tgoop.com/RewayatNeedoo/6781
Last Update:
رجعنا البيت بعد العِشاء..كنت مُحتاجه أنوم بجد بس الكهرباء لازم تخرب مزاجي...بعد غيرنا ملابسنا فرشنا الحوش..منظر السماء كان حلو جداً..الجو مُرطب وفي هدوء غريب في المكان..كنت سرحانه في السماء لما عاينت لعزيز لقيتهُ سرحان فيني..
ضِحكت وأنا بقول_والله كنت قايلاك بتعاين في السماء
_ما سمعتي الإقتباس البقول.."كل منهما ينظر للوحة التي تعنيه"
_شفت نود كانت مبسوطة كيف !!
_في الحقيقة ما كنت مُركز مع غيرك♡..نود تستاهل كل خير
_أنا لو في حاجه ندمانة عليها..فهي حاجه واحده
_قولي الله يستر
_ههه..إني ما أستمتعت بتفاصيل عرسي
_ما مشكلة..إستمتعي في عرسي التاني
_أعملها كده وشوفني وأنا بختار كيف أموتك أنت وهي
_عنيفة خالص
_مفروض تقول لي اعمل ليك عرس تاني
_يا شيخه إحنا لاقين ناكل
بقينا نضحك...هو أي نعم الظروف صعبة علينا شويتين..بس الحصل قربنا لبعض أكتر من أول وخلانا نعرف نتمسك♡
_بكرة المواضيع دي كلها تبقى ذكريات
_أنا واثق♡..
_عارف نفسي في شنو ؟؟
_شنو !؟
_الماضي يِرجع
_طلباتك وأحلامك صعبة
_مُتذكر لما كنت بتطلب مني توصلني الجامعه وأنا برفض
_ودي حاجه تتنسي..أكتر بت طلعتي عيني
_بتعرف بنات يا عزيز ؟؟
_كنت كنت..شكلك عاوزة تنومي زعلانة وعاوزة ليك سبب
_على فكرة كنت شايفاك سغيل وللآن
_عملت شنو اسي
_ما تتكلم معاي
_يا إيناس ياخ..هو أنا كنت فاضي لنفسي لما أفضى لبنات الناس
_أيوة كده إتعدل
_عارفة كنت بضايق منك متين ؟؟
_متين !!
_لما كنت بجي لأخوانك وألقى معاكم أولاد عمك..كنتي غياظة ياخ
_إحنا بنغييير من بدررري
_وبنحب من بدري برضو♡
_ما كنت حاسة ليه ؟؟
_عشان انا ما خليت إحساسي يوصلك..بس لما حسيت إنك هتضيعي مني..جيتك♡
_أنا بس يا بختي
_كنت خايف ترفضيني
_وافقت عشان وضعك خلي بالك
ضِحك_وشوفي وضعي أسي
ضِحكت_أحلى وضع والله..أنا معاك في كل الأحوال ومستحيل أتخلى.
_ما عشان بتحبيني في المقام الأول..عشان أنتي في الأصل بت ناس وبت أصول♡
قام وباسني في راسي..عزيز قادر يحتويني بكلمة بسيطه..عمرهٌ ما كسر بخاطري..دايماً لطيف وردودهٌ لطيفة..حتى وقت الزعل بيعرف كيف يكسب قلبي ويخليني ما أزعل منه لفترات طويلة...الإنسان وبعد عدة تجارب بالفم المليان ممكن يقول: أنا أخترت صح♡..الزواج منظومة كبيرة جداً وقدر ما يتحكى ليك عنها ما زي لما تعيش التجربة براك وتواجه كل التحديات والصعوبات..لازم تختار شريك حقيقي..الفستان ح يتلبس ساعة وخلاص..الصالة والحفلة والمعازيم كل ده ح يكون سراب...من الهيصة دي كلها ح يكون معاك الإخترتي وبس..عشان كده ما تستعجلوا وإختاروا صح..أنا يمكن في الأول اخترت عزيز لاسباب في نفسي..بس بعد عشت معاهو وبقى لي حرية إني أكمل..فأخترت أكمل لأني حبيته والبحب ممكن يتقبل كل حاجه قصاد إنو بس يفضل مع حبيبهٌ♡.
___
"مكالمة من "💙🌏🪐"
_خطيبة كريم الزمراوي.
_ما قلبي ولا حاجة.
_والله؟
_أييييا.
_طيب أراضيكِ كيف؟
_إنت من البداية مُزعلني ليه؟
_ما بيدي والله.
_طيب صدقتك.
_بالسرعة دي؟
_أرجع أزعل يعني؟
_لالا كله ولا زعلك.
_بس برضو زعلانة منك ما تقول عشان بتكلم معاك معناها ما مُخاصماك.
_ضحك..أسي زعلانة ليه؟مش الموضوع الموترك خِلص!؟
_أنا يتقال لي ما تتصلي لي؟وكمان سافهني من الصباح.
_ما إنتِ بس ما عارفة البي.
_كريم كنت تتكلم من بدري إنكم جايين في داعي للتوتر دا.
_أبوي فجأة قرر يجي لأبوك وأنا زي زيك كدا إتفاجأت بالموضوع واول ما عرفت إتصلت ليك كلمتك.
_أقنعته كيف؟
_ما أقنعته ولا إتكلمت معاه ناداني سألني شوية أسئلة وبعدها قال لي أرجع بدري عشان نمشي لأبوها بعدين.
_أنا ليه ما مُصدقاك؟
_أحلف ليك؟
_لا خلاص ما بحتاج بس كأنه الموضوع وراه إنْ.؟
_في الحلقة الأخيرة هنطلع خاطفينك يعني؟
_كان جادي شديد وهو بتكلم بقيت أضحك.
_بتصحي النايمين أسكتي.
_طيب أسي 24يوم دي تلحق لشنو؟
_ما عايزين عرس زحمة حاجة بسيطة بس بيناتنا وما عايزين فعاليات كتيرة ومشي سوق وجرجرة هنسافر وتشتري كل العايزاه من هناك..وبالنسبة للمناسبة هتكون في مزرعة ونعمل أوت دور ونخلص من الهم دا.
_بالنسبة لإنك بتخطط براك.
_أبهريني طيب!
_لا أنا أساسًا راي من رايك ساي بس بلفت إنتباه.
_ما هسألك خالص.
_ولا هتقدر.
_فصاحتك دي حدها قريب.
_أيوة هددني كمان..أساسًا الضامنك بهددك.
_سيبك من التهديد عايز أقول ليك كنتِ حلوة وإنتِ متوترة كدا.
_كله بسببك.
_إنتِ على طول بتتوتري كدا؟
_أيييا أنا أصلًا بتنفس توتر.
_ياخي فكك شوية يعني لسة هتفضلي زعلانة؟
_مُلاحظ إنك ما راضتني وبتفتح مواضيع؟
_طيب إنتِ شُفتي أنا جبت ليك شنو؟
_الحاجات الجبتها دي لي؟
_ما كلها ليك فيها حاجة واحدة بتخصك.
BY «عَلى الهَامِش!💛»
Share with your friend now:
tgoop.com/RewayatNeedoo/6781