tgoop.com/Q_u_r_an/5345
Last Update:
يمكن اوّل مرّة اكتب شي يخصني هنا بس الي غاية وإن شاء الله توصل صح... بعام ٢٠١٩ چان حفل التخرج السابق لمشروع التحفيظ الوطني چان شي جديد ومميّز جدًا واذكر شلون اهلي بقوا يتابعو ع التلفزيون ونشوف الحفاظ وهمة يرتلون حفظهم وبدون تلكؤ بقيت اتابع البث بكل هدوء وبنفسي اگول آني ليش ما اكون مثلهم وهم يجي يوم اكون بمكانهم وبطرف عيني الدمعة، وبعدة بقيت انام واگعد وفكرة حفظ القرآن تكبر بقلبي إلى ان اخذت القرار وبقيت ادوّر على حلقات حفظ الكتروني ومالگيت رحت سولفت لصديقتي چانت جديدة العهد بالحفظ وهسة هي صارلها سنة تقريبًا من ختمت فحچيتلها اريد ابدي احفظ گلتلي ابدي احفظي وآني اسمعلچ والله يسهل قنعت وبديت بكل حب وتوكل احفظ من الجزء الاول بعد يومين تقريبا دزتلي اعلان (مشروع المئة حافظة للقرآن الكريم) وعسريع دخلت وسجلت عند الاستاذة وانقبلت بالمشروع وچانت فرحتي متنوصف ابدًا ولحد الان آني بنفس الحلقة وبعد انتظااار اربع سنوات تقريبًا ربي وفقني لحضور هالحفل المُبارك واكون من الخاتمات ال٩٩٩ حافظة،ف لله الحمدُ والمنّة على ما اعطاني وشكرًا لسيد النعمة مولاي سيد الشهداء ع الي سمح النا نحفظ الثقل الاول تحت رايته وبسمه🙏🏻💜
وآخرًا اتمنى يكون هالحفل الي بهذي النسخة الة الاثر الكبير بنفوس الكثير منكم ويكون الهم المنطلق والشرارة الاولى مثل ماكان الي ويبدأون بحفظ كتاب الله قولًا وعملًا🤍.
#حفظ #القران_الكريم #العتبة_الحسينية_المقدسة
BY حلقة المئة حافظة للقرآن الكريم-حلقة أديان
Share with your friend now:
tgoop.com/Q_u_r_an/5345