tgoop.com/RewayatNeedoo/6803
Last Update:
_حاسباها كدا؟
_أقول الحقيقة؟
_قولي.
_ما نمت كويس!
_أيوة ما إتعودتي على يدي تكون مخدتك.
_طب والله حصل.
_أسي ح ترجعي متين؟
_بعدين.
_ما ح أشوفك إلاّ بعدين؟
_أيوة إشتاق لي شوية.
_يارب تضوقي شعوري دا عشان تحسي بي.
_حرام عليك عايز تبعد عني يعني؟
_حتى لو عايز ما بقدر.
_طيب قوم إشرب الشاي بتاعك ورتب الغرفة ما أجي ألقى لبستك في السرير يا عزيز.
_طلباتك أوامر.
_حلو وإنت مُطيع كدا.
_كويس لما تجي ح تشوفي الطاعة دي.
_ما تهدد عشان ما ح أرجع.
_ح تمشي وين نود ذاتا تاني ما فاضية ليك ما عندك غيري.
_للأسف ما عندي غيركم.
قفلت منه ومفروض أشوف نود دي عايزة تعمل شنو.
_________
مزرعة وسط الخرطوم..كبيرة وواسعة مزروعة شجر نخيل عالي وكم نوع من أشجار الفاكهه..منظمة بطريقة خٌرافية ورهيبة...أجواءها حلوة وتحس فيها دفأ غريب..!
طاقم التنظيم عمل الترتيبات بصورة تخلي الكل يسأل عليهم♡
الكوشة كانت عبارة عن قلب أحمر وعلى أطرافة إسم كريم ونود♡
مُُجهزين صينية الجرتق بكل أنواعها...البخور ريحته تُحفة وتخليك غصب عنك ترتاح نفسياً للمكان وأجواءهُ...
خالات نود وأمها وبناتهم كانوا لابسين اللون الأحمر وكاسرنو بفضي♡.
كُنا قاعدين أنا وعزيز في تربيزة واحدة بعيد عن الناس.. لابس بدلة مُتفصلة مقاسه وعيونو ما شايلهم عني..ُمستنية متين كريم ونُود يجوا..!
طبعاً كريم رفض أي زول يسوق العربية غيرو ورفض كمان نحضر لحظه إستلامه لنٌود ما عرفتهُ خجل ولا عوارة منهٌ😂.
_العرسان ديل إتأخروا صح!؟
دي كانت نادين جات وسألتني_والله يا ندو إتاخروا
_من الغباء إننا خليناهم براهم..عارفة ممكن ما يجوا !!
_والله مجانين وبيعملوها..لكن ما أظن ياخ..كدي ح أتصل عليهم
_طيب
خليت عزيز يتصل لكريم..رد بعد مسافة..شايفة عزيز بيضحك ساي وأنا بهز فيهُ من كتفهٌ عشان يوريني بقولو في شنو !!
_ها..قالوا وين؟
_ما ح تصدقي!
_سافروا؟
_لا ما للدرجه دي
_اها وين..وترتني
_في النيل..نُود طلبت يقعدوا هناك عشان حضرت سيادتها متوترة وعشان ده اول مكان مشوا ليهو بعد الخطوبة.
_يا إلهي..ح أتصل ازفها عشان تجي..دا ما وقت رومانسياتا دي.
_لا خليهم يا قلبي.
_يا عزيز الناس مستنية.
_وإذا !!..أنا مبسوط منهم والله
_عزيز ما جادي!
_جادي والله..هم مع بعض..نحنا ما ضروري♡
_ده المثل البقول العرس للعريس والجري للمتاعيس!
_أهو بالضبط..بس حاشانا ياخ..نحنا ما كده ههه
_أتصل بس...خليني.
_إتصلي وما أظن ترد ليك.
_أجرب.
قمت من جنبه عشان لو حصل وإنفعلت فيها..إتصلت عليها اول ما فتحت الخط
_زفتة وين إنتي !!
_يا حاسدة غرامنا.
_كريم!
_عاوزة من مرتي شنو يا زولة؟
_كريم بتبالغوا..الناس بدت تقلق عليكم.
_نحنا كويسين..وبعدين وراكم شنو إستنونا ساي.
_ياخي سخيفين والله..إتحركوا تعالوا.
_أبينا..وبعدين ما تتصلي للمدام دي تاني.
_يا شيخ..مدام من متين؟
_من كم ساعة وغصب عنك♡..تاني مكالماتك ح تتحظر..ده أنا كان بيرفضوا فيني المكالمة بسببك.
_هههه..صحبتي ما ح ترضى بالكلام ده...ح أخليها ليك يومين تفرح بيها..بس انا الأساس يا بابا.
_يا بتنا أتلهي.
نود خطفت التلفون شكلها_ننا...خلاص والله جايين
_سُررررررعة ألقاكم قدامي قبل ما أرجع.
رجعت وقعدت في مكاني...نص ساعة بالضبط وجوو..لما قُمنا عشان نستقبلهم..كنت بحاول جاهدة أبتسم بس دموعي نزلت مطر مطر...مسحتها وأنا جنب نُود...فكت يد كريم وضمتني مسافة..أظن نحنا في اللحظة دي نسينا الناس والعرس وأي شي♡
عزيز ربت على كتفي...فكيتها وإبتسمت ليها.
الجرتق إتعمل على أصولهُ والكل كان مبسوط وسعيد..غايتو حبوبة حلقها وجعها بالزغرود😂♥️
أكتر شيء لفت إنتباهي لحظه ما كريم خلا الناس دي كلها بترقص..إتخطى عماته وحبوبته ووِعاد وخالاتهُ..ومشى وِقف قدام ابوهٌ مسافة بعدين حضنوا...دموعهٌ النزلت وقتها خلتني بجد أتيقن إنو الأباء ما في زيهم..ومهما نزعل منهم بنفضل برضو نحبهم ونعزهم..وماف زعل بيدوم بين أب وولدهٌ مهما كان حجم المشاكل اللي بينهم♡
نُود كانت مبسوطة وما شايفة زول غير كريم...وليها حق♡
اللي تلقى راجل في الزمن ده زي كريم تمسك فيه قوي وما تفكهٌ خالص..الحقيقة إنهم لايقين على بعض من كل النواحي ويستاهلوا بعض بعد كل الواجهوا سوا وما ملوا ولا يئسوا...على قدر ثقتهم في ربنا ورحمته بيهم وحبهم لبعض..على قدر ما جازاهم وخلا الفرح يستوطن في قلوبهم♡...
دي كانت ليلة من أجمل الليالي العاشتها نُود..وكذلك أنا..لأنهٌ فرحتي من فرحتها♡.
إتصورنا وإتبسطنا جدًا بعدين ودعتها عشان الزمن إتأخر ومفروض بكرة وراهم سفر.
طول الطريق عزيز كان مبسوط وبعاين لي نظرة كلها حُب ما فهمت هو مُشتاق لي ولا مالو سألته
BY «عَلى الهَامِش!💛»
Share with your friend now:
tgoop.com/RewayatNeedoo/6803