tgoop.com/Ragadalbhadley/12011
Last Update:
نعي ( لجرح الامام علي ع )
.....................
جابوه اليه الحيد مصيوب
و الدمع عالوجنات مسجوب
امخضب ابدمه الوالي و ايلوب
بدمومه جابوه ليه اخوتي
لطمت الوجه عليت صوتي
يابويه اصيح و يا بلوتي
منين هاي البلوه اجتني
و بطبرتك بويه اهضمتني
هدمت حيلي و اكسرتني
گوه وگفت انه اعله طولي
وصحت يخواني بله تگلولي
ريگي نشف يابعد طولي
لن الحسن و حسين صاحو
ابونه انصرب وياها ناحو
وياها ونو ما ارتاحو
ونو اوياها و گابلوها
حگها الحنينه هذا ابوها
من بعده بيش ايصبروها
ون الحسن و يصفگ الايد
و ايگلها خلي النوح اله ايزيد
يسوه المناحه عودج الحيد
صاح الحسين و لطم خده
خويه يزينب لمي ولده
انسوي المناحه افصول حده
مطبور داحي الباب شوفي
ايروح منه هذا خوفي
راح حيلي و بادن اجتوفي
خويه يزينب شوفي ابونه
گبل ليروح مثل امنه الحنونه
صابوه ويلي و صوبونه
صاحت الحره و تجري العين
حاجيني بويه يبوالحسنين
ويلي اشوف الراس نصين
ونت و اجني گابلنها
خافت ابوها يروح منها
تلطم ابد ما سكتنها
صاحت تعالن ساعدني
خافن ابوي ايروح مني
ابقه حزينه و اجر وني
-------------------------------------------------------
اهداء الى روح المرحوم سيد محمد جابر ابو عقيل و المرحوم حمدان عبود
*✍ آلــشــاعرة 🎤 والملا رغــد البهادلي*
*✍آلــشــاعرة رغــد ام وسام الفرطوسية*
ذمة عدم حذف اسم الشاعرات
https://www.tgoop.com/Omwiessam
BY رثاء الاطهار للشاعرة والملا رغد البهادلي
Share with your friend now:
tgoop.com/Ragadalbhadley/12011