tgoop.com/Ragadalbhadley/11913
Last Update:
مجلس نعي كامل ( لوفاة الامام الكاظم ع )
.....................
ماهاد
زماني ابغيبتك يا بوي ماهاد
و بالي من رحت فديوم ماهاد
ليالي اجفاك گلبي يون ماهاد
اخلص الليل دمعاتي جريه
ونته ثگله
يبويه الگلب لجلك ونته ثگله
اگل للروح هيدي ونته ثگله
مال الوكت بيه ونته ثگله
و اتاني جيتك بويه عليه
ندري باليسافر لازم ايعود
و تتانيه الاهل صبح و مسيه
صار سنين بويه و انته مفگود
و يوميه اگولن يرد ليه
شمحلاته السمر وياك يحنين
و ترجع شوفتك ذيج البهيه
هاي سنين الك غايب عن العين
و گضاني الشوگ بويه شلون بيه
الله ايساعد الواليها عنها ابعيد
تضل اعيونها لجله جريه
شحالي ابغيبتك كونك تجي اتشوف
بعد مااحمل افراگك عليه
مريود الابو بالبيت مريود
تضل ابعوز ويلاده خطيه
الليل اخلصه بالمناحه
من يومك ابد ماشفت راحة
احاه يا گلبي و جراحه
كل يوم اگولن والدي ايعود
و الليل انامه و بالي ايهود
ترا ياناس الابو كليوم مريود
مريود يا محله محنته
صار هواي اني من فگدته
عنت شوفته والليله ردته
ردته المسه وياي يگعد
افرح واشوفه وبلكي أهوّد
كلساعه اگولن يمته ايرد
يمته يردلي بالسلامه
الليل وحشه و شينامه
حنين الابو و محله كلامه
محله سوالفنه هذيج
ياروحي گولي هم يجيج
شمحلاته لو سير عليج
ضليت محتامه ارد اشوفه
و بنفسي ابوسنهن اجفوفه
محله الابو و محله طيوفه
عازاته كلش ثگيله
و بغيبته ابنيته ذليله
و الحمل بعده من يشيله
يا ونسة ابنيتك يهيبه
خليتها ادموعي سجيبه
و الراح مني منين اجيبه
غايب علينه صار مده
الغيبه طويله شكثر شده
بالسجن وسفه اللي نوده
بالسجن ابويه شلون كيفه
وحشه السجون شگد مخيفه
و هارون ماضن برد حيفه
شنهو الذنب الحصل منه
من سجن لاخر يجر ونه
و الروح ما تحمل المنه
-------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://www.tgoop.com/Omwiessam
BY رثاء الاطهار للشاعرة والملا رغد البهادلي
Share with your friend now:
tgoop.com/Ragadalbhadley/11913