tgoop.com/Quranwfarmuda/1885
Last Update:
بسم الله الرحمن الرحيم
پێغەمبەری خوا صلى الله عليه وسلم فەرموویەتی؛
ئەی نەوەی ئادەم ئەگەر بێتو ئەوەی لەخۆت زیادە ببەخشی بۆ تۆ خێر و چاکەیە، وە ئەگەر بێتو بیگریتەوە(نەیبەخشی) بۆ تۆ شەڕ خراپەیە، وە بەوە دەست پێبکە کەوا لەژێر سەرپەرشتی تۆ دان (ئەوەی مەسرەفیان لە ئەستۆی تۆ دایە)، وە ئەو دەستەی لەسەرەوەیە چاکترە لەو دەستەی کەوا لە ژێرەوەیە (ئەوەی دەبەخشێت بەڕێز تر و چاکترە لەوەی وەردەگرێت).
شەرح؛
پێغەمبەری خوا صلى الله عليه وسلم موسڵمانان و جگە لە موسوڵمانان هان دەدات و ڕێنمووییان دەکات کەوا خێر بکەن و ببەخشن، هەتا وەکو هاوسەنگی و یەکسانی لەنێوان کۆمەڵگادا ڕووبدات، نەک یەکێک زۆری هەبێت (زۆر لەخۆی زیاد بێت) نەزانێت چۆن بەکاری بهێنێت و هەڵسوکەوتی لەگەڵ بکات و مەغرور لە خۆبایی بێت وە یەکێکی تر پێداویستی ژیانی بەشی نەکات، بۆیە زیادەکە ببەخشێت بۆ دونیا و قیامەتی باشە، بەپێچەوانەوە بۆ دونیا و قیامەتی خراپە، بەلاَم خێر کردن و بەخشین ئەوەندە زۆر نەبێت خۆت تووشی سواڵکردن و داواکردن لە خەڵکی بکات، هەردەم ئەو کەسانەی کەوا خەرجیان لەئەستۆی تۆ دایە (دایک و باوک و خێزان و منداڵ) لەپێش خێر و بەخشینە، دەبێت لەوان زیاد بکات ئینجا زیادەکە ببەخشرێت بە هەژاران.
BY قورئان و فەرموودە
Share with your friend now:
tgoop.com/Quranwfarmuda/1885