tgoop.com/Ragadalbhadley/12009
Last Update:
قصيدة مربعه ( لاستشهاد الامام علي ع )
.....................
الليله ام الخدر شنهي حزنها
حست عودها حيروح منها
الليله ام الخدر گصدت وليها
شافت حالته و صفگت بديها
شبعي اوداع سمعت وي عليها
لطمت صارخه و يهمل جفنها
لطمت صارخه و اتصيح يابه
شسويله الگلب زايد عذابه
منين ادواك اجيبه احا ييابه
اسوم الروح جا شلي بعمرها
اسوم الروح كون ادواك اجيبه
لا ترحل يبويه ابقه غريبه
و تدري الراح ما نگدر نجيبه
روحي اعليك تبقه تجر ونها
وني اعليك بويه ما امله
لا ترحل يبعد البيت و اهله
يجي الخطار باجر جا شگله
هاي الدار شال الحيد منها
شال و عاف داره محزنه اليوم
اليتامه اتريد منك باجر اهدوم
تجي بالعيد رايدتك يجيدوم
اليتامه ابعازتك لا تمشي عنها
كلنا ابعازتك يابو الكلافه
ياحيد و شهم تعجب اوصافه
حسافه اتروح ياحيدر حسافه
روحي اعليك ما يبطل شجنها
-------------------------------------------------------
اهداء الى روح المرحوم حمدان عبود
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
*✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://www.tgoop.com/Omwiessam
BY رثاء الاطهار للشاعرة والملا رغد البهادلي
Share with your friend now:
tgoop.com/Ragadalbhadley/12009