tgoop.com/RewayatNeedoo/6737
Last Update:
#عزيزُ_قلبي "17"
"أنظر إلى عيني
أدليلًا آخر تريد ؟"
___
صباح يوم آخر :
((صباح الخير..أنا طالع الشغل..ده آخر شهر في السنة..وعد مني بدايتهُ هنكون سوا♡.
_نص ثقتك دي بس
_إتفائلي يا بتنا
_عمري ما فقدت الأمل إنو زواجنا يتم على خير..بس بقيت أشوف الموضوع هيطول وياخد وقت
_هتستني ولا هتمشي !!
_لو عاوزة أمشي كنت مشيت من البداية.
_ياريتك تشوفي إبتسامتي أسي
_صورها لي بس ما حنك
_خليك عندك حس خيالي شوية
_المهم المهم
_من بعدك
_بقيت رومانسي يا ولد..إتعدل أحسن
_يعني كده وب..كده وبيين.أسوي ليك شنو أنا ؟
_حِبني في العلن فأنا لستُ خطيئة
قعد يضحك_أكتر من ألبسك دبلة أحبك كيف تاني؟
_أعزمني شاورما سوري
_تصلك في مكتبك مع ورد أصفر
_زولي زولي
_نُود
_خلاص يلا..يوم سعيد♡
صحصحت شوية وإتصلت على إيناس..كنت عارفة إنهم رحلوا لمكان تاني وهيكون صعب عليها توصل بدري زي كل مرة..إتفاجأت لما قالت لي إنها وصلت من رُبع ساعة ومستنياني.
_نُود بالله عليك جيبي تومية وبطاطس نفسي فيهم
_كريم عازمني شاورما سوري..مُفلسة عيني طالعة!
_لا يختي إتصرفي
_على حسب!
_طيب قومي جهزي نفسك
_نص ساعة وهتلقيني في وشك
_نشوف
قفلت منها وقُمت جهزت نفسي..غالباً المقالات حقت الأسبوع ده هتكون عن آخر سنة والناس طلعت بشنو من السنة كلها والتفاصيل دي..!
عن نفسي كُل سنة طالعة ب ننا♡
وده أفضل شي على الإطلاق.
_____
_صباح الخير يُمة أصبحتوا عافية
_عافية يا ولدي
_وِعاد ما عندك كُلية اليوم؟
_لالا ما عندي..
_وينها أسماء ؟؟
_في المطبخ..أناديها ليك
_أي يُمة
وِعاد مشت نادت عمتها وجات
_صباح الخير
_عندك رقم أبوها لخطيبته ؟
_خطيبة منو ؟؟
_كريم..منو غيرهٌ
_هجيبوا ليك.. إتكلمت بحماس زي الشُفع.
_الله يشفيكم..إتحرك مشى.
هو يمكن أبوه لكريم الظاهر عليه صعب وقاسي بس في النهاية هو أب ومن جواه في غريزة بتخليه يحب أولاده ويخاف عليهم ويفكر في مصلحتهم حتى لو ما في زول إتفهم الحاجة دي بس هي مُبرر كافي لتصرفاته ومُقتنع بيه جدًا وما من حق أي شخص يشكك فيه.
_____
((قاعد على النيل..جيتِ على بالي قلت أعزمك قهوة لو تحبي♡))
_بتحب القهوة !!
_ما حب..بس تعويدة
_كان نفسي أجي
_والمانع ؟؟
_المرة دي ما نفسي أخون كريم
_كريم ؟؟
_أخوي..كفاية الحصل ونظرته لي
_مُتفهم
_زعلان ؟؟
_لا بالعكس..مُحتَرِم قرارك♡
_رحيم
_قولي
_إنتبه على نفسك
إبتسم_حاضر يا وِعاد
__
_يعني عزيز تاني هيتبهدل بالمواصلات؟
_رفض ياخد العربية!
_يا حليلووو..سألت كريم أمس عنهٌ
_قِدر يقنعهُ ؟؟
_لا راجلك دماغهُ ناشفة
_حصل..هتزوريني متين ؟؟
_بعد أعرس.
_يا شيخه..معناها ما هتزوريني.
_حرااام عليك ياخ...
_بهظر بهظر...يارب افرح بيكم قريب
_أبوهٌ جاا
_كذااااابة
_والله جد..بس بيني وبينك هعتبر دي آخر فرصة..لو ما وافق هطلب من كريم نفسخ الخطوبة.!
_يعني كأنك بتتخلي ؟؟
_لا والله...بس هو من حقه يشوف حياتهٌ..وبعدين يمكن مافي نصيب أساساً وإحنا بس بنعافر على الفاضي!
_ربك يسهلها ما تشيلي هم
_ده المٌصبرني لحد الآن..خلينا من قصصنا الميتة دي..كتبتي شنو؟
_يدوب بادية أكتب إنجازاتي الشخصية.
_حلو طيب..أخلص النسكافيه وهبدأ.
بعد ساعتين خلصوا كتابة وكريم إتصل لنُود
_يا سِت البنات.
_ها.
_ممكن تتكرمي وتنزلي تحت 5دقايق.
_واقف تحت؟
_أيوة ومنتظرك من قبيل.
_طيب جاية.
صلحت طرحتي وننا كانت بتعاين لي نظام هي مصلحة بتصلحي فيها شنو ..فهمتها طوالي قعدت أضحك.
_غايتو نفسي أعرف بتحسي بشنو لما بتضحكي كدا براك؟
_حاجات بتتحس مبتتقالش.
_أمشي جيبي الفطور وما تتأخري.
_بحاول.
_نُود انا جعانة أرحميني.
_أكلي البسكويت داك لما أجي.
_نزلت بحماس..أنا بحب أشوف كريم..بحب الإحساس اللي بحسه لما ألاقيه..بحب عطره ولون قميصه والأغنية اللي بشغلا في عربيته وطريقة كلامه..!
بحبه كله.. وكل حاجة متعلقة بيه..ببقى مبسوطة لما أتذكر إنه موجود في حياتي!
طلعت لقيته مستني في الباركن..طلع فتح لي الباب..برضه بحب الحركة اللي البتخطف القلب دي!
_لا دا صباح الخير بجد.
_على قول حبيبنا درويش:
"الصباح الذي لا تسمع فيه صباح الخير ممن تُحب يبقي ليلآ حتى إشعار أخر ))
_وأنا بقول الصباح الما بشوفك فيه دا ما يتحسب من صباحاتي ♡
_ذكرتني لما كُنت بقول لننا نزل في هندسة أشوفه عشان أفهم المحاضرة.!
_يا ريت أيام هندسة ترجع!
_حقيقي نفسي نرجع الجامعة وقتها كان أخر همي أقنع ننا أجي عشان أشوفك.
_وأسي أنا مُقصر معاك ما قاعد أشوفك كل يومين تلاتة.
_ما كفاية!
_قلتي ما كفاية؟
_ياخي ياخ ما تركز.
_طيب إنتِ يومي بتكوني حلوة كدا ولا الليلة بس؟
_يوم أشوفك بس ♡
BY «عَلى الهَامِش!💛»
Share with your friend now:
tgoop.com/RewayatNeedoo/6737