــمو هسه ميت من زمان
عالداسته اخيول الجثيره
مو هسه ميت من زمان 
عالملمو جسمه بحصيره
........
مو هسه اخذني الموت اخذني صارله سنين
من يوم كالولي أنذبح عطشان الحسين
ما ظل عمر عندي بقت بس دمعت العين
ويومية ذابحني الشمر مو مره مرتين

عالبلعطش يابس لسان
اسنيني العمر صارت كصيره
مو هسه ميت من زمان 
عالملمو جسمه بحصيره

.......
الميتله مثل حسين يبقى عايش اشلون
نوحو اعله جدي اعليه ما حاجه تنوحون
اتشيع اني حسين ما ظله اليشيعون
فوك الذبح دوس الحوافر باكت امتون

ودم منحره غطه المكان
واظلوعه يا وادم كسيره
مو هسه ميت من زمان 
عالملمو جسمه بحصيره
........
عاشر محرم يا خلك  شيبلي كل حال
من عندي اخذ روحي وتركني سارح البال
من عنده شنسه انه الحرك لو سبي الاعيال
لو عمتي زينب من خذوهه امكيده بحبال

ظل عمتي ما ينشاف جان
هاي العلي كلش جبيره
مو هسه ميت من زمان 
عالملمو جسمه بحصيره

.....
ما حاضر المقتل لجن وصلتني الاخبار
سولفلي ابوي وكلي جدك طمه الأحجار
ومن كثر ما داست عليهه اخيول الاشرار
صدره اعله ظهره انطبك جدي وصار طشار

مارحمو ابسيد الجنان
الجانت الوادم تستشيره
مو هسه ميت من زمان 
عالملمو جسمه بحصيره


......
عالاقل انه ابين ناسي اوماني اوحيد
بس جدي ما ظل عنده ناصر يا أجاويد
فوك الترب مطروح ظل امسبل الأيد
وعيونه تندار الخيامه الفزعته اتريد 

حتى الزمن تاريخه خان
ما راعه حرمه ولا زغيره
مو هسه ميت من زمان 
عالملمو جسمه بحصيره
.....
جعفر الصادق انه ما ذبوحني عطشان
ولا سلبو مني ثيابي وصرت عريان
ولا جسمي ظل ابكربله اموسد التربان
من غير تغسيل وجفن من غير دفان

ذبحو اويه حسين الامان
من سلبوه ذيج الظهيره
مو هسه ميت من زمان 
عالملمو جسمه بحصيره

......
كلمات
✍ موسى الخادم




ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_الإمام_الصادق _ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــ

ياصاحب الثار ... طالت غيبتك
.....
يمتى نسمع قد ظهر مهديكم
الجنتم اتانونه وايتانيكم
وتسكت احلوك الي كالت عنك
مات من ذاك الزمن واليكم

يا صاحب الثار ... عايش غربتك

........
ساعه ساعه الجيتك تانينه
يمتى يا يوم الفرج مهدينه
ليل وانهار وصبح ندعيلك
سالم اترد لينه يا مهدينه

يا صاحب الثار ... ردنه صحبتك
......
يابو صالح يا جميل الصوره
نشكي الك غدر الزمان وجوره
يملي هاي الكاع قسط وعدلاُ
ماكو غيرك رايته منصوره

يا صاحب الثار .... لذنه بشيمتك
........
نعتذرلك سيدي   امزعلينك
سوده كل أفعالنه الله يعينك
انت ظهرك منكسر عالعاشر
واحنه يوميه بسهم رامينك

يا صاحب الثار .... ناسك اذتك
....
من كلب مو من صدك ندعيلك
هذا واقع حالنه ونحجيلك
لو صدك جان الدعاء وخالص
جان نورك زاح ظلمت ليلك

يا صاحب الثار ... نادت شيعتك
.......

كلمات
✍ موسى الخادم


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_الإمام_الصادق _ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــ

قصيدة استشهاد الإمام الصادق عليه السلام


كلمات الشاعر
علي ابوسما الديواني


(طور يبني الضيعتني بضيعتك مني)

مدرسـة الـعـلـم مسمـوم هـالليـلـه
وطلابـه وصحبته ادمـوع تبچيلـه
ـــــــــــــــــــــــــــــــــــ
طلابـه وصحبتـه اتعـنـوا الـداره
ذاعـت بالمدينـه وطشت اخبـاره
الدوانيقي امر حاشيته واشراره
غـدر بي وبسگايـه السـم ركد حـيلـه
ـــــــــــــــــــــــــــــــــــ
الصـادق ذاب چبـده وذاب دلالــه
والـسـم يالـتـنـاشـد غيـر احـوالــه
الله ايعين گلـب اوليـده من شالـه
الكاظم عن مصابه وهضمـه يشكيلـه
ـــــــــــــــــــــــــــــــــــ
الله ايعـيـن طـلابـــه وأهـل بـيـتــه
الظلت كل وكت تبچي اعله ناعيته
يتيـم المـذهــب ابـفـرگـاك خـليـتـه 
يقـرالــك نـعـــي وآيــــات تـرتـيـلــه
ـــــــــــــــــــــــــــــــــــ
يقرالك نعي اعله حسين وامصابه
يمـن گظيـت عمـرك تنحـب ابـابــه
دمعتـك كل نـهــار ولـيــل سچـابـه
ســلام الـكـربـلـه ودمـعـك تـوديـلــه
ـــــــــــــــــــــــــــــ
يومـك چـان دمـعـه ونـايـبـه اونــه
تگـول اشلون جـدي الخيل داسنـه
على التـربـان حوافرهـن يطشـرنـه
وگـلـبـك يـستعـر مـايـبــرد اغـلـيـلـه
ـــــــــــــــــــــــــــــــــ
الـنـار بيـوم شبـت سيـدي ابــدارك
ذكرت اخيام عمتك من طفت نارك
ولا خيـل التعـنـت تسحـگ ازغـارك
ولا هـجـت بـنـاتـك خـوف والـعـيلـه
ـــــــــــــــــــــــــــــــــــ
طفيت النـار بيدك والگلـب جـمـره
وبنـاتـك جَـمَعتـهـن كلهن ابحجـره
لا شافن عطش لا ركضن ابصحره
ولا راسـك گطيـع وسـمـهـر ايـشـيلـه
ـــــــــــــــــــــــــــــــــــ
ولا شـمـر اللعين ابسـوط طگاهـن
ولا زجـر ابحبـل شدهن اوجراهـن
ولا جيش الـكـفـر للـشـام وداهــن
ولا طـفلـه وطفـل سمعـن تـواسيـلـه
ـــــــــــــــــــــــــــــــ
آه اعليـك يالصـادق ياضـي الـعـيـن
يالگظيت عمـرك تنحب اعله حسين
وعالهجمت عليها الخيل من صوبين
راس حسين أخـتـه ابـرمـح تـربـيـلـه
ــــــــــــــــــــــــــــــــ
روح امـودع الله يـالمـتـت بالسـم
حگنه اعليك نبچي وننصب المأتم
بـرحيلـك كل موالـي يشعـر اتيتـم
والفـرگـاك دمــع اعـيــونــه انـسيـلـه
ـــــــــــــــــــــــــــــــــ
تـابوتـك طلـع وانصـارك اتـودعـه
بتشييعك عليـك النـاس متجمعـه
بس حسيـن جـدك محـد امشَيعـه
عـاري اعلـه الـتـرب لا ظـل يـفييـلـه


كـلمـات الشـاعـر
علـي ابـوسمـا الـديـوانـي


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA