tgoop.com/RewayatNeedoo/6646
Last Update:
- حتمشي شغلك بالقهوة بتاعتك وقاروره المويه وأشيك وأظبط طقم عندك وابتسامتك على وشك ♥
أو هتمشي وإنت نازل من غير فطور ومُكشر وقاعد تندب حظك.. في الحالتين هتمشي الشغل.
- حتعملي شغل البيت وانتي مُشغلة حاجة تسمعيها وفاتحة الشبابيك علشان الشمس تدخل ومبتسمة وبتحتسبي الأجر.
- او حتعمليو وانتي متّقلة منه وحاسة انه عبء كبير .. في الحالتين حتعمليو .
- حتقرا وانت مشغل تطبيق بومودرورو ومانع المشتتات وبتستخدم الوان واستيكي نوتس جميلة وتستمتع بالمذاكرة.
او ح تذاكر وانت غاصب على نفسك وكل شوية تهرب وتفتح سوشيال ميديا.. في الحالتين ح تذاكر.
- ح تدخل الباص وتختار اريح كرسي ليك على الجنب اللي بيطل على الخضرة وتسمع حاجة او حتى تلعب جيم او تقرأ.
- أو تقعد متأفف من السفر وتستنى الوقت ده يخلص بأي طريقة، في الحالتين إنت حتوصل بيتك.
- حتربي عيالك وأنتي مُمتنة ان ربنا كرمك وبقيتي أم ، فتصحي بدري تصلي وتحضري الأكل وتروقي البيت وتذاكري للعيال بحُب وصبر واحتساب للأجر.
او ح تعيشي في نكد يومي وأعصابك تبوظ منك من كتر الكواريك .. في الحالتين عيالك ح يكبروا.
حياتك ح تتغير لما تفهم ان ف ايدك إنت اللي تغيرها، لما تبطل شكوى وتبدأ تعيش بحب وايجابية وتفاؤل ورضا.
جرب من الليله ومن اللحظة دي تتعامل مُعاملة جديدة مع شغلك ودراستك وأهلك وأصحابك وحتى نفسك.. وشوف الفرق.
عيش بالحب.. وإلا ح تموت بالهمّ.
والسلامُ خِتام..)) ♥
وصباح الخير حُباً أصدقائي
#بعض_من_اللُطف
BY «عَلى الهَامِش!💛»
Share with your friend now:
tgoop.com/RewayatNeedoo/6646