tgoop.com/Silatallah/16198
Last Update:
في طريق حفظك للقرآن .. ♥️
ما تنتظري من الناس شي كثير !!
الناس ما ح يسهروا ويكرروا معاك الآيات ..!
ولا ح يبكوا معاك وقلبهم يوجعهم لما تغلبك آية ..
صح ح يدعموك في أوقات كثيرة 💕
بس في أغلب الأوقات ما ح تلقيهم معاك !!
حتى شيخاتك .. ح يشجعوك ويملوك طاقة -بفضل الله- عظيمة شديد وح يحمّسوك 💚
بس برضو في كثير من الأحيان ح تلقي نفسك براك !!
الناس ح يفرحوا معاك شديد لما تخلصي جزء ، بس ما ح يشوفوا التعب التعبتيه عشان تحفظي الجزء دا !
ح يحتفلوا بيك لما تحفظي نصف القرآن ، بس ما ح يكونوا عارفين حجم الجهد والسهر العملتيهم عشان تصلي هنا !
ح يعملوا كرنفال لما تختمي القرآن ..
والفرحة في عيونهم ح تنسّيك أي تعب ، أي دمعة نزلت ، أي ليلة سهرتيها، أي بحّة صوت من كثر التكرار
وفرحة أهلك بالذات ؟!
دي تشتريها بالدنيا وما فيها ، دموعهم بتبرّد حشاك شوية انك قدرتِ تردّي ليهم جزء من العملوه عشانك !! ♥️♥️
الموضوع ما يستاهل ..
لا ،، لا بستاهل ونص وخمسة ! ♥️
BY سلعة الله غالية 🌹
Share with your friend now:
tgoop.com/Silatallah/16198