tgoop.com/Omwiessam/777
Last Update:
قصيدة فزاعيه ( لاربعين السيدة زينب ع )
.....................
كل ميت بيوم الاربعين
يم گبره اهله اتعلي الاونين
شحال الغريبه ام گلب الاحزين
بالشام ما يمها معزين
*اليوم اختك بقت محد تعناها*
*يلطم يم گبرها و يبجي احذاها*
اليوم اختك يخوها ضالة بغربه
محد ون عليها بالغرب صعبه
ما يمها حبايب ماكو الاتحبه
يحسين العقيله گوم و انعاها
فك باب الگبر يحسين هالليله
و اگصد للعقيله و مدمعك سيله
و صيح هناك هاي الماتت انحيله
هاي ام الحزن ما سكت مبجاها
و گول ام الحزن البقت تنعاني
و يوم امصابها بالگلب صاباني
اريد الينعه ليها و حيل بجاني
اجازيها ابدمعتي الفارگيناها
اليوم الخوه واجب من توافيها
عزيزة گلبك الحرة و تجازيها
روح اليوم ليها ادموعك اجريها
سلاها الحزن من رحت سلاها
لوعها الزمان شكثر لوعها
يوميه بعزيز الوكت يفجعها
تالي بالغرب محد يودعها
و اليوم اربعين و انصب اعزاها
عزة تنصب عليها خيتك احنينه
و گلبك ليها خلي ايكثر اونينه
هاي الغاليه تسوه بواجينه
وسفه بالغرب و الگبر ضماها
-------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://www.tgoop.com/Omwiessam
BY الشاعرة رغد ام وسام
Share with your friend now:
tgoop.com/Omwiessam/777