tgoop.com/RewayatNeedoo/6722
Last Update:
_عزيز كُنت وين؟
_مع أصحابي شوية.
_بتبالغ طيب كلمني أقلاها رد على مكالماتي.
_قاعد مع الشباب وما إنتبهت لي التلفون.
_طيب اخت ليك تاكل؟
_شربت قهوة أسي..كمان الكهربا قاطعة.
_قطعت من ساعة كدا.
_عندي شغل شوية حدخل غرفة المكتب أخلص منه هتعملي شنو؟
_هتصل لماما نتكلم شوية.
_طيب.
كنت متضايقة يعني هو ما فكر يسألني إذا أكلت أو لا وأنا مستنياه.. ما جا في بالو أنا كيف قاعدة من قبيل والكهربا قاطعة..ما فكر يوريني الحاصل عليه شنو وإختصرني كدا.
للحظة حسيت نفسي عايزة أبكي..معقولة يتغيير فجاة؟
معقولة دي الحياة الحلوة اللي حلمت بيها؟
لما أزعل بيظهر في نبرة صوتي ما حبيت أتكلم مع ماما حتعرفني زعلانة ونود متصلة ليها 10مكالمات ما بترد علي ولا رجعت لي والشبكة كعبة ما عارفة اعمل شنو دخلت الغرفة رقدت وبقيت أمسك دموعي ما تنزل.
__
_السلام عليكم؟
_وعليكم السلام..إتفضل!
_ما عارف هتقدري تساعديني ولا لا بس بفتش على بتين جو قبل شوية عندك فكرة هم في أي جناح؟
_وصفهم لي ممكن؟
_طولهم قريب لبعض وحدة فيهم لونا قمحي والتانية لونا فاتح القصيرة فيهم عندها لدغة في الحروف لو إتكلمت معاك.
_ايوة صح جوا ومشوا الطوارئ لو ما لقيتهم شوفهم في جناح العمليات الصغيرة غالبًا حالات الطوارئ بتتحول لجناح العمليات أخد الممر دا للنهاية على يدك اليمين.
_طيب شكرًا ليك.
وِعاد كانت مُقلقة ومدنقرة تحت وأنا ضاغطة على يدها بحاول أواسيها وأمسح دموعا كل شوية..مؤمن مشى عندو باقي إجراءات يكملا..
فجأة رفعت راسي شايفة كريم جاي علينا..!
#على_الهامش:
"لطالما شبّهتك
بالطمأنينة،
ما الذي جعل منك
شيئًا يقلقني؟"
نودين ۦٰ۪۫٭ۦ
#ننس_تمدين
BY «عَلى الهَامِش!💛»
Share with your friend now:
tgoop.com/RewayatNeedoo/6722