tgoop.com/RewayatNeedoo/6782
Last Update:
_اللي هيا؟
_أمشي شوفيها.
_ما قادرة ياخ وماما قفلت المطبخ قول!
_خسارة جبتهم يعني.
_خلاص قايمة أشوفهم لو يرضيك بعد تعبي دا أقوم.
_خلاص هوريك.
_أها.
_فيهم شوكلاتك المُفضلة ومصاصات.
_أحلف جبت لي مصاصة؟
_مش قبل فترة قلتي نفسك فيها؟
_بكون.
_يعني ما متذكرة؟
_ناسية بس واثقة إنو كلامك صح.
_أيوة بتعرفي تصدقيني لما الموضوع يكون في مصلحتك.
_طب والله حصل.
_على كُلٍ.
_أها.
_أنا مبسوط شديد.
_بلص والله.
_إنتِ طبيعي كدا مُستنياني أعبر عشان تقولي بلص لو في شات لو في الكول؟
_عارفني بحبك بس بكسل صح؟
_لا ما عارف.
_طب والله بحبك.
_تاني.
_ياخي كفاك
_طب بتقولي:
"أُحبّك..هكذا بخمسين شدة على الباء"
ليه؟
_دا كلام جرايد ساي.
_واضح إني إتغشيت.
_بالمناسبة!
_أها..
_أنا قاعدة أكون حقيقية معاك بس لو عايز يغشوك أسي بقول ليك كلام الجرايد دا ما بغلبني.
_ومنو قال ليك أنا عايز كلام الجرايد أنا عايز أها بتاعتك دي وعايزك تقولي بلص بدل ما تعبري وعايزك تفضلي زيما عرفتك كدا ما يغيرك شي يا نُود.
_أحييييينا.
_أمشي نومي ومن بكرة بإذن الله جهزي لست بكل الحاجات العايزاها ووعاد وأسما معاك لو إحتجتي أي حاجة.
_وإنت؟
_ما فايتك شبر.. بس هكون مضغوط شوية الفترة الجاية دي فلو حصل أي تقصير ناحيتي سامحيني ♡
_مُسامحك يا حبيبي.
"ليس لديَّ مهنة أخرى في هذا العالم سوى أن أحبك.))
___
بعد مرور آيام:
عند وِعاد:
بعد بابا وافق على زواج كريم صراحة كلنا إتفاجأنا وكٌنا حاسين في حوار وراء موافقتهٌ دي..وعلى حسب إحساسنا ده جمعنا وإتكلم معانا أنا وكريم بس..
_كريم
_أيوة يا أبوي
_لو صرت آب..شنو تسوي لعيالك ؟؟
_أأمن ليهم مستقبل كويس طبعاً
_وكمان ؟؟
_ححرص يكونوا مبسوطين وامورهم طيبة
_ده كان إحساسي يوم صرت أب..إتمنيت مستقبل حلو ومستوى عالي وزيجات كويسة ليكم..لما عارضت زواجي ما زعلت ولا عاقبتك مثل ما تقول..أنا كنت أبغى أجيبلكم أم تعيني على تربيتكم
_بس...
_خليني أكمل لو سمحت...إحترمت قراركم وطلبت منكم نسافر..رفضتوا..كمان إحترمت قراركم..عشان أنا أبوكم..والوالد بعمرو ما يكون سيء..اللي ضايقني منك ما عرفت اسباب رفضي الحقيقية لعُرسك..ولا حاولت ترضيني..خطبت البنت مع خوالك وخلاص..ما اعطيتني قيمتي ك أب يا كريم.
كلام بابا حسسني وزعلني كان مكسور وهو بقول الكلام ده حتى نبرة صوته كانت حزينة.
_يا أبوي أنا قلت ليك البت كويسة وبعرفها كويس وأهلها ناس كويسين وراقيين وحتى طلبت منك تسأل عنهم عشان تطمن اكتر..بس أنت رفضت وما حاولت حتى تسمعني.
_الحابي اقولو..أنا ما اتمنالك الشر يا كريم..كنت دايما وابد أتمنالك الشيء الكويس..وطالما اصريت على هالبنت أتمنى ما تنخذل فيها♡
_إن شاء الله يا أبوي♡..مبسوط إنك غيرت وجهه نظرك عنها وعن عليتها.
_يمكن حكمي عليها عشان ما شفتها من قبل..بس لما شفتها وحادثتها قدرت أعرف وأثبت لنفسي بعض الحاجات.
_طيب الحمد لله♡
بعد بابا قام وطبع غرفتهُ..كريم ضماني فجأة.
_خنقتني يا غبي
_مبسوووط يا سجم
_دايماً يا حبيبي♡وأنا مبسوطة عشانك.
_طيب طالع انا..عاوزة حاجه
ضميته وانا بقول_ما تبعد يا كريم..وأوعدك ما أزعلك مني تاني♡وأخباري وتفاصيلي ح تكون معاك أول بأول
_وعد رجال
_رجال رجال
_ما تخليني أزعل منك تاني..أنا اخوك يا هبلة يعني مستحيل أأذيك..يعني تجي تحكي وأنتي مطمنة وفاهمه تماماً يعني شنو وِعاد بالنسبة لكريم♡
_على كده عادي ممكن اطلع ؟؟
_طبعاً ومن حقك على فكرة تختاري الوقت الح تحكي فيهُ..ما بضغط عليك إطلاقاً
_بحبك يا
_إسكيووووزمي حبيباه..تحبني مرتي بس..وبعدين زحي كده إتأخرت ياخ.
ضِحكت وفكيتهُ...باسني في راسي وطلع..عاينت لتلفوني مسااافة وأتصلت على رحيم.
_ألو
_يا إنسانة..كيفك ؟؟
_كويسة وأنت !!
_فل الفل...ثواني يا رغد بالله
_رغد !!
فجأة سمعت صوت رغد صحبتي..خطفت منه التلفون_وِعاااد..مشتاقين يا كلبة
_لحظه..ما فاهمه شيء أنا
_لو فاضية تعالي..نحنا في شارع النيل
_معاكم منو تاني !
_نحنا بس..إتحركي يلا
_طيب.
ما أنكر ولا أكذب..حسيت بشعور زي الخيانة كده من جانب رغد إنها ما كلمتني بتواصلها مع رحيم..ومن جانب رحيم برضو إنو ما جاب لي السيرة...ما لي حق أنا عارفة..بس ليه إضايقت كده..؟؟؟؟؟
__
عند إيناس:
الجو كان ممطر وواضح إنه ح تجي مطرة تقيلة..عزيز كان برة البيت..مع وقت العصرية كده الغمام ملى السماء..الغيوم عبارة عن سواد بس وصوت الرعد كان عالي ويخوف..حاولت أعتبر الوضع عادي بس الصراحة خفت...شلت تلفوني عشان أتصل لعزيز لقيت الشبكة واقعة...فجأة المطر نزل وبغزارة..بقيت خاتة يدي على قلبي بس ومستنية عزيز متين يجي...فرحت فرح لما سمعت صوت الباب بضرب بقوة...مشيت بحذر وفتحتهُ لقيت عزيز حالتهُ حالة.
_التأخير شنو يا عزيز ؟؟
_أكيد ما ح تستجوبيني على الباب وتحت المطر صح ؟؟
حسيت بالغباء..فإبتسمت ليهو ودخلنا..ونحنا ماشين على الغرفة عزيز إتزلق..ياخي قعدت أضحك ضِحك..قدر الخوف الفيني قبل يجي..بس قلبتهٌ كلهٌ ضِحك😂😂♥️.
BY «عَلى الهَامِش!💛»
Share with your friend now:
tgoop.com/RewayatNeedoo/6782