tgoop.com/RewayatNeedoo/6724
Last Update:
_ما تتصلي في الزفت ده فاهمه ولالا
_كريم الله يخليك..خليني أشرح ليك ونتكلم
_هنتكلم في شنو..الولد الأنتي دافعة كل مصروفك عليه..ده الكنتي عشانهُ بتطلبي مني قروش بالهبل وبديك بدون اسأل ح تعملي بيها شنو !؟...هنتكلم عن جرجرتك من قسم لقسم ولا عن بكاك ليهو كل مرة عشان يرجع ليك !؟..ليه رخصتي نفسك للدرجه دي يا وِعاد ليه !؟...خليك عارفة أنا لو لميت فيهُ بقتلهُ..
قفلت الخط في وشها....إستغفرت ورجعت البيت لقيت حبوبة نايمة..دخلت غرفتي وقفلت علي الباب..عاينت في صورة أمي دموعي نزلت بدون احس..وقفت قدامها عاجز...أنا اول مرة أحس إني فشلت في مهمتي ومسؤوليتي إتجاه وِعاد.
__
"صباح اليوم الثاني"
"عند إيناس"
كنت مستغربة تصرفات عزيز..بس ابداً ما سألته تاني..صحيت الصباح لقيتهُ ماف..عاينت للساعة لقيتها 8 وربع..قمت بسرعة جهزت نفسي وطلعت على شغلي..قابلت المدير أول حاجه ويا الله إتخارجت منو..بس الزهجو زيادة إنه أنا جيت ونود غابت..دخلت مكتبي بعد ما طلبت قهوتي..كنت قاعدة محتارة ح أكتب شنو وأبدأ كيف..وفي نفس الوقت بفكر في عزيز ومفروض أتصرف كيف الفترة الجاية..جاا على بالي إقتباس لطيف عن فراق الحبيبة فطوالي بديت بيهو كتابة المقال♡
ـ بلا صوتٍ ولا عنوان
ولا حضنٍ ولا تلويحة
بارِدة وقاسيّة..!
كانت مرحباً كالياسمينِ
علىٰ جدائِل الربيع
والآن وداعًا
كالكافورِ علىٰ الجنائز 🖤.
المقال كان ممتاز حسب تقييم المستر..طلعت طوالي بعدها ورجعت البيت..إتصلت على نُود.
_ها طمنيني..إن شاء الله إتكلمتوا !؟
_لا ما أتصلت عليهُ
_ليه يا نٌود بتبالغي
_ما هيرد علي
_أقلاها أتصلي..ما تبقي سغيلة كده
_هو جاي اساساً يسوق وِعاد..لو رضى يسمعني هتكلم معاهو
_كريم طيب ومتفهم..إن شاء الله الوضع ما يتأزم
_إن شاء الله..كنتي عاوزاني في شنو انتي!؟
_أنا ؟؟ لا ولا شيء...حابة أتونس معاك بس..إشتقت ليك♡
_أروق بس من كل ده وبجيك لحدي عندك
_طيب تمام
قفلت منها وبعدها قررت لو عزيز جاا وإتكلم معاي وفهمني هو بيعمل كده ليه يكون أهلًا وسهلاً..ما وضح حاجه..هعاملو زيو زي الغريب...مشيت غيرت ملابسي وعملت لي وجبة خفيفة..فتحت التلفزيون وبقيت أتفرج على برنامج طبخ.
___
عند نود:
جهزت مع وِعاد شنطتها وبقينا قاعدين مستنين كريم..شوية وسمعنا صوتهُ برة.
_هطلع ليهو طوالي
_أنتي غبية..خليني اطلع انا..أساساً ماما ما هتخليكم تطلعوا الاتنين إلا تفطروا.
طلعت خليتها..أول ما كريم شافني..نزل عيونه..كان بتونس وبضحك مع ماما..بس واضح تصنع وتمثيل عشان ما يتكشف.
_تعالي يا نُود نجهز الفطور
_طيب
ماما قامت ومشت المطبخ..قعدت قصاد كريم بحاول القى كلمات مناسبة تتقال..حسيت لساني إتربط.
_كريم
_.........
_أنا عارفة العملتهُ وِعاد غلط..وإني وقفت معاها بدون أكلمك برضو غلط..بس خت نفسك مكاني
_وأنتي ما ختيتي نفسك مكاني ليه ؟؟..نُود الأفضل نسكت..عشان ما أزعلك مني.
_زعلني أنا راضية..بس ما تسكت كده وتعاملني بالطريقة دي..أنا ما عدوتك ولا حتى برضى في وِعاد الشينة..بس ما كنت قادرة أتصرف غير كده..عاقبني بأي شيء يا كريم..إلا بُعدك وسكوتك.
_يا بت يا نود
_جاية جاية
قمت ومشيت المطبخ...جهزنا الفطور وطلعناهٌ بره..وِعاد رفضت تاكل..أنا كنت باكل مجاملة بس..حتى كريم باين عليه ما عايز يحسس ماما بشيء..بعد خلصنا..طلب من ماما تنادي وِعاد..كان بتجاهل وجودي بالواضح...وِعاد طلعت وهي جارة شنطتها..حسيتها خايفة ومكسورة ومقهورة شديد.
_يلا يا جماعة نمشي نحنا
_هيااا ولدي كنت تخليها معانا شوية
_بتجيكم مرة تانية يا خالة هدى...يلا سلام عليكم
مسك الشنطة من وِعاد وطلع قدامها.. !
__
عند إيناس:
مساء اليوم نفسه:
كنتَ ماسكة تلفوني وبتصفح لما عزيز جاا داخل وباين عليه الإرهاق.
_مساء الخير
_مساء الخير
_الغداء شنو !؟
_ما عملتَ غداء
_تمام
دخل الغرفة..قلبي وجعني على معاملتهُ دي..بعد مسافة لِحقته لقيتهُ نايم..حسيت بالذنب إنو عندو سكري ويمكن من الصباح ما آكل حاجه..مشيت المطبخ وعملتَ ليهو حاجه ياكلها...بعد جهزت الأكل وظبطت السفرة...مشيت صحيتهُ
_إيناس خليني نايم
_لا الاكل جاهز..أُكل وبعدها نوم لبكرة
_ما عاوز
_عزيز بطِل دلع
_ما دلع ولا شيء..بس ما عاوز
_عزيز
_أيوة
_أنا زعلتك في شيء ؟!
_لا
_طيب في شنو
_في شنو ؟؟.
_كيف في شنو..أنت شايف معاملتك من أمس لليلة دي طبيعية..لو شايفها طبيعية..فخلاص اوكي ماف شيء
كنت قايمة..مسكني من يدي وقعدني جنبه.
_شوية مشاكل بس في الشغل
_وما بتحكي ليه !؟..ده إتفاقنا يعني ؟؟
_..........
_عبد العزيز...عشاني خليك صريح معاي ووريني في شنو ؟؟
عاين لي مسافة وبعدها بدا يحكي.
____
عند كريم:
BY «عَلى الهَامِش!💛»
Share with your friend now:
tgoop.com/RewayatNeedoo/6724