tgoop.com/Ragadalbhadley/11893
Last Update:
نعي بطور المعاتيق ( لوفاة السيدة زينب ع )
.....................
الليله ام الحزن ماتت
بغربه انتهت قصتها
هاي العاشت بألآم
و ما هودت ونتها
من الصغر حد الموت
تسعر بيها جمرتها
😭اه يعمتي اه يعمتي اه - ٢💔
اجت ليها المنيه شلون
بغربه و هيج تاليها
و تدرون المره تعتاز
يشيل النعش واليها
محد اجه من اخوتها
و لا واحد بجه اعليها
💔اه يعمتي اه يعمتي اه - ٢😭
محتار بنعشها شلون
و هيه الساع وصتني
اشيعها بحزن و آهات
گالت انته تدفني
بس يا عازة الخوان
تجي و تساعد ابوني
😭اه يعمتي اه يعمتي اه - ٢💔
حبايب ماكو و امغسلات
يجنها كون بهضيمه
هاي الضاگت اللوعات
عنها وين ابو الشيمه
و خل تحضرها علويات
و كل ايتيم و ايتيمه
💔اه يعمتي اه يعمتي اه - ٢😭
الليله امگابل اعله ام عون
خلي نجذب الونه
و نصبب مأتم اعليها
و دم نهمل مدامعنه
تسوه ادموعنه و النوح
عمتي الليله فجعتنه
😭اه يعمتي اه يعمتي اه - ٢💔
حد الموت تنعه حسين
و تنعه الكفل ذراعنه
من جتها المنيه اتصيح
كون اخواني دفانه
بعيده لجن وسفه و حيف
تصبح موتتي اهنانه
💔اه يعمتي اه يعمتي اه - ٢😭
-------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://www.tgoop.com/Omwiessam
BY رثاء الاطهار للشاعرة والملا رغد البهادلي
Share with your friend now:
tgoop.com/Ragadalbhadley/11893