tgoop.com/Shaima199/7908
Last Update:
بالحياة نمر بهواي ظروف صعبة ومواقف تعيسة مرات نكدر نتخاطها بسهولة ونكمل ومرات صعب نتخاطها تبقى تعيش بروح الواحد لا هو متقدم
وتاركها ولا هو ناسيها وعايش حياته هیچ مواضع متجيب للإنسان غير التعاسة والبؤس وتخرب صفوا حياته وتضيع اللوانها .
اني قبل فترة جنت اسولف
لبنية صديقتي ..
كتلها تصدكين آخر فترة بحياتي خصوصا السنتين الأخيرات وصلت مرحلة ما ابقي مشكلة يفوت وقتها ولا اعبر شغلة لازم اوكف عدها ولا اغير موضوع لازم هسه ينحجي بي تدرين ليش اني هيج لان اكو بداخلي سلام وطمأنينة اخاف افقدهم وما احب اتعب روحي واعيش يوم بحياتي واني فاقدة هيج طمأنينة وراحة قلبية وروحية ..
هذا ظلم للنفس وتعب للعقل وارهاق للجسد لمن تبقى معيش نفسك بدوامة داخلية مثل البركان لا انت الي حال امورها
ولا انت الي متخلص منها نهائي الحياة نعيشها مرة وحدة لا تخلي عيشتك بيها مرة لاي سبب كان ماكو شي يستحق نعاني لاجله بالحياة
ومثل مگال الكاتب المصري
مصطفى محمود
في حياتنا البشر كالحروف البعض يستحق الرفع، والبعض يحترف النصب، وهناك من يستأهل الضم، والبقية يستحقون الكسر
BY حَانتي ألادبية♧
Share with your friend now:
tgoop.com/Shaima199/7908