tgoop.com/Sudan_madbak/10087
Last Update:
⛔يا جماعة ده مش سكر ومية… ومش عديم القيمة زي ما ناس فاكرة‼️
ده كنز صيفي اسمه: بـطــــيــــخ 🍉
(واللي بالمناسبة.. علميا يعتبر خضار مش فاكهة‼️)
🔴البطيخ مش بيخسس، لكن لو فاهم تركيبه… هتحترمه أكتر من أي فاكهة "غالية" في السوق.
هو اسمه بطيخ… بس مفعوله سريع!
لو بتحبه؟ اسمع دي:
✅1. جسمك بينشف؟
البطيخ ٩٢٪ منه ميه! يعني بيرطب جسمك من جوه، ويقلل الصداع والتعب اللي بييجي مع الجفاف.
✅2. بتنام بالعافية؟
مليان ماغنسيوم، بيريح الأعصاب، ويزبط المود، ويديك نوم أعمق.
✅3. عندك شد عضلي؟
البطيخ في مادة اسمها سيترولين بتساعد العضلات ترتاح بعد التمرين، وتحسن ضخ الدم.
✅4. عايز حاجه حلوة من غير ما تبوظ الدايت؟
فيه سكر طبيعي، بس سعراته قليلة جدا… ومفيهوش دهون خالص.
✅5. المناعة؟
فيتامين سي + بيتا كاروتين = مناعة أقوى وبشرة أنضف.
✅6. عايز تقوي قلبك؟
السيترولين + مضادات الأكسدة = تحسين للدورة الدموية وحماية للقلب.
⛔بس خد بالك:
🔴مرضى السكر؟ مش ممنوع… بس الكمية مهمة (كفاية ١ كوب أو شريحتين).
🔴لو فتحت نص بطيخة وقعدت تاكل براحتك… متلومش إلا نفسك.
🔴واغسله من بره كويس عشان بكتيريا الإشريشيا كولاى بتحب تعيش على قشره.
ربنا خلق لنا حلاوة طبيعية… بدون ألوان، بدون مواد حافظة، بدون مواد سامة!
(كُلوا واشربوا ولا تُسرفوا)
وبلاش كل ما نفسك تقولك "عايز حلو"، تروح للمحلات اللي بتبيع أمراض مغلفة بشيكولاتة.
بحبكم في الله
#الدكتور_ضياء_الدين
BY المطبخ السوداني🍗
Share with your friend now:
tgoop.com/Sudan_madbak/10087