tgoop.com/Photographic0/5610
Last Update:
١١- كثير من المصورين بيشتكوا ان "الكاميرا بتهرب فوكس ". و عشان نقيم الموضوع ده بشكل مظبوط لازم اولاً نسأل هل الاضاءة اللي تم التصوير فيها هي اضاءة كافية لاتقاط الفوكس (لان امكانية الكاميرا في تحديد الفوكس في الظلام بتفرق من كاميرا لاخري) و في الغالب بأفضل انا بشكل شخصي التقط الفوكس بشكل manual لو حالة الاضاءة ضعيفة جداً لضمان دقته (و ممكن الطلب من المُساعد اضاءة اي ضوء او استخدام ال modeling lamp الموجودة في الهيد للمساعدة في التقاط الفوكس بشكل مظبوط). ثانياً بنسأل هل الحاجة اللي احنا بنصورها خالية من التبايُن (زي مثلاً حائط ابيض او شئ اسود سادة او سماء منيرة جداً و صافية ) كل هذه الاشياء هنلاقي اغلب الكاميرات أخطأوا في تحديد الفوكس و العدسة فضلت رايحة جاية دون القدرة علي ضبط الفوكس و الحل هو اما اضافة تبايُن او ضبط الفوكس بطريقة manual. (طبعاً تختلف عوامل تحديد الفوكس من كاميرات لاخري و من ميرورلس لdslr ).
بعدين بنسأل عن طبيعة المشكلة هل العدسة بتخالف نقطة تحديد الفوكس عند استخدامها علي auto focus ( يعني بدل ضبط الفوكس علي العنصر في المقدمة تضبطه علي العنصر خلف نقطة الفوكس.. ده بنسميه back focus او بتضبط الفوكس علي العنصر قدام نقطة الفوكس بدل نقطة الفوكس الفعلية ده بنسميه front focus) و بنحلها بعملية اسمها calibration و هي بتتعمل عن طريق جهاز بيركب في العدسة لو العدسة سيجما او بيتعمل من خلال بعض الكاميرات عن طريق auto fine tune من خلال اعدادات الكاميرا (في بعض الكاميرات) (كل ده لتظبيط دقة الauto focus مالوش دعوة بال manual focus ).
بعدين بنسأل عن فتحة العدسة و بنلاقي عادتاً ان دي مشكلة مصور و ليس عدسة بمعني ان المصور مش ظابط فتحة العدسة بما يتناسب مع عدد الاشخاص او طريقة وقوفهم او محدد الفوكس الشخص الاخير عند تصوير مجموعه من الاشخاص بدل تحديد الفوكس علي الشخص اللي في المنتصف و بالتالي مساحة الفوكس مع فتحة العدسة الخاطئة بتبقي مش مغطية كل مجموعة الاشخاص.
لو كل ده مظبوط و مافيش فيه مشكلة بنبدا نطلب من المصور انه يجرب عدسات اخري و يقول لنا النتائج.
ممكن المشكلة تبقي في العدسة او في مطور الفوكس الموجود في العدسة.
-بعض المصورين بيشتكوا انهم لما يستخدموا الview finder بيلاقوا الفوكس مش مظبوط (عند استخدام العدسة علي الauto focus) و هنا بنطلب منهم تجربة التصوير من الشاشة
لان ممكن تبقي المشكلة في مطور ال viewfinder (ده طبعاً لو اتعملها calibration او auto fine tune دون جدوي) و هنا هتحتاج حد متخصص صيانة لمعالجة الموضوع ده.
اخيراً احياناً كثيرة بيبقي العيب في اختيار فوكس مود مناسب و المشكلة مش في الكاميرا ولا العدسة .
١٢- طبعاً جزء هام علي المصور هو اختيار معاد و توقيت التصوير و تحديد العدة المناسبة لحالة التصوير، لكن نفترض ان انتوا اتحطيتوا في موقف لازم تصوروا في الشمس الحادة و مش معاكم فلاش او فيلتر ولا عواكس ولا مشتت اضاءة.. هنا لازم تبقوا عارفين ان الشخص اللي بتصوره هو الهدف الاهم في الصورة (في اغلب الاحيان) فلازم اضاءته هي اللي تبقي مظبوطة حتي لو علي حساب ان الخلفية تصبح منورة جداً لكن ما ينفعش تبقي اضاءة الخلفية هي اللي مظبوطة و الشخص (الهدف الاهم ) مظلم جداً الا لو ده عن عمد زي في انواع تصوير مثل ال silhouette
١٣ بعض الناس بتشتكي ان عند النظر في الفيو فاندر بيلاقوا المشهد او الحاجة اللي بيصوروها مزغللة و هنا بنقول لهم يلفوا العجلة اللي جنب الview finder و يضبطوها علي نظرهم و هيلاقوا المشكلة اتحلت.
١٤ جزء من احترافية تصوير الفيديو هو تسجيل صوت جيد ( اتعامل مع حد فاهم في تسجيل الصوت خصوصًا في المناسبات الكبيرة)، لو بتسجل صوت لوحدك من دون وجود حد محترف (اختار مايك مناسب لنوع و مكان التصوير و الجو ) و خذ صوت علي مصدر تاني احتياطي.. اعمل تيست للصوت قبل التصوير و اسمعه او البس سماعة و اسمع الصوت اثناء التصوير لو الكاميرا بتدعم وجود سماعة مع المايك.
١٥ - لو بتصور ويدينج ولاقيت العريس اطول من العروسة بكثير (دي بعض النصائح )
تعالي نقسم الموضوع ده لعدة نقط:
اولاً العدسات:
من المهم معرفة ان العدسات ذات الزاوية الواسعة بتبالغ في المنظور :
يعني الشخص الاقرب من العدسة ذات الزاوية الواسعة هيبان اضخم من الشخص الابعد و الابعد هيبان اصغر (يزيد التأثير حسب مدي بُعد المسافة بينهم ) ده هيساعدك في التغلُب علي فرق الطول في بعض الصور (لكن خلي بالك من التشوه لو ده مش مقصود). العدسات التلي برضه هتعمل كده (حسب المسافة لكن هتقربهم من بعض لو بتستخم بُعد بؤري كبير و بالتالي هتحتاج مسافة اكثر لموازنة فرق الطول )
BY هواة التصوير الفوتوغرافي 📷
Share with your friend now:
tgoop.com/Photographic0/5610