tgoop.com/Q_u_r_an/3548
Last Update:
"♥️
كنت كَاعدة أَفكر شكَد أَحنا بشهر رمضان نحضر مجالس حُسينية اَو قُرآنية ونعيش أَجواء روحانية تختلف جداََ عن بقية المشاعر مشاعر نحس بيهة فقط بشهر محرم وشهر رمضان؛ أَو نحضر محاضرة دينية ع اليوتيوب او على التلفزيون ونتفاعل وياهة.. كل هاي المواطن هي مواطن لأَستجابة الدعاء وخاصة شهر رمضان؛ من نسوي ختمة النة مع قراءة كل صفحة حاجات تُقضى أَو قبل لا نفطر واحنا نقرة دعاء الفرج الدور ندعي هواية من الله بحق محمد وال محمد انُ يقضي عدنة حوائج هواية.. ونسوي قائَمة طويلة عريضة بالحاجات الي نريدهة تنقضي، ومن نشوف محاضرة او دعاء ننتظر الشيخ او السيد يكَول اطلبوا حوائَجكم فانها مقضية ان شاء الله أَو من نقرة وقت السحر دعاء البهاء مكتوب جوة سل حاجتك تُقضى إِن شاء الله ♥️
يا تُرىٰ...!
- هل أَجة بالنا نستغل شهر رمضان أَستغلال قووي بالدعاء ونَلَحُ بالدعاء " الله يحب العبد اللحوح"؛ " أَدعوني أَستجب لكم"
-جربنا ندرج قائَمة قرآنية دُعائَية
أَ- رب اشرح بكتابك صدري، ويسر به أَمري
ب- ربي ارزقني حفظاََ متيناََ لا يتفلت ابدا
ج- ربي تواجهني صعوبة بالمراجعة انطيني القوة والعزيمة والارادة وسهل علية مــا نسيته وثبتهُ تثبيتاََ لا تلكئُ بعده
د- ربي لا تخرجني من هذا الدُنيا حتى أَحفظ قرآنك، وأَتقنه وأَعمل به فتستبشر بلقائَي
هـ- ربي وفقني بالقرآن، علمني وارفعني، وانفعني بالقرآن..
وغيرها كثير..
هذي مو أَدعية من كتاب / هذا حديث احنا كون كلنا نتقنة ونتكلم بيه وي رب العالمين ♥️. وهو يسمعنا
وبهذا الشهر - ما اكو شيطان - الله حبس الشياطين في قفص وخلة كُل أَدعيتنة مُجابة كون نستغلهة مو ندعي شوكت يخلص الشهر!!
هواية أَدعوا انو ميمر بيكم فترة فتور بالحفظ ابد، وهواية ادعوا انو تبقون ثابتين مهما اشدت الظروف استغيثوا برحمة الله الواسعة محمد وال محمد ♥️
- لا تنسونا من خالص دعواتكم دُمتم بعين الذي لا تأَخذه سِنة ولا نوم. ♥️✨
BY حلقة المئة حافظة للقرآن الكريم-حلقة أديان
Share with your friend now:
tgoop.com/Q_u_r_an/3548