tgoop.com/Omwiessam/697
Last Update:
نعي ( لوفاة السيدة زينب ع )
-------------------------------------------------------
راحات
ابد ما شفت انه يا ناس راحة / راحات
يطحني الوكت كل يوم رحة / راحات
ايام الهنية شلون. راحت/ راحات
بقت روحي عليله شلون بيه
كون الاحباب اليوم يمي
و اتشيل من الگلب همي
و اشكي و ايسمعون وني
ياريتهم ليه يعودون
اينشفون دمعاتي بلعيون
نامو وسافه و ما يگعدون
و نامو و عافوني غريبه
و الراح مني منين اجيبه
ويلاه احس موتي قريبه
خافن اموت و ما يحضرون
ذولاك اخوتي و ما يشيعون
مريودة اخوتي من يدفنون
ويلاه يلي مالج اخوان
يميل الوكت تدرينه خوان
و تبقين والله ابعوز الاحنان
يا عازة الخوان عازه
وكت الكلافه و الجنازه
ردتهم انه و گلبي توازه
ردت الحبايب يمي هسه
ايشركن بضيمي و بلكي انسه
موتي گرب والله احسه
ردت التجيني و تعدل اغطاي
و تنگط بحلگي لو ردت ماي
و اتنوح وي وني و مبجاي
وين التغطيني بعباتي
و راسي تشده من خواتي
و تحضرني و تشاهد مماتي
شمحله الحبايب يغسلني
و يدرن بضيمي و يجفنني
و بهيده عليه ما يلجمني
كون المسية يجن لية
و يتگابل كلهن عليه
و اعيونهن ليه جريه
ابعيدات عني اللي اودهن
و الله المسيه راديتهن
يروي دليلي لو شفتهن
احبيبات گلبي ما اجني
وحدي غريبه و اجر وني
و بنار فرگاهن جوني
بدار الاجناب الليله احسب
و عيني تصد من انجلب
بلكن يجوني اعزاز الگلب
يا گلبي كافي و موت احسن
ماضن يجني اللي اودهن
المن اضل اني بعدهن
-------------------------------------------------------
*بقلم ✍آلــشــا؏ـرة رغــد ام وسام*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://www.tgoop.com/Omwiessam
BY الشاعرة رغد ام وسام
Share with your friend now:
tgoop.com/Omwiessam/697