tgoop.com/Ragadalbhadley/12370
Last Update:
قصيده بعدة اطوار ( لبداية محرم )
.....................
الك يحسين كلشي حضرينه
خدامك يغاتي و تدري بينه
حظرنه المأتم لبو ارقيه
و حظرنه القصايد و العزيه
اله خدام و بخالص النيه
و نعاون بالعزه الضلت حزينه
نعاون زينب و ننصب مأتم
دمع العين يبقه شكثر ساچم
گلبي اعله اهل زينب ضال هايم
ميبطل ابد ساعه ونينه
ميهيد الگلب لمصاب اهلها
و ابد منهيد من نذكر وجلها
هل شهر الحزن كلنا نگلها
ندگ وياج مولاتي و بجينه
نبجي اوياج يازينب على حسين
و عهد هذا الحزن يتجدد سنين
امصابه كالجمره تجوينه كل حين
مو شهرين هاي اللي تجينه
نار حسين بينه دوم تسعر
ثگيل امصابه واحنه شلون نگدر
لو نسمع بقه عاري امطبر
ندگ اعله الصدر للساحگينه
حضرنه الصدور و جاهزه الهام
و كلشي جاهز و متحضره الاعلام
واجب شيعتك يحسين كل عام
ضل مثل الفرض لازم علينه
------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
*✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://www.tgoop.com/Omwiessam
BY رثاء الاطهار للشاعرة والملا رغد البهادلي
Share with your friend now:
tgoop.com/Ragadalbhadley/12370