tgoop.com/Real1_story/28986
Last Update:
البـارت 54 ⚡️
وحــوش لا تعــرف الحُــب
👌🏻👇🏻 😍
📚 https://www.tgoop.com/Real1_story🇾🇪
بعد مرور شهر من العزاء
رجعوا امريكا يدرسوا والاجواء عاديه والاغلب حزينين
عند لطفيه
كانت جالسه تفكر بكلام مرام وكلامها بيرن في اذنها جلست تفكر وفي الاخير اتخذت قرارها بزت تلفونها واتصلت لعلي
علي:الو
لطفيه:السلام عيكم
علي:وعليكم السلام من معي
لطفيه:انا لطفيه مرت ابوك
علي اشمئز منها وتذكر كيف كانت تعاقبه هو واخته وهم صغار وغمض عيونه بالم:هااااااااا لطفيه بنت محمود علي
لطفيه :ايوه بنت محمود علي
علي:ها خير ما تشتي
لطفيه:اخوك قد له ١١يوم من يوم ما مات واختك قد لها شهرين ولا بسرناك ولا في موت واحد منهم ما سرت الا المقبار فقط هذا الذي جيت فيه
علي:انا ماجيت الموت علشان مشتيش مشاكل معش ولا اشتي تبدعي بنا قدام الناس اتذكري ما قد فعلتي وما سويتي بنا انا واختي نبيله وارجعي اتحاكي
لطفيه زعلت:انا اشتيكم تسامحوني الله عاقبني يا ابني وانا لقيت عقابي في الدنيا وانا شويه واموت انا فيني فشل كلوي الله اخذ بعقابي يا ابني اشتيك الان انت ونبيله اختك تسامحوني ونرجع عائله واحده وتنتبه لاختك حنان واختك ايمان ما عاد باقي لهن في الدنيا الا انت اخوهن الكبير سندهن وعزوتهن ما انا قد شكلي شاموت قريب
علي اتاثر:انا سامحتش من زمان ومادام الله عاقبش وخلاش تعرفي غلطش انا عتجي اليوم عندكم انا وجهالي ومرتي ونتسامح
لطفيه فرحت:صدق عتجي انت وجهالك ومرتك ونبيله عتجي
علي:والله مادري ما نبيله ازيد ابسرها هل هي عتسامحش او لا شاسير لا عندها الان واحاكيها
لطفيه:الله يحفظك يابني الله يدي لك مافي نفسك ويحفظ لك جهالك ويجعل رزقك ساع الماء (ساع:يعني زي ،مثل ،نفس ،بهذا المعنئ+هذه دعوة جدتي المفضله لما تدعي لاخوالي😂😂😂)
علي فرح لان هو بعد ما مات ابوه ما زد سمع هذه الدعوه:تسلمي يا خاله يله مع السلامه اسير لاعند نبيله
لطفيه:مع السلامة وغلقت (بخيله عيطير عليها الرصيد😂امزح)
ورجعت اتصلت مره ثانيه وقالت:يا علي مارأيك تتصل لنبيله وتفعل لنا مكالمة جماعيه لنا الثلاثه انا شسمع ما عتقول تمام
علي تنهد:تمام
اتصل لنبيله(نبيله اخت علي من امه وابوه طبعاً هي عتظهر في هذا البارت والبارت الثاني فقط)
نبيله:ها علي
علي:كيف انتي ياختي
نبيله:نحمد الله ونشكره بخير وانتوا كيف انتوا
علي:احنا الحمد لله كلنا بخير ما اشتي اقول لش ياختي
نبيله:اتحاكى بين اسمعك
علي:اول اتصلت لطفيه مرت ابي وقال لها كل شي......
نبيله تنهدت:والله ما ادي لك علم ياخي قلبي بيقول سامحيها وعقلي بيقول مع بس ياخي هي قد عذبتنا وخلتني اتزوج علشان ارتاح من ضربها ومشاكلها ياخي اتزوجت وعمري ١٢سنه بسببها وبدات تبكي.
نبيله كملت:صبرت علي زوجي وعلى اهل زوجي وتحملتهم علشان ابعد من مشاكلها علشان ابي ما يكرهنيش من كثر ما كانت تطابز بيني وبينه... وبدات تشهق وتبكي بصوت عالي
علي تذكر معاناته لما كان في بيت ابوه عايش ودموعه بداين ينزلين
نبيله:ازيد اسامحها على ايش اسامحها على عذابها لي والا على انني تزوجت وانا صغيره وولدت ليان بنتي وعمري ١٣سنه والا على اخوتي الذي بيكرهونا بسببها والا على ابي الذي كان بيصدقها بكل شي ولا على ايش قول لي يا علي قول
لطفيه جالسه بتسمع ودموعها بينزلين وهي بتتحسر على الذي فات
📚 https://www.tgoop.com/Real1_story 🇾🇪
BY روايات واقعيه ┇☻ ℡ֆ 𖤍 ₎.
Share with your friend now:
tgoop.com/Real1_story/28986