tgoop.com/Ragadalbhadley/12375
Last Update:
نعي ( لعون ابن السيده زينب ع )
.....................
اليوم الحزينه تنعه ابنها
بدموعه ما ينشف جفنها
خافت يروح حسين منها
نخوه نخت و اتصيح يبني
ليه تعال ابساع يمي
خالك اخاف ايروح مني
وحده سمعته و حار بأمره
و يا عيشتي لو راح مره
يخليلي وسط الگلب كسره
يبني الاخو ماكو اغله منه
خالك تره ينبع محنه
و بالروح يمه اسومنه
منك ردتها عون يله
اتنومس ابني فزع لجله
خالك عزيز شلون ابدله
ياعون يبني گومله ابساع
افزع ييمه و طيح عالگاع
ما ينشري ابن امي و ينباع
شلي ابحياتي اخلاف عينه
و اعليه وصتني الحنينه
ويلاه يا بلوه ابتلينه
خالك وحيد و حايطه الگوم
افزعله يبني بالعجل گوم
عطشان من الماي محروم
يا عون فدوه لا تقصر
انطي العمر ياكون تگدر
و اني ييمه بيك افخر
بيك اني اشيل الهام ياعون
يوليدي يا ماي البلعيون
و اعليك اون ويا اليونون
يبني اون اعليك بدموع
النوح اجيمه بصوت مسموع
گلبي على المدللول مفجوع
يمدلل امك يا نضرها
شبعت مهضمها من دهرها
كون الاخو يبقه ابكترها
غالي الضنه وماكو اغله منه
بس الاخو ابيش اعوضنه
ياعون اريده خيمه النه
يوليدي اريدنه تجيه
خيمه يضل و ايفيي ليه
لو راح گلي شلون بيه
------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
*✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://www.tgoop.com/Omwiessam
BY رثاء الاطهار للشاعرة والملا رغد البهادلي
Share with your friend now:
tgoop.com/Ragadalbhadley/12375