tgoop.com/Sudaniislam/19059
Last Update:
و ربنا خلقنا مُختلفِين ، ما خلقنا كلنا واحد !❤️
حتى في قوة التحمّل ، خلّانا
كل زول فينا قوّته براهُ !
في حاجات نحنا بنقدر عليها بسهولة شديدة ، لكن غيرنا
بشوفوها صعبة و تقيلة !
و ممكن مواقف و أحاسيس
نحنا نقدر نتحمّلها بدون ما نشكي منها ، لكن ناس تانية لمن تمُر بي اللي نحنا مرّينا بيهُ ، تكون مُرهَقة جداً و مُتألّمة !
دي حقيقة الحياة :
نحنا ما متساوين نهائي ، لا في مشاعر لا تحمّل لا قُدرة !
ف لو ما قدرنا نفهم الحقيقة دي
الأفضل إننا نسكُت بس و نعاين بي عيوننا ❤️
ما نلوم الحزين على الحزن اللي هو عايشه
لأنه مافي زول فينا عارفه قدر شنو !
ولا نحرج المتألّم بي إننا نستهتَر بإنكساره
و وجعه ؛ لأننا ما شاعرين بيها ولا ضايقِنّها !
و ياريت ما نحسّس إنسان إنه هو بتدلّع ،
و لا نقعد نتخلع
في وشه إنه كيف ما قادر يعمل حاجة معينة ..
عشان نحنا رهيبين و شاطرين و قادرين عليها !
لو ما قادر تسمع شكاوي الناس ،
و تهوّن عليهم و تواسِيهُم ، أحفظ كلامك لي نفسك
من غير تجريح و زيادة وجع على قلوبهم .
و حاول تكون لطيف و راقي في تعاملك شوية ♡
لأنه مهما حاولت ما حتقدر تتخيّل هموم غيرك و معافرتهم
في الدنيا دي قدر شنو !
#اتزان
فاللهمّ اجعلني خفيفةً طيّبةً أينما مَرَرتُ في هذه الدنيا ، أن أترُك خلفِي جمالاً تزدان به القلوب و الأيام ، و أن ترزقني جَبر الخاطِر و أمان النّفس و دوام الخير ما حيِيت .
ممكن نصلّ على الحبيب !❤️
#تيسير_الصادق
BY خُطواتٌ للأجُر🌸.))
Share with your friend now:
tgoop.com/Sudaniislam/19059