tgoop.com/SACHANAL11/2523
Last Update:
با ئەم نووسینە، بۆ خوشکان بێت.
خوشکی ئەزیزم، بڕوات بێت، ژیانی کۆمەڵایەتی تۆش، هەروەک ژیانی کچە ڤڵۆگەرەکانە[حیجاب و غەیری]، تۆش باوک و برا و هاوسەرێکی تایبەتت هەیە، تەنها هێندەیە، ژیانی ڕۆژانەی تۆ، ڤیدیۆ ناکرێت!
ئاخر ڤیدیۆ زۆر کاریگەرە، تۆمار بە گشتی، کە نووسینی خۆم ئەبینم، یان گوێ لەدەنگی خۆم ئەگرم، بڕواناکەم هی منە و ئەوە منم!
چونکە لەتۆمارکراودا، ڕاستەوخۆ باڵاییەک و تایبەتمەندییەک دروست ئەبێت.
تۆش ڕۆژانە باوکت نازت هەڵەگرێت، براکەت هاوڕێیەتیت لەگەڵدا ئەکات، هاوسەرەکەت دڵسۆزتە، بەڵام ڤیدیۆ نییە لەشاشەیەکەوە بیبینیت.
من گلەیی لەتۆ ناکەم، ئەگەر ئەم هەستانەت بۆ دروست ببێت، بەڵام ناکرێت چارەی نەکەیت!
تەنانەت کە منیش ئەو ڤڵۆگانە ئەبینم، بۆ ساتێک خۆم بە سارد و کەمتەرخەم ئەزانم!
تا بیر ئەکەمەوە، ئێ خۆ منیش ڕۆژانە لەگەڵ خێزانمدا بازاڕی ئەکەم، ئەچینە ئێرە و ئەوێ، لەئیشی ماڵدا هاوکاریم، ڕەنگە من زیاتر لەو، بپرسم: خواردنەکەت بە دڵە! هێندە چێژ لەچێشتلێنان ئەبینم!
هەر منم دایمە خەمی خوشکەکەمە، هاوڕێیم، ڕەنگە لەسەر ئەو, دڵی دایک و باوک و براکانم ئێشاندبێت!
ئێ تاوانی من چییە، کە ئەمانە ڤیدیۆ ناکرێت، تا دونیا بزانێت، خراپ نیم!
ئەسڵەن من بەم باسکردنەش دڵخۆش نیم و هەڵەیە.
ئەمەوێت پێت بڵێم: ژیانی ڕۆژانەی تۆ و خێزانەکەت، هەروەک هی ڤڵۆگەرەکانە، ئەسڵەن هی ئەوان تەمسیل بەشێکی سەرەکییەتی.
من بچم بۆ سەیران، بە نەعل و تاک شەرواڵەوە ئەچم، حەزەکەم لەسەر ئەو خۆڵە و گیا ڕاکشێم، بۆنی دوکەڵ بگرم، بەڵام بزانم ڤڵۆگە، ئێ وەڵا ئەبێت قات و کڵاش بکەم!
بۆیە زۆر بەو دیکۆرانە فریو مەخۆ.
هاوسەرەکەی سەد دەفتەری هەیە، دوو دەفتەری بۆ داوە بە سەیارە!
باوک و هاوسەری تۆ، داهاتی ڕۆژانەی بیست هەزارە، هەمووی ئەکاتە دەستی ئێوە!
ماڵی ئەوانیش پیس ئەبێت، شەڕ ئەکەن، دەیان ڕۆژ بێ جەون!
بەداخەوە ئەبێت ئەم شتە سادانە ڕوون بکرێتەوە!
بەڵام ئەزانم چۆن ئەم ڤڵۆگەرە(حیجابانە)، بوون بە بەڵای ژیانی زۆرێک!
م. سەید عومەر
BY ئارامی دڵان
Share with your friend now:
tgoop.com/SACHANAL11/2523