tgoop.com/ahmed_alziwar1/132800
Last Update:
#قصائد_شهادة_فاطمة_الزهراء_ع
#مـۄسسـﮫ_مــﻥــبـريۄن_للالـﺢــان
الناشر.احمد.الـــزوار.cc
🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ
كون الخاتمه بمجلس فاطمه
يربي وأنـــــه أقره حزين وگلبي جمره
على الزهره
***
من زغري عبد عنــدچ مجتهد
دوم أبخدمتچ حاضر
أمّـــــي أوّالدي بيهـــــم أقتدي
ما أبقه أبـــــــد حاير
غذوني الوفه وجود وعاطفه
بيهـــم يُجْبَرْ الخاطر
دلّونـــي الدرب حب شگد عذب
ينفــع بالحشر باچر
علموني هلي مولايه علي
علاج الروحي فكره حزين وگلبي جمره
على الزهره
***
كبرت ومن كُبَرْ بيّن كــــــل أثر
بروحي وسيرتي وفكري
لا متحيّـــــــرت خادمها صرت
للزهره أنـــذرت عمري
وحسيت أبفخــر مـــا بين البشر
من إلها لطمت صدري
وأدري المعجزه في هـــذا العزه
ينهي حسرتي بگبري
دمعي ينجمع عد أصل الشرع
دموعي التجري حمره حزين وگلبي جمره
على الزهره
*
بهاذي خدمتــــي حـــــر بدنيتي
وهيّه الجاليـــه همومي
والكل أعتــــرف خدمتها شرف
ناسي صحبتي وگومي
يوميه أنفجــــــع وأبچي عالضلع
حتى بيقضتي ونومي
هيچ أتعـــــودت عالزهره حزنت
حسره بگلبي كل يومي
بحال الطاهـره منسيت الجره
أجر حسره عله حسره حزين وگلبي جمره
على الزهره
*
بيها مــــــن لذت متردني عرفت
أتسر الخــادم وربعه
أشقدّم وشصرف مكتوب أنعرف
حتى اليذرف الدمعه
أقسملك قســــــم ما تنسه الخدم
مو بس القـره وينعه
كل واحد حضر والنومه هجر
لجل الطاهره البضعه
فايز ما خسر عالمعبر عُبَرْ
ومنها ياخذ أجره حزين وگلبي جمره
على الزهره
***
عنـــــدي أمنية مــــــن الزاكية
رايد هــــــــذه أمنيتي
لما خذلتني أبد خلتنـــــي برغد
أنه وكل أهل بيتي
بيهــا أتوسلت من عدها ردت
وأدري تعلم بنيتي
لو هل الدمع لمصاب الضلع
تجعل ساعة منيتي
بلوعه وبهضم من يبدي اللطم
يحل موتي وتقدره حزين وگلبي جمره
على الزهره
****
كل صبح ومسه جهدي أمكرسه
وأدعي بكل وگت ربي
وأدعي بكل زمن بأسم أم الحسن
للساكن وســــــط گلبي
ينهي غربتــــــــه أيعجّــل طلعته
للمهدي ضـــوه دربي
عشت أبغيبتــــــه أمتانـــي جيّته
وعيني عالدرب تربي
يا رب الحجج عجّل بالفرج
إلاهي سهّل أمره حزين وگلبي جمره
على الزهره
الشاعر
قاسم حتروش البلداوي
خادمكم
أسألكم الدعاء 🤲🤲🤲🤲🤲🤲
غير مبري الذمه كل من يقرأها بطور الغناء
▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
BY 1.مؤسسة منبريون الحسينية🧿
Share with your friend now:
tgoop.com/ahmed_alziwar1/132800