tgoop.com/SamTvr/173893
Last Update:
#2yil_2mln_taqdir
Joul Qosim mahallasidagi ijtimoiy islohotlar: Yordam va natija!
Pastdarg‘om tumani, Joul Qosim mahallasida 3655 nafar aholi istiqomat qiladi. Ulardan 91 nafarini nogironligi bo‘lgan shaxslar, 43 ta oilani esa “Kambag‘al oilalar reestri”ga kiritilgan fuqarolar tashkil etadi. Ushbu toifadagi fuqarolarni aniqlash, ularga manzilli yordam ko‘rsatish va bandligini ta’minlash yo‘lida mahalladagi ijtimoiy xodim X.Abdurayimova tomonidan tizimli ishlar olib borilmoqda.
Shunday tashabbuslardan biri — mahallada yashovchi Faxriyev Shavkat va Tursunova Lobar oilasining tadbirkorlik faoliyati bilan bog‘liq. Ijtimoiy xodim ko‘magida ular milliy non, patir, pichak va to‘y nonlarini ishlab chiqarishni yo‘lga qo‘yib, oila a’zolarining bandligini ta’minlashga erishdi.
Olti oy ichida yuqori daromadga ega bo‘lgan ushbu oila tajribasidan kelib chiqib, mahalladagi “Kambag‘al oilalar reestri”ga kiritilgan ayollar uchun ustoz-shogirdlik tizimi yo‘lga qo‘yildi. Natijada 20 nafar xotin-qiz nonvoychilik sirlarini o‘rganib, o‘z oilasining qo‘shimcha daromad manbaiga ega bo‘lishiga erishdi.
Bugungi kunda ushbu mini loyiha orqali 6 ta oila doimiy daromad manbayiga ega bo‘lib, “Kambag‘al oilalar reestri”dan chiqarildi. Bu kabi amaliy tashabbuslar fuqarolarning iqtisodiy faolligini oshirish, jamiyatga qayta moslashishiga ko‘maklashish va ularni mustaqil hayotga yo‘naltirishda muhim omil bo‘lib xizmat qilmoqda.
Ijtimoiy himoya milliy agentligi Samarqand viloyati boshqarmasi matbuot xizmati
https://www.tgoop.com/SamTvr
BY Samarqand TVR | MTRK
Share with your friend now:
tgoop.com/SamTvr/173893