«عَلى الهَامِش!💛»

#مُقتطفات.
"15"

برجع وأقول شعور الإحتياج هو أساس العلاقات ..!
أنا متمسكة بيه عشان ما قارة أكون مع غيرو ..
رغم كل شي بيعملو هو الوحيد البعرف أمشي ليو وأنا زعلانة وأنا فرحانة.
بس أنا لو مشيت هو ما حيعرف يفرح أنا متأكدة إنو بعصبيتو دي الدنيا حتضلم في وشو.

مرة وحدة قالت لي:
إتناقشت نقاش حاد مع راجلي لدرجة إتدخلوا أهلي وأصروا علي ما أقعد معاه بس انا ما عايزة أرجع معاهم وما قادرة أقنعهم بوجهة نظري أعمل شنو؟

اول سؤال جا في بالي إنو هي كيف إتناقشت معاه وزعلانة منو وكلمت أهلها وإستعانت بيهم ولسة عايزة تفضل معاه.

فقالت لي كلام غريب شديد:
"يا نود دي كانت لحظة زعل ياخ وإحنا الإتنين عصبيين ومتهورين بس هو ما كدا ما حيعرف يعدي الأيام دي براه دا بصحى نص الليل يصحيني عشان يشرب موية .. ما حصل يوم قام بدري للشغل لو أنا ما صحيتو مممكن يتأخر .. ما بيعرف ياخد قرار بدون ما يسمع راي فيه .. لو ختينا الأكل ما بيعرف يسكت لحظة حتى اللقمة في خشمو هو بيرغي .. لما يكون زعلان بتحمق وبتكلم كتير .. تخيلي بتصل لي وهو بفتش حاجة في المكتب وبزهج عشان ما لاقيها؟
طب أنا لو مشيت الحيحصل شنو؟

بطبعي زولة عصبية وما بعرف أتعامل مع زول مزعلني وفي لحظة زعل ممكن أمشي بدون ما أتلفت بس بعدين بفكر إنو الشخص دا بجد قادر يكمل بدوني عادي؟ معقولة ما محتاج لي؟ للدرجة دي وجودي ما مهم؟
وقتها بعرف عمق العلاقة البينا.


وحدة من أساسيات نجاح أي علاقة إنو تكونوا مكملين لبعض .. مهما كنت مستقل في حياتك وقادر تعمل لنفسك اي شي حيجي شخص ويحسسك إنو كان الحاجة دي ما حتكمل بدونو .. ما عايزة أقول إنو حيكون الشخص الصح بس حيحصل إستثناء من النوع دا في وحدة من علاقاتك.

محتاج ليك معناه = وجودك بفرق معاي.
=عايزك هنا جنبي حتى وقت الخصام.
=ما تبعد.
=ما حأعرف أملا مكانك.

في لحظات الخصام بتظهر مكانتك الحقيقية ..
حتعرف قيمتك عند الطرف الأخر ..
حتقدر تحدد إذا الشخص دا وجودو مهم ولا لازم فايدة.

لما سألتها إنتهيتوا على كدا؟
ردت لي رد مختصر :
هو ما محتاج لي عندو البيملوا عليو حياتو.

وحدة تانية بكل حزن قالت لي:
مرة شخص حسسني إنو محتاج لي من وقتها ما قادرة أعاملو بقسوة .. كل ما أحاول أقسى برجع وأقول لنفسي ياخ مشيها براك عارفة إنو ما عندو غيرك لحد ما جات لحظة حسيت إنو خلاص ما بقيت فارقة لحظتا مشيت .. لسبب واحد كنت عايزاه يزح الشك ويتمسك بي بس ما حصل مش بقولوا يا نُود:
"الإنسان يشعر بمن توقف عن حُبه؟"
بس أنا حسيت كدا عايزاني أقعد ليه وهو بطل يحتاج لي؟

حضرت شخصين بعاتبو بعض تكاد تكون دي أقسى طريقة عتاب مرت علي:
-أحكي في شنو؟
=مافي حاجة.
-ما كان نفسي نصل لهنا.

بس كدا ..
تلاتة كلمات ..
بهذه البساطة والوجع .. !

مافي حاجة = ما عايز أحكي ليك.
ما كان نفسي نصل لهنا في الحقيقة معناها:
يعني ما بقيت الشخص اللي بتجي تحكي ليه؟
للدرجة دي علاقتنا بقت باهتة؟
هانت الأيام عليك؟

وإنتهينا على كدا.

#على_الهامش:
"اخترت أن تغادرني كشيء لا يخصك
كأنني لم أكن يومًا ما تعنيه حياتك.))

#نُوودين_بتْ_مِنْ_حُبّ

❤4👍4

www.tgoop.com/RewayatNeedoo/6622

2.79K views💛نوودين 🐣, Jun 18, 2022 at 22:25

#مُقتطفات.
"15"

برجع وأقول شعور الإحتياج هو أساس العلاقات ..!
أنا متمسكة بيه عشان ما قارة أكون مع غيرو ..
رغم كل شي بيعملو هو الوحيد البعرف أمشي ليو وأنا زعلانة وأنا فرحانة.
بس أنا لو مشيت هو ما حيعرف يفرح أنا متأكدة إنو بعصبيتو دي الدنيا حتضلم في وشو.

مرة وحدة قالت لي:
إتناقشت نقاش حاد مع راجلي لدرجة إتدخلوا أهلي وأصروا علي ما أقعد معاه بس انا ما عايزة أرجع معاهم وما قادرة أقنعهم بوجهة نظري أعمل شنو؟

اول سؤال جا في بالي إنو هي كيف إتناقشت معاه وزعلانة منو وكلمت أهلها وإستعانت بيهم ولسة عايزة تفضل معاه.

فقالت لي كلام غريب شديد:
"يا نود دي كانت لحظة زعل ياخ وإحنا الإتنين عصبيين ومتهورين بس هو ما كدا ما حيعرف يعدي الأيام دي براه دا بصحى نص الليل يصحيني عشان يشرب موية .. ما حصل يوم قام بدري للشغل لو أنا ما صحيتو مممكن يتأخر .. ما بيعرف ياخد قرار بدون ما يسمع راي فيه .. لو ختينا الأكل ما بيعرف يسكت لحظة حتى اللقمة في خشمو هو بيرغي .. لما يكون زعلان بتحمق وبتكلم كتير .. تخيلي بتصل لي وهو بفتش حاجة في المكتب وبزهج عشان ما لاقيها؟
طب أنا لو مشيت الحيحصل شنو؟

بطبعي زولة عصبية وما بعرف أتعامل مع زول مزعلني وفي لحظة زعل ممكن أمشي بدون ما أتلفت بس بعدين بفكر إنو الشخص دا بجد قادر يكمل بدوني عادي؟ معقولة ما محتاج لي؟ للدرجة دي وجودي ما مهم؟
وقتها بعرف عمق العلاقة البينا.


وحدة من أساسيات نجاح أي علاقة إنو تكونوا مكملين لبعض .. مهما كنت مستقل في حياتك وقادر تعمل لنفسك اي شي حيجي شخص ويحسسك إنو كان الحاجة دي ما حتكمل بدونو .. ما عايزة أقول إنو حيكون الشخص الصح بس حيحصل إستثناء من النوع دا في وحدة من علاقاتك.

محتاج ليك معناه = وجودك بفرق معاي.
=عايزك هنا جنبي حتى وقت الخصام.
=ما تبعد.
=ما حأعرف أملا مكانك.

في لحظات الخصام بتظهر مكانتك الحقيقية ..
حتعرف قيمتك عند الطرف الأخر ..
حتقدر تحدد إذا الشخص دا وجودو مهم ولا لازم فايدة.

لما سألتها إنتهيتوا على كدا؟
ردت لي رد مختصر :
هو ما محتاج لي عندو البيملوا عليو حياتو.

وحدة تانية بكل حزن قالت لي:
مرة شخص حسسني إنو محتاج لي من وقتها ما قادرة أعاملو بقسوة .. كل ما أحاول أقسى برجع وأقول لنفسي ياخ مشيها براك عارفة إنو ما عندو غيرك لحد ما جات لحظة حسيت إنو خلاص ما بقيت فارقة لحظتا مشيت .. لسبب واحد كنت عايزاه يزح الشك ويتمسك بي بس ما حصل مش بقولوا يا نُود:
"الإنسان يشعر بمن توقف عن حُبه؟"
بس أنا حسيت كدا عايزاني أقعد ليه وهو بطل يحتاج لي؟

حضرت شخصين بعاتبو بعض تكاد تكون دي أقسى طريقة عتاب مرت علي:
-أحكي في شنو؟
=مافي حاجة.
-ما كان نفسي نصل لهنا.

بس كدا ..
تلاتة كلمات ..
بهذه البساطة والوجع .. !

مافي حاجة = ما عايز أحكي ليك.
ما كان نفسي نصل لهنا في الحقيقة معناها:
يعني ما بقيت الشخص اللي بتجي تحكي ليه؟
للدرجة دي علاقتنا بقت باهتة؟
هانت الأيام عليك؟

وإنتهينا على كدا.

#على_الهامش:
"اخترت أن تغادرني كشيء لا يخصك
كأنني لم أكن يومًا ما تعنيه حياتك.))

#نُوودين_بتْ_مِنْ_حُبّ

BY «عَلى الهَامِش!💛»