©Faxriddin Shamsematov - Ajrim

Manba: @Faxriddin_Shamsematov

👉@Tasadduq_yo_rosululloh

#aqida #soxta_salafiylarga_raddiya

"Kim Alloh taologa nisbat berilgan yad (qo'l) lafzini haqiqiy lug'aviy ma'noda desa, shubhasiz mujassimalik va mushabbihalik qilgan bo'ladi. Keyin "Bu Allohning zotiga loyiq tarzda" deyishi foyda bermaydi. CHunki Alloh taologa bu umumiy ma'no aslo to'g'ri kelmaydi. Bu xuddi "Alloh taologa Unga loyiq bo'lmagan sifatni Unga loyiq bo'lgan tarzda nisbat beraman" degan gapga o'xshaydi. Uning bu so'zi zalolatdir".

📚SHayx Sayf ibn Aliy Asriyning "Al-Qovlut-tamam" kitobi, 103-bet.
___
Munosabat: "Alloh taolo o'ziga loyiq tarzda osmonda" deyish ham mujassimalik e'tiqodidir. CHunki ahli sunna e'tiqodiga ko'ra, Alloh taolo makonda bo'lishdan pok Zot. Oyat va hadislardan osmonda degan yuzaki ma'no tushunilmaydi, balki sha'ni oliy degan ma'no iroda qilinadi.

Manba @AhliSunnaValJamoaUz

👉@Tasadduq_yo_rosululloh

Qiyomat kunida faqat u do‘stingiz
"shafoat qiladi".

Shayx Alijon qori

Manba: @Alquranuz

👉@Tasadduq_yo_rosululloh

​​UZRLI HOLATDA MASJIDGA KIRMASLIK
#poklik #tahorat

❓1048-SAVOL: Umraga borgan ayol uzrli holatda masjidga kirmasligi kerakligini bildim. Savolim shuki, mutlaq masjid hududiga kirmaydimi yoki masjid binosigami?

💬 JAVOB: Bismillahir Rohmanir Rohim. Masjidun Nabaviy va masjidul haromning sahni masjid hududidan yoki hududidan emasligi borasida ulamolar orasida ixtilof bor bo‘lib, aksar ulamolar sahn masjid hududidan emas, deganlar.
Qolaversa, “Tanvirul absor” kitobida ushbu masala borasida quyidagicha keltirilgan:
اما(المتخذ لصلاۃ الجنازۃاو عید)فھو(مسجد فی حق جواز الاقتداءلافی حق غیرہ فحل دخولہ لجنب وحائض)
"Ammo masjidning janoza yoki iyd namozlari uchun ajratilgan qismi o‘sha joydan iqtido qilish joizligi borasida masjid hukmidadir. Iqtidodan boshqa narsada masjid hukmidan emas. Shuning uchun junub va hoiza ayollarning o‘sha hududga kirishi halol bo‘ladi".
"Roddul muhtor" kitobi muallifi "Durrul muxtor" kitobidagi كفناء مسجد deb keltirilgan ibora sharhida:
حل دخوله لجنب ونحوه
"Masjid hovlisiga junub va shu kabilarni kirishligi halol bo‘ladi", deganlar. Demak, xulosa qilib aytganda hayz ko‘rgan ayol masjidning binosiga kirmasdan uning sahnida zikr tasbeh, duoyu istig‘for kabi ibodatlar bilan mashg‘ul bo‘lishi mumkin ekan. Vallohu a’lam.

O‘zbekiston musulmonlari idorasi
Fatvo markazi.

Manba @fatvouzlotin

👉@Tasadduq_yo_rosululloh

ОХИРАТ САФАРИГА ОЗУҚА ТАЙЁРЛАНГ

❤️ Шайх Саййид Раҳматуллоҳ Термизий

Manba @mehrob_uz

👉@Tasadduq_yo_rosululloh

Manba: @Faxriddin_Shamsematov

👉@Tasadduq_yo_rosululloh

Shukur qilmoq odamlarni rozi etmoqdan osonroqdir

Ubaydulloh ibn Abu Nuh aytadi: Bir kishi mendan so'radi: Alloh subhanahu va taologa yoqmaydigan qancha ishlarni qilding, Alloh esa senga yaxshiliklar qildi, sanog'ini bilasanmi?
– Ularning son-sanog'i yo'q.
– Robbim, deb iltijo qilganingda seni biron marotaba yordamsiz tashlab qo'ydimi?
– Yo'q. Allohga qasamki, U hamisha menga yaxshiliklar qildi, madad berdi!
– So'ragan biron narsangni bermaganmi?
– Alloh menga biron narsani rad etibdimi?! Axir qachon so'rasam, albatta bergan-ku. Qachon yordam so'rasam, Allohning yordamiga erishganman.
– Agar biron kishi senga yuqoridagi narsalarning birontasini qilsa, sen unga qanday javob qaytargan bo'larding?
– Men uning mukofotini bera olmasdim.
– Sening shukringga Robbingdan-da haqliroq kim bor?! Allohga qasamki, Allohga shukur qilmoq odamlarni rozi etmoqdan osonroqdir.

Manba @mehrob_uz

👉@Tasadduq_yo_rosululloh

Muloyim bo‘lib tushuntiring!

Shayx Alijon qori

Manba: @Alquranuz

👉@Tasadduq_yo_rosululloh

MASJIDUL-HAROMDA O‘QILGAN NAMOZ
#Haj_umra #namoz

❓1050-SAVOL: Makkai mukarramadagi Haram hududi masjid hududidan ko‘ra ancha kengroq hisoblanadi. Shunga ko‘ra, Masjidul Harom fazilati faqatgina ushbu masjidning o‘zigagina xosmi yoki butun haram hududidagi ibodatlarga ham tegishlimi?

💬 JAVOB: Bismillahir Rohmanir Rohim. Masjidul-haromda ado etilgan namoz boshqa masjidlardagi namozlardan yuz ming barobar afzal hisoblanadi. Bu borada Abdulloh ibn Zubayr roziyallohu anhudan rivoyat qilingan sahih hadisda Rasululloh sollallohu alayhi vasallam:
"صلاة في مسجدي هذا أفضل من ألف صلاة فيما سواه من المساجد إلا المسجد الحرام و صلاة في المسجد الحرام أفضل من مأة صلاة في هذا"
Ya’ni “Mening masjidimdagi bir namoz boshqa masjidlardagi mingta namozdan afzaldir. Magar Masjidul-harom bundan mustasno. Masjidul-haromdagi bir namoz bu yerdagi yuzta namozdan afzaldir” (Imom Ahmad, Bazzor va Ibn Xuzaymalar rivoyat qilgan). Bu borada muhaddislar tomonidan boshqa lafz va boshqa rivoyatlar bilan bir necha hadislar rivoyat qilingan bo‘lib, ushbu masalada ulamolar oralarida ixtilof yo‘qdir. Ammo mazkur afzallik faqatgina masjid hududiga xos yoki butun haram hududini o‘z ichiga olishi borasida ulamolarning qarashlari farq qiladi. Ba’zi faqihlar bu fazilat faqatgina “Ka’ba atrofidagi jamoat namozigagina xosdir” degan bo‘lsalar, boshqa fuqaholar esa “Yo‘q, balki bu afzallik Haramning barcha hududiga tegishlidir” deydilar. Birinchi qarash imom Molikning mazhablari bo‘lib, shofe’iylardan imom Navaviy ham o‘zining “Al-Majmu’” va “At-Tahzib” nomli asarlarida bu fatvoni qo‘llab quvvatlaganlar. Shuningdek, buyuk imomlardan Al-Isnaviy “Kuchli gap shudir” degan va Ibn Xajar ham “Tuhfa” nomli kitobida ushbu fatvoni ixtiyor etgan. Al-Muhib at-Tabariy ham ushbu fazilat Masjidul-harom hududida jamoat bilan ado etilgan namozlargagina xosligiga ishora bordir, deganlar. Hanafiy mazhabining haj va umra arkonlariga doir mashhur manbalaridan biri hisoblanmish “Al-Mansakul-kabir” kitobida keltirilishicha: "Hanafiy faqihlarining eng mo‘tabar fatvolari ham xuddi shundaydir. Ammo ikkinchi qavlga ko‘ra: mazkur afzaliyat nafaqat Masjidul-haromning, balki Haramning umumiy hududini o‘z ichiga olib, unga ko‘ra bir kishi Haramning istalgan hududida namoz o‘qisa, boshqa yerda o‘qilgan yuz mingta namozdan afzal hisoblanadi. Ushbu qavlni shofe’iylardan imom Movardiy ham quvvatlaganlar".
“Raddul-muhtor” kitobida, shuningdek imom al-Biyriy “Sharhul-ashboh” asarida quyidagilarni aytgan: “Hanafiy ulamolarimizga ko‘ra, bu boradagi mashhur fatvo shuki, namozning yuz ming barobardan ortiqligi Makka shahri va barcha haram hududini o‘z ichiga oladi. Shuningdek, mazkur fazilat nafaqat namozgagina tegishli, balki boshqa barcha savobli amallarni ham o‘z ichiga oladi. Zotan, “Haramdagi savobli amallar yuz ming barobarga ko‘paytirib beriladi” degan hadisi sharifni Mullo Sinon “Qurratul-uyun” nomli kitoblarida zikr qilganlar” ("G‘unyatun nosik" kitobi). Yuqorida zikr etilgan dalil va fatvolardan kelib chiqib, ulamolarimiz shunday xulosaga kelganlarini ko‘rishimiz mumkin:
1. Masjidul-haromda jamoat bilan o‘qilgan farz namozlari hech bir xilofsiz boshqa joy yoki masjidlarda o‘qilgan yuz mingta namozdan afzaldir.
2. Masjidul-haromdan tashqari, lekin umumiy Haram hududi yoki Makka shahri hududida ado etilgan namozlarning ham boshqalaridan yuz ming daraja afzalligini umid qilinadi. Xususan, jiddiy uzrga ega bo‘lgan keksa va bemor kishilarning istiqomat manzili Haram hududida joylashgan bo‘lsa, ushbu manzillarida qilgan ibodatlari uchun Alloh taoloning fazli bilan yuz ming barobar ajr berilishi umid qilinadi. Ammo jiddiy uzri bo‘lmagan yosh va navqiron yigitlar yoki jamoatga borishga imkoni bor kishilar imkon qadar farz namozlarini Masjidul-haromda jamoat bilan o‘qishlari maqsadga muvofiqdir. Vallohu a’lam.

O‘zbekiston musulmonlari idorasi
Fatvo markazi.

Manba @fatvouzlotin

👉@Tasadduq_yo_rosululloh

Besh ne’matni yo’qotishdan avval uni g’animat biling!

Shayx Alijon qori

Manba: @Alquranuz

👉@Tasadduq_yo_rosululloh

Manba: @Faxriddin_Shamsematov

👉@Tasadduq_yo_rosululloh

Fuzayl ibn Iyoz aytardi: Umrining qolgan qismini o'nglagan insonning o'tgan xatolari mag'firat etiladi. Kim hayotining qolgan qismini ham yomonlik bilan kechirsa, avvalu oxir qilmishlariga javob beradi.
So'ng Fuzayl yig'lab turib iltijo qildi: Alloh taolo barchamizni qolgan umrimizni isloh etishga muvaffaq etsin!

Manba @mehrob_uz

👉@Tasadduq_yo_rosululloh

МУСОФИРЛИК ҲАҚИДА

❤️ Шайх Саййид Раҳматуллоҳ Термизий

Manba @mehrob_uz

👉@Tasadduq_yo_rosululloh

DASTUR ORQALI PUL TOPISH
#halol_harom

❓1051-SAVOL: Men Moskvada ishlayman. Bu yerda o‘rtoqlarim YouTubeda pul topishni tavsiya qilishdi. Men bir dasturga kirib 100 dollar pul tiksam bir yillik vaqt berar ekan va har kuni video jo‘natadi. Men o‘sha videoga layk bosib, a’zo bo‘lib, skrinshot qilib ularga jo‘natsam har bir video uchun 1 dollar pul beradi. Har kuni 5 ta videoga shunday qilishim kerak ekan. Shunga o‘xshash dastur orqali pul topish haqida nima deysiz? Bu yerda juda ko‘p musofirlar shu narsadan pul topishyapti.

💬 JAVOB: Bismillahir Rohmanir Rohim. Bu ish shariatimizga ko‘ra to‘g‘ri emas. Chunki bunda ishni boshlashdan avval berilgan pul (savoldagi 100 AQSH dollari) oldindan berilgan pul yo pora yoki qarz hukmida bo‘ladi. Ya’ni, agar pul to‘lagan odamga qaytarilsa, o‘sha pul qarz sifatida berilgan hukmda bo‘ladi. Bunda uzoq muddat evaziga pulni aylantirib, undan kelgan va YouTube tarmog‘idagi reklamalardan kelgan puldan qarz bergan odamga, ya’ni sizga berib turiladi. Boshqacha qilib aytganda bergan qarzingiz evaziga haq olib turasiz. Shariatimizga ko‘ra, esa har qanday qarz foyda keltirsa, ribo – sudxo‘rlik sanaladi. Bunga Payg‘ambarimiz alayhissalomdan naql qilingan quyidagi rivoyat ham dalolat qiladi:
"كلُّ قرض جرَّ منفعة فهو ربا" (رواه البيهقي)
“Har qanday manfaat keltirgan qarz – ribodir” (Imom Bayhaqiy rivoyati).
Shunga ko‘ra, YouTube tarmog‘idagi bu moliyaviy amaliyotga kirishmaslik tavsiya etiladi. Vallohu a’lam.

O‘zbekiston musulmonlari idorasi
Fatvo markazi.

Manba @fatvouzlotin

👉@Tasadduq_yo_rosululloh

Namozga dangasalik qilayabsizmi?
Bu suhbat siz uchun!

Shayx Alijon qori

Manba: @Alquranuz

👉@Tasadduq_yo_rosululloh

Manba: @Faxriddin_Shamsematov

👉@Tasadduq_yo_rosululloh

Abu Bakr ibn Ayyosh aytadi: Agar bir dirham pulingizni tushirib kuysangiz, kun bo'yi «Inna lillahi va inna ilayhi roji'un. Bir dirhamimni yo'qotdim», deb yurasiz. Biroq hech biringiz «Bir kunimni behuda yo'qotdim, xayrli amal qilmadim», deb afsus chekmaysiz.

Manba @mehrob_uz

👉@Tasadduq_yo_rosululloh

ДУОНИНГ ТЕЗ ҚАБУЛ БЎЛИШИ

❤️ Шайх Саййид Раҳматуллоҳ Термизий

Manba @mehrob_uz

👉@Tasadduq_yo_rosululloh

​​TOIF VA JIDDA SHAHARLARI MIYQOT ICHIDAMI?
#Haj_umra

❓1052-SAVOL: Toif va Jidda shaharlari miyqot ichidami yoki tashqarisida?

💬 JAVOB: Bismillahir Rohmanir Rohim. Toif shahri Makkai mukarramadan taqriban 75 km uzoqlikda joylashgan bo‘lib, u joyga borgan odam Haram hududidan chiqib, miyqotdan ham o‘tib ketgan bo‘ladi. Bu kishi yana Makka shahriga qaytib kirmoqchi bo‘lsa, albatta “Qornul-manozil” (“Saylul-kabir” deb ham nomlanadi) miyqotidan umra uchun ehrom bog‘lab kirishi vojib bo‘ladi va aks holda bir qo‘y so‘yishi vojib bo‘ladi.
Bu borada “G‘unyatun nosik” kitobida shunday deyilgan:
المكي إذا خرج إلى الحل لحاجة له أن يدخل مكة بغير إحرام بشرط أن لا يكون جاوز الميقات
الأفاقي، فإن جاوزه فليس له أن يدخل مكة بغير إحرام؛ لأنه صار آفاقيا (بحر)
Ya’ni: “Makkalik kishi (jumladan, Makkada turgan hojilar) haramning tashqarisi lekin miyqotning ichidagi hududga biror bir hojati uchun chiqadigan bo‘lsa va modomiki, ofoqiylarning (tashqaridan keluvchilar) miyqotini chegarasidan o‘tib ketmasa, unga Makka shahriga ehromsiz qaytib kirishi joizdir. Agar, miyqotdan o‘tib ketsa, u holda Makkaga ehromsiz qaytib kirishi joiz emas” ("Bahrur-royiq". 2/559-560 b.) ("G‘unyatun-nosik"/110-bet).
Bu borada “Anvorul-manosik” kitobida quyidagicha bayon qilingan: “Jidda shahri Makkadan taxminan 79 km masofada joylashgan bo‘lib, uning miyqot ichidaligi haqida esa, ulamolarimizning ikki xil so‘zlari mavjud.
Birinchi fikrga ko‘ra, Jidda shahri miyqotning ichida joylashgan.
Ikkinchi fikrga ko‘ra esa, Jidda shahrining o‘zi miyqot hisoblanadi. Zero, u ikki miyqot ya’ni “Yalamlam” va “Juhfa” miyqotlarining orasida joylashgan bo‘lib, hazrati Umar roziyallohu anhuning chiqargan hukmlariga ko‘ra, ikki miyqot oralig‘ida joylashgan makonlar ham miyqot hisoblanadi. Shunga ko‘ra, Jiddaga dengiz yo‘li orqali keluvchilar hamda g‘arb mamlakatlaridan samolyotlar bilan keluvchilar uchun Jiddadan ehrom bog‘lash hech bir karohatsiz joizdir. Chunki, bular biror-bir miyqotga kirmay, to‘g‘ri Jiddaga boradilar. Lekin shimoli-sharqiy va janubi-sharqiy mamlakatlardan, masalan O‘rta Osiyodan samolyot bilan Jiddaga boruvchi hojilar avvalroqdan ehrom bog‘lashlari lozim bo‘ladi. Chunki ular “Qornul-manozil” yoki “Zoti Irq” yoki “Zul-Hulayfa” miyqotlari tepasidan uchib o‘tib, so‘ng Jidda aeroportiga qo‘nadilar” ("Anvorul-manosik", 118-bet).
Demak, har ikki fatvoga ko‘ra ham Jidda shahrining o‘zi miyqot yoki miyqotning ichida bo‘lib, miyqotning tashqarisida hisoblanmaydi va u joyga Makkadan borgan kishilarga yana qaytib Makka shahriga kirishlarida ehromga kirishlari shart emas. Zero, ular miyqot hududidan tashqariga chiqqan bo‘lmaydilar. Vallohu a’lam.

O‘zbekiston musulmonlari idorasi
Fatvo markazi.

Manba @fatvouzlotin

👉@Tasadduq_yo_rosululloh

Sayyidul-istig‘for

Shayx Muhammad Sodiq Muhammad Yusuf rahimahulloh

Manba @islomuz

👉@Tasadduq_yo_rosululloh