Warning: mkdir(): No space left on device in /var/www/tgoop/post.php on line 37

Warning: file_put_contents(aCache/aDaily/post/RewayatNeedoo/--): Failed to open stream: No such file or directory in /var/www/tgoop/post.php on line 50
«عَلى الهَامِش!💛»@RewayatNeedoo P.6634
REWAYATNEEDOO Telegram 6634
الشاعر مصطفى إبراهيم قال:

" فيه حاجات لازم علشان نعرف درجة قوتها بنكسرها ..
وحاجات لازم علشان نعرف إننا عايزنها بنخسرها ."

والكاتب محمد إبراهيم قال:

"عمرك ما هتعرف قوة الرابط اللي بينك وبين اللي بتحبه .. غير مع اول إختبار ."

دايمًا بقول إنو العلاقات الحقيقة بجد ما فيها كمية الدوبامين rush بمعنى ما كلها حب وحنية وكلام حلو طول الوقت.

طبيعي نختلف أو نتناقش وتحصل مشكلة صغيرة وممكن تكبر .. وقتها كل واحد حيعرف غلاوته عند الطرف التاني.

الموضوع ما ليو علاقة بدرجة الحب خالص .. كدا كدا حتحصل مشكلة .. !

حتى الرسول صل الله عليه وسلم حصلت مشكلة بينه وبين السيدة عائشة في الحديث المعروف،
لما دخل عليهم سيدنا أبوبكر فسمع السييدة عائشة رافعة صوتها فقال ليها:

"يا ابنة أُم رومان _وتناولها_ أترفعين صوتكِ على رسول الله؟ ."
بعدها الرسول صل الله عليه وسلم حال بينها وبين أبوبكر وصالحا ورجعوا يضحكوا.

الشاهد من القصة إن كُل البيوت فيها مشاكل .. وكُل العلاقات في حياتك حتمر بخلافات
والمشاكل جزء من طبيعة الحياة.

بالعادة لما أتناقش مع أخواتي ونزعل من بعض برجع أقول ليهم يعني أنا لو ما إتشاكلت معاكم اتشاكل مع منو .. ؟
بطبعي بمسك نفسي من زول غريب أو ما ليو صلة قرابة شديدة بي .. عمري ما عرفت أكون حقيقية غير مع الناس اللي قريبة مني شديد مرة وحدة بعرفا لقتني في موقف بعلي صوتي وبتعصب وقفت مبهورة بتعايين لي بعدها قالت لي ما كنت حصدق إنك بتكوركي وتجوطي زينا كدا شدة ما كنت بشوفك هادية.

صحبتي البنتشاكل كتير مع الأيام إكتشفت إنو هي أقرب وحدة لي .. عرفت كيف أخدا على قدر محبتا الخلتا تكون حقيقية معاي .. في كل مرة نتناقش ونزعل بنرجع ... ما مهم منو فينا بتحاول تصالح التانية بس الأهم إنو زعلا مني كان ترجمة لمشاعرا الحلوة تجاهي البتنطلع في شكل زعل نوع :

_مخاصماك ما تتكلمي معاي ليه تلفونك قافل؟

_أختيني يا زولة مش قلتي نتلاقى وموسرتيني ما تتكلمي معاي.

_أفصليني بدل ما كل شوية نحن زعلانات من بعض.

_تاني ما بتصل ليك وقت ما بتردي علي.

هي بتكون عارفة إني ما بقفل تلفوني عمدًا ولا موسرتها قصدًا ولا حأفصلا لمجرد الموقف التافه دا .. وأنا متأكدة إنها في حالة زعل بتقول أي شي بس في الحقيقة هي صحبتي البعرفا وأهم شي بعرف كيف أتعامل مع زعلا.

الخلافات البتحصل بينا كلها متذكراها وبقت سبب في إنو نكمل سوا ونحن كل وحدة عارفة التانية البزعلا شنو وكيف بترضى.

أم كلثوم عندها كوبليه يتصنف إنو أجمل ما قيل في التراضي بقول:

"وهمس لي قالي الحق عليه .. نسيت ساعتها بعدنا ليه"

ضروري الناس تقعد بعد كل مشكلة ويصافوا بعض .. !

ساعة الزعل ما تحسس الأخر إنو بكبر الموضوع لو حسيتو زعل أخدو على قدر المحبة البينكم وراضيه بعدين إتناقشوا في سبب المشكلة وكيف بتتحل بس الأهم ما تفضلوا زعلانين .. !
وقتها حتكتشف إن الخلافات ممكن تبقى ذكريات حلوة .. !
وإنو علاقتنا ببعض بتستمر مش عشان حنبطل نتشاكل ونزعل من بعض .. بتستمر عشان نحن إختبرنا قبل كدا مشاكل أكبر و إتجاوزناها سوا .. !
عشان كل مشكلة قربتنا من بعض وبقينا فاهمين بعض أكتر .. !

عشان عرفنا إننا باقين على بعض وعلى طول حختار بعض رغم أنف أي مشكلة تحصل .. ولقدام لو جات الف مشكلة حنتخاصم ونتصالح .. !

ومع كل مشكلة حنعرف قيمة بعض .. ودا الحيخلينا نكمل لأـنو عمرها العلاقات ما إتبنت على تجنب المشاكل بل العكس يا إما بتتهد أو بتقوى بعد كُل مشكلة.

#على_الهامش:

"كُل الناس تستاهل إنها تتصالح♥️."

- ~®
8👍1



tgoop.com/RewayatNeedoo/6634
Create:
Last Update:

الشاعر مصطفى إبراهيم قال:

" فيه حاجات لازم علشان نعرف درجة قوتها بنكسرها ..
وحاجات لازم علشان نعرف إننا عايزنها بنخسرها ."

والكاتب محمد إبراهيم قال:

"عمرك ما هتعرف قوة الرابط اللي بينك وبين اللي بتحبه .. غير مع اول إختبار ."

دايمًا بقول إنو العلاقات الحقيقة بجد ما فيها كمية الدوبامين rush بمعنى ما كلها حب وحنية وكلام حلو طول الوقت.

طبيعي نختلف أو نتناقش وتحصل مشكلة صغيرة وممكن تكبر .. وقتها كل واحد حيعرف غلاوته عند الطرف التاني.

الموضوع ما ليو علاقة بدرجة الحب خالص .. كدا كدا حتحصل مشكلة .. !

حتى الرسول صل الله عليه وسلم حصلت مشكلة بينه وبين السيدة عائشة في الحديث المعروف،
لما دخل عليهم سيدنا أبوبكر فسمع السييدة عائشة رافعة صوتها فقال ليها:

"يا ابنة أُم رومان _وتناولها_ أترفعين صوتكِ على رسول الله؟ ."
بعدها الرسول صل الله عليه وسلم حال بينها وبين أبوبكر وصالحا ورجعوا يضحكوا.

الشاهد من القصة إن كُل البيوت فيها مشاكل .. وكُل العلاقات في حياتك حتمر بخلافات
والمشاكل جزء من طبيعة الحياة.

بالعادة لما أتناقش مع أخواتي ونزعل من بعض برجع أقول ليهم يعني أنا لو ما إتشاكلت معاكم اتشاكل مع منو .. ؟
بطبعي بمسك نفسي من زول غريب أو ما ليو صلة قرابة شديدة بي .. عمري ما عرفت أكون حقيقية غير مع الناس اللي قريبة مني شديد مرة وحدة بعرفا لقتني في موقف بعلي صوتي وبتعصب وقفت مبهورة بتعايين لي بعدها قالت لي ما كنت حصدق إنك بتكوركي وتجوطي زينا كدا شدة ما كنت بشوفك هادية.

صحبتي البنتشاكل كتير مع الأيام إكتشفت إنو هي أقرب وحدة لي .. عرفت كيف أخدا على قدر محبتا الخلتا تكون حقيقية معاي .. في كل مرة نتناقش ونزعل بنرجع ... ما مهم منو فينا بتحاول تصالح التانية بس الأهم إنو زعلا مني كان ترجمة لمشاعرا الحلوة تجاهي البتنطلع في شكل زعل نوع :

_مخاصماك ما تتكلمي معاي ليه تلفونك قافل؟

_أختيني يا زولة مش قلتي نتلاقى وموسرتيني ما تتكلمي معاي.

_أفصليني بدل ما كل شوية نحن زعلانات من بعض.

_تاني ما بتصل ليك وقت ما بتردي علي.

هي بتكون عارفة إني ما بقفل تلفوني عمدًا ولا موسرتها قصدًا ولا حأفصلا لمجرد الموقف التافه دا .. وأنا متأكدة إنها في حالة زعل بتقول أي شي بس في الحقيقة هي صحبتي البعرفا وأهم شي بعرف كيف أتعامل مع زعلا.

الخلافات البتحصل بينا كلها متذكراها وبقت سبب في إنو نكمل سوا ونحن كل وحدة عارفة التانية البزعلا شنو وكيف بترضى.

أم كلثوم عندها كوبليه يتصنف إنو أجمل ما قيل في التراضي بقول:

"وهمس لي قالي الحق عليه .. نسيت ساعتها بعدنا ليه"

ضروري الناس تقعد بعد كل مشكلة ويصافوا بعض .. !

ساعة الزعل ما تحسس الأخر إنو بكبر الموضوع لو حسيتو زعل أخدو على قدر المحبة البينكم وراضيه بعدين إتناقشوا في سبب المشكلة وكيف بتتحل بس الأهم ما تفضلوا زعلانين .. !
وقتها حتكتشف إن الخلافات ممكن تبقى ذكريات حلوة .. !
وإنو علاقتنا ببعض بتستمر مش عشان حنبطل نتشاكل ونزعل من بعض .. بتستمر عشان نحن إختبرنا قبل كدا مشاكل أكبر و إتجاوزناها سوا .. !
عشان كل مشكلة قربتنا من بعض وبقينا فاهمين بعض أكتر .. !

عشان عرفنا إننا باقين على بعض وعلى طول حختار بعض رغم أنف أي مشكلة تحصل .. ولقدام لو جات الف مشكلة حنتخاصم ونتصالح .. !

ومع كل مشكلة حنعرف قيمة بعض .. ودا الحيخلينا نكمل لأـنو عمرها العلاقات ما إتبنت على تجنب المشاكل بل العكس يا إما بتتهد أو بتقوى بعد كُل مشكلة.

#على_الهامش:

"كُل الناس تستاهل إنها تتصالح♥️."

- ~®

BY «عَلى الهَامِش!💛»


Share with your friend now:
tgoop.com/RewayatNeedoo/6634

View MORE
Open in Telegram


Telegram News

Date: |

2How to set up a Telegram channel? (A step-by-step tutorial) Earlier, crypto enthusiasts had created a self-described “meme app” dubbed “gm” app wherein users would greet each other with “gm” or “good morning” messages. However, in September 2021, the gm app was down after a hacker reportedly gained access to the user data. Some Telegram Channels content management tips How to Create a Private or Public Channel on Telegram? 5Telegram Channel avatar size/dimensions
from us


Telegram «عَلى الهَامِش!💛»
FROM American